MATIUS 21:19 - WUKE SUSI WATTI'U AL᷊AL᷊USASSA

¹⁹ I Tou naasilo sangkalu alu ara su winggin dal᷊anna. I Tou inaite su al᷊ungngu alu udde, arawe tawe naasomba wuane saran sambau, tumba'u rongngane sassane. See Mawu Yesus nabbisarate alu udde, “I'o sarun tate mabbua!” alu ara udde lapiddu tinumolangnga.

MATIUS 21:19 Iomraidhean Croise

YESAYA 5:2

I tou mammasolla letangnge wuṛṛu mandamme manga watune. I tou nassuannu anggore apan nipilene i tou napararisikku wal᷊en matanggakka pandiagganna. I tou naal᷊i sambau loṛṛangnga tampa pamakkannu anggore, ana see i tou naṛṛaddo wuane mal᷊aha arawe wuane ewe'e anggore apan mapakkadda.

YEREMIA 8:13

Mappulu atonna i Ya'u mangammullu uma-U ere taumata mangammullu hessin letangnge. Arawe, uma-U ere punnu anggore wuṛṛu punnu alu ara apan tawe mabbua, ewe'e lai manga rongngane tinumolangke. Ana waugu udde i Ya'u buatte namalan taumata raho rumanta wuṛṛu mangagassa wanuan mangitou. I Ya'u, Mawu, buatte nabbisara.”

MATIUS 21:20

Su tempo mallal᷊aṛṛenggennu Mawu Yesus naasilo inolaanna udde, i mangitou naherangnga atonna. “Ereapa alu ara udde wotongnge lapiddu naṛṛangu?” aiwal᷊o mangitou.

MARKUS 11:14

See Mawu Yesus nabbisara alu ara udde, “Manattakka orassa indi tawedu saran sangkatou lai apan umanna wuanu!” Manga mallal᷊aṛṛenggennu Mawu Yesus naaringikka wisara udde.

MARKUS 11:20

Tiṛṛabbine rua'allo, su tempo i mangitou sumabbi alu ara udde, i mangitou naasilo alu ara udde naṛṛangute na'oman sara ṛamunne.

LUKAS 3:9

Wal᷊iungnga nasaddiate ipanuwangnga alu ma'oman sara ṛamunne. Al᷊awo'u alu apan tawe mabbua mapia sarun tuwanganna wuṛṛu iramme sulal᷊ummu putungnga.”

YOHANES 15:2

Suapan ranna si Ya'u apan tawe mabua, pototanna, wuṛṛu ranna apan mabua, hainganna rongngane, wuṛṛu lauṛṛanna tadea'u lembo manambo lai wuane.

YOHANES 15:6

Taumata apan maddiri uaaukka ringang-Ku, sarun iramme ere ranna, ana see maṛṛangute. Manga ranna ereudde sarun iammulla wuṛṛu iramme su putungnga, see tutunganna.

2 TIMOTIUS 3:5

Salaiwe su ola'u waddangnga, i mangitou matuṛṛutta mappaamattu titan agama, arawe maddiri manengkamma lal᷊oṛṛon watiti'u agama udde sassane. Paarau manga taumata ereudde.

TITUS 1:16

I mangitou mabbisara manungku i mangitou maaillal᷊a Ruata, wutte'e inolaanni mangitou massinaaddu Ruata. I mangitou maarantinna, wuṛṛu i mangitou tawe tumuṛṛutta, ete i mangitou udde taumata apan tawe maaola'a manarane apan mapia.

YUDAS 1:12

Su tempo i yamiu na'ola'a andeangnga, pallal᷊agu manga taumata udde maarantinna su wallatti yamiu. Ana waugu i mangitou u'anna manambo-nambo ringannu tawe masili, wuṛṛu tumba'u maṛṛingiddu watanganne sassane. I mangitou naal᷊ihida winabbawa iattalla'u anginna, arawe tawe manguranna. I mangitou lai ere alu apan tawe mabbua salaiwe su tempon pabbawua; manga alu apan suete niabutta ṛamunne wuṛṛu natete abbi.

SONDAPPA 22:11

Taumata apan dal᷊eo, sidutu ma'ola'a al᷊al᷊eo; taumata ia'arantina wala'e i tou mapaarantinu watanganne; taumata apan tuttuṛṛuta apulun Ruata, wala'e sidutu i tou tuttuṛṛuta apulun Ruata, wuṛṛu taumata apan mabbiakka tumba'u hunane su Ruata sassane, wala'e sidutu mabbiakka hunane su Ruata sassane.”