MATIUS 20:19 - WUKE SUSI WATTI'U AL᷊AL᷊USASSA

¹⁹ wua'udde itantilla su manga taumata wal᷊ine Yahudi. I mangitou sarun mangal᷊uandaga si Tou, mannansara si Tou, wuṛṛu mangarussan Tou. Arawe su allo atallune, i Tou sarun iapawangunna apia.”

MATIUS 20:19 Iomraidhean Croise

AYUB 30:8

I mangitou tawe aranne wuṛṛu tawe aregane, manga taumata apan buatte nilimbuaṛṛanna wuassu wanuane.

DARALO 35:16

I mangitou sidutu mangngal᷊uandaga sangkatou peṛṛo, wuṛṛu ma'ellega si ya'u ringannu maddantunna.

YESAYA 26:19

Uman-Nu apan natete sarun mabbiakka apia, manga winal᷊unanni mangitou sarun mabbangunna apia. Taumata apan buatte nilabbinga sulal᷊ummu leta'a sarun mabbangunna wuṛṛu lumala'a. Naal᷊ihidda wal᷊angngukka apan ma'al᷊uassa runia, I'o napawiakku uman-Nu apan mal᷊annute nate.

YESAYA 53:3

I ite mallobbossa wuṛṛu mangindaun tou, taumata apan napenen asasusa wuṛṛu wotongnge mamassanna radda'a. Tawe saran sangkatou mappulu ma'ellega si tou, wuṛṛu i ite lai tawe manaile si tou.

HOSEA 6:2

Sulal᷊ummu darua ara'e tatallu su allone indi i tou sarun mapaapian kite, wuṛṛu i ite sarun mabbiakka sulal᷊ummu tilla'uppu Mawu.

MATIUS 12:40

I Yunus uatana'a tallu allo tallu ṛabbi sulal᷊ummu tiannu inassa masallaka. Aroddi lai Ana'u Taumata sarun matana'a tallu allo tallu ṛabbi sulal᷊ummu tiannu runia.

MATIUS 16:21

Nanattakka wuassu orassa udde, Mawu Yesus nabbisara ringannu uahahati su mallal᷊aṛṛenggen-Ne, manungku i Tou sarun inai su Yerusalem wuṛṛu mamendamma anambon asasusa wuassu manga piaṛṛangnge, manga imam tembonanne, wuṛṛu manga hurun agama. I Tou sarun pateanna, arawe su allo atallune i Tou sarun mabangunna apia.

MATIUS 17:23

I Tou sarun pateanna, arawe su allo atallune i Tou sarun iapawangunna.” Ne manga mallal᷊aṛṛenggen-Ne mangke nasusa atonna.

MATIUS 27:26

See i Pilatus namallose m Barabas si mangitou, wuṛṛu nandolokku taumata namuulla Mawu Yesus; wuṛṛu nanantilli Tou niapaarussa.

MATIUS 27:63

wuṛṛu nabbisara, “Mawu, i yami maanaungnga su tempo taṛṛa awusu udde ta'e wiakka, i Tou suete nabbisara, ‘Napawe tallute allo i Ya'u sarun mabangunna apia.’

MARKUS 14:65

See sire pira taumata nanattakke mangngadu Mawu Yesus, wuṛṛu i mangitou nallindumma mata-Ne wuṛṛu namuulla si Tou, see nabbisara, “Si'ata'a, isai namuulla Si'o?” Manga mandariaga lai namero Mawu Yesus.

MARKUS 15:1

Ruaallo atonna, manga Mallaṛṛuungngu Agama nasutta lai manga imam tembonanne, manga piaṛṛa'u taumatan Yahudi wuṛṛu manga hurun agama mal᷊iha-l᷊ihakka na'ire. I mangitou naṛṛapussa Mawu Yesus, wua'udde nangapiddi Tou wuṛṛu tinantilla si Pilatus.

MARKUS 15:15

I Pilatus maapulu mappa'al᷊uassu taumata nambo udde, ne i tou namallossen Barabas si mangitou. Wua'udde i tou nandolokku taumata namuulla Mawu Yesus see tinantilli tou iapaarussa.

LUKAS 18:32

I tou sarun itantilla su manga taumata apan wal᷊ine Yahudi, apan sarun mangal᷊uandaga, mangngadio'a wuṛṛu mangaddu si Tou.

LUKAS 23:11

I Herodes wuṛṛu manga tantarane mannalangnga wuṛṛu mangngal᷊uandaga Mawu Yesus, see nilluṛṛeannu laubbu awawantuga, wua'udde i Tou nirolokka apia ringanni Pilatus.

LUKAS 24:46

See i Tou nabbisara si mangitou, “Sulal᷊ummu Wuke Susi uawoṛṛetta manungku Ratum Punnu Sal᷊amatta ṛinone matataṛṛangnga, wuṛṛu sarun mabangunna apia wuassu papate su allo atallune.

WATTI'U MANGA RASUL 2:23

Ere su ṛingiṛṛan-Ne sassane, Ruata naṛṛawessa, i Tou manantillu Mawu Yesus si yamiu. Wuṛṛu su tempo i Tou tinantilla, i yamiu namate si Tou ringannu namala manga taumata lal᷊eo nangarussan Tou.

WATTI'U MANGA RASUL 21:11

I tou nirumanta ringanni yami ana see nanganu papeṛṛetti Paulus. Ringannu papeṛṛetta udde i tou nama'issa ledda wuṛṛu limane sassane ana see nabbisara, “Ete indi apan niapaasingkattu Ghaṛṛahon Ruata: Tatahuannu papeṛṛetta indi sarun ṛapusannu manga taumatan Yahudi ereindi su Yerusalem, wuṛṛu itantilla su manga taumata wal᷊ine Yahudi.”

WATTI'U MANGA RASUL 4:27

Ana waugu i Herodes wuṛṛu i Pontius Pilatus suete na'ola'a ammula ringannu manga taumata apan tawe ma'aillal᷊a Mawu wuṛṛu ringannu taumatan Israel su soa indi. I mangitou ma'amulla lumawangnga Mawu Yesus allang-Ngu apan na'ukkassa udde, apan suete nitene-Gu maola'a Ratum Punnu Sal᷊amatta.