MATIUS 21:30 - WUKE SUSI WATTI'U AL᷊AL᷊USASSA

³⁰ Wua'udde hagurangnge inaite ringannu anangnge aruane, wuṛṛu nabbisara lai aroddi. ‘Ore, Iamangnga,’ sasimbakku ana'a aruane udde. Arawe i tou tawe nanu su wailla.

MATIUS 21:30 Iomraidhean Croise

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

MATIUS 21:29

‘I ya'u madiri,’ sasimbakku ana'a udde. Arawe wua'udde ṛingiṛṛanne nawal᷊u wuṛṛu nanute su waillu anggore udde.

MATIUS 21:31

Ne su wallattu ana'a darua indi, suapane apan tinumuṛṛutta apulun iamangnge?” “Iapa pahul᷊une,” sinimbakku manga imam tembonanne wuṛṛu piaṛṛa'u Yahudi udde. Ne Mawu Yesus nabbisarate si mangitou, “Pangimante: Maddarorongnga wose wuṛṛu manga wawine masandaga sarun maola'a lal᷊oṛṛon araratuannu Ruata rorone wuassi yamiu.

MATIUS 23:3

Ana waugu udde tuṛṛutte wuṛṛu ola'e sarangkanambone apan iradolokki mangitou. Arawe imbaṛṛangnga ma'ola'a apa apan a'olaanni mangitou, ana waugu i mangitou tawe tumuṛṛutta apa apan iaaṛṛa'i mangitou.

TITUS 1:16

I mangitou mabbisara manungku i mangitou maaillal᷊a Ruata, wutte'e inolaanni mangitou massinaaddu Ruata. I mangitou maarantinna, wuṛṛu i mangitou tawe tumuṛṛutta, ete i mangitou udde taumata apan tawe maaola'a manarane apan mapia.