MATIUS 21:17 - WUKE SUSI WATTI'U AL᷊AL᷊USASSA

¹⁷ Wua'udde Mawu Yesus nanantangngi mangitou, see sinumabangnga wuassu soa udde watukku Betania wuṛṛu nanaṛṛabbi poiaroddi.

MATIUS 21:17 Iomraidhean Croise

YEREMIA 6:8

Ei tumana'u Yerusalem, ṛinone anambon hal᷊ahe udde maola'a pananaungannu! Arie ma'oman sara i Ya'u manantangngi yamiu wuṛṛu Ta'u wal᷊uanna soanu mabbal᷊i wadda'u anne apan tawe wanuannu taumata.”

HOSEA 9:12

Arawe salaiwe pia al᷊aṛṛana'a apan niasungkangnga wuṛṛu niwuwunna, i mangitou sarun Ta'u al᷊apanna, tawe saran sangkatou apan Ta'u iwala wiakka. Nasilakate i yamiu, ei walahannu Israel, napawe i Ya'u manantangken kamiu!”

MATIUS 16:4

“Tumaniten dal᷊eo manga taumata tempo indi. I yamiu maddorongnga i Ya'u ma'ola'a al᷊aṛṛindu'a. I yamiu tawe onggol᷊anna saran sambau al᷊aṛṛindu'a, tumba'u al᷊aṛṛindu'i Nabi Yunus.” Napawe suete nabbisara aroddi, Mawu Yesus nanantangke mangitou, see napul᷊ete.

MATIUS 26:6

Su tempo Mawu Yesus su Betania, su wal᷊en Simon apan dorone uatataṛṛangnga radda'a paro,

MARKUS 11:1

Su tempo maddanin Yerusalem, i mangitou na'omate su Betfage wuṛṛu Betania, su welem Buiddu Zaitun. Isudde ruang katou mallal᷊aṛṛenggen-Ne nirolokku Mawu Yesus niapaṛṛoro.

MARKUS 11:11

Panginsueanne Mawu Yesus na'omate su Yerusalem, see sinumutta su Wal᷊e Mawu. Isudde i Tou na'ellega uapal᷊iwutta si Tou. Arawe ana waugu marandumpe, wua'udde i Tou inaite watukku Betania su sampunna ringannu sire mapul᷊o dua mallal᷊aṛṛenggen-Ne.

MARKUS 11:19

Napawe maranite maṛṛabi, Mawu Yesus wuṛṛu mallal᷊aṛṛenggen-Ne nanantangke n soa udde.

MARKUS 14:3

Napawe Mawu Yesus na'omate su Betania, su wal᷊en Simon apan dorone uatataṛṛangnga rada'a paro, sangkatou wawine nirumanta ringanni Tou. I tou uaapiddu sambau wotolla pualam, lal᷊oṛṛoannu lana mawangngi apan maarega, niola'a wuassu ṛamutta mawangngi. Su tempo Mawu Yesus tantal᷊anna u'anna, wawine udde namesangnga wotolla udde wuṛṛu nanebokku lana mawangngi su pua Mawu Yesus.

MARKUS 3:7

Mawu Yesus wuṛṛu mallal᷊aṛṛenggen-Ne inaite nabelengnga wuassu Ranon Galilea. Ne manambo atonna taumata wuassu Galilea inai mallaṛṛenggenna Mawu Yesus. Manambo lai nirumanta wuassu Yudea,

LUKAS 10:38

Wua'udde Mawu Yesus wuṛṛu mallal᷊aṛṛenggen-Ne nanassukku amatanne, see na'omate su sambau ampungnga. Isudde sangkatou wawine, aranne i Marta, namaggo si Tou niaparanta su wal᷊ene.

LUKAS 19:29

Napawe na'omate su Betfage wuṛṛu Betania su Wuiddu Zaitun, i Tou nandolokku ruang katou mallal᷊aṛṛenggen-Ne inai malliu ṛoro.

LUKAS 24:50

Wua'udde Mawu Yesus nangapidde mangitou sinumabangnga wuassu soa nadatingngu Betania. Isudde i Tou namatten lima-Ne, see nangal᷊amatta si mangitou.

YOHANES 11:1

Sangkatou aranne i Lazarus uatana'a su Betania su sampunna ringannu tuṛṛangnge i Maria wuṛṛu i Marta.

YOHANES 11:18

Betania maranin Yerusalem, itatakasere tallu kilo meteṛṛe araune.