MATIUS 21:12 - WUKE SUSI WATTI'U AL᷊AL᷊USASSA

¹² Wua'udde Mawu Yesus sinumuttate su Wal᷊e Mawu wuṛṛu nallimbuakka manga taumata apan uawawalli isudde. I Tou namal᷊insuangngu manga meddam pananu'aranna roitta, wuṛṛu manga wangko mabawal᷊u'u merpati.

MATIUS 21:12 Iomraidhean Croise

SASABANGNGA 30:13

Suapan taumata apan ireengnga sulal᷊ummu pandareengnga udde ṛinone mamaekku anambon doitta apan buatte tinantunna tumuṛṛuttu arega apan iappaatta su Rasang-Ku maola'a aonggola apan niṛṛae si Ya'u.

IMAMATTA 1:14

Amungkangngu niola'a sasamba udde sambau manu'u winalanganna, ṛinone manu'a bakiangnga ara'e merpati wakku.

IMAMATTA 12:6

Napawe nal᷊iudde tempone i tou na'ukkassa, mawae ana waugu buatte nanungkangnga ana'a esakka ara'e wawine, wawine udde ṛinone mangapiddu sasamba su imam su saruannu ngaran Dasanna Mawu. Sasamba udde erenai sambau ana'u domba uukke santonna maola'a sasamba itattambunna, wuṛṛu sambau manu'a merpati saṛṛen tumuwo ara'e bakiangnga saṛṛen tumuwo maola'a sasamba ipangampungnga rosa.

IMAMATTA 12:8

Amungkangngu wawine udde tawe maasaddia sambau ana'u domba, i tou ṛinone mangapiddu ruan bau manu'a merpati saṛṛen tumuwo ara'e bakiangnga saṛṛen tumuwo; sambau maola'a sasamba itattambunna wuṛṛu sambau lai maola'a sasamba ipangampungnga rosa. Imam ṛinone ma'ola'a lal᷊aghun ipamappassa rosan bawine udde, ne i tou nabbal᷊ite waresi.

IMAMATTA 14:22

I tou lai ṛinone mangapiddu darua manu'a merpati saṛṛen tumuwo ara'e bakiangnga saṛṛen tumuwo; sambau maola'a sasamba ipangampunga rosa wuṛṛu sambau lai maola'a sasamba itattambunna.

IMAMATTA 14:30

Wua'udde imam ṛinone mangonggolu sambau manu'a merpati wuṛṛu bakiangnga saṛṛen tumuwo

IMAMATTA 15:14

Su allo aual᷊une i tou ṛinone mangapiddu darua manu'a merpati saṛṛen tumuwo ara'e manu'a bakiangnga saṛṛen tumuwo watukku saruannu ngaran Dasannu Mawu ana see manantilla su imam.

IMAMATTA 15:29

Su allo aual᷊une i tou ṛinone mangapiddu darua manu'a merpati saṛṛen tumuwo ara'e bakiangnga saṛṛen tumuwo ringannu imam su saruannu ngaran Dasannu Mawu.

IMAMATTA 5:11

Amungkangngu taumata nassal᷊a tawe maasaddia sampare manu'a bakiangnga ara'e manu'a merpati olaanna sasamba ipangampunga rosa, i tou ṛinone mangapiddu taponna sangkilo. Taponna udde tawe wotongnge lo'annu lanan zaitun ara'e lal᷊o'annu amania, ana sasamba uddewe sasamba aampungnga rosa wuṛṛu wal᷊ine sasamba ia'imbe.

IMAMATTA 5:7

Arawe amungkangngu taumata nassal᷊a udde tawe maasaddia domba ara'e ambinga ipanubbussa rosane, i tou ṛinone mangapiddu sampare manu'a bakiangnga ara'e manu'a merpati saṛṛen tumuwo, sambau maola'a sasamba ipangampunga rosa, wuṛṛu sambau lai maola'a sasamba itatambunna.

MARKUS 11:11

Panginsueanne Mawu Yesus na'omate su Yerusalem, see sinumutta su Wal᷊e Mawu. Isudde i Tou na'ellega uapal᷊iwutta si Tou. Arawe ana waugu marandumpe, wua'udde i Tou inaite watukku Betania su sampunna ringannu sire mapul᷊o dua mallal᷊aṛṛenggen-Ne.

LUKAS 2:24

I mangitou lai pia pandumma manantillu sasamba, eteudde sampare manu'a bakiangnga ara'e darua ana'u merpati ta'e maradio'a, ere suete tinantunna sulal᷊ummu tita Mawu.

YOHANES 2:13

Napawe Allo Wahewam Paskah Yahudi maranite, Mawu Yesus inaite watukku Yerusalem.