MATIUS 2:2 - WUKE SUSI WATTI'U AL᷊AL᷊USASSA

² I mangitou ma'iwal᷊o su al᷊awo'u tampa, “Suapanete Ana'a udde, apan nasungkangnga maola'a ratun taumatan Yahudi? I yami naasilo anumpitanna nasabangnga wuassu samba'an ra'i, wuṛṛu i yami nirumanta massubba si Tou.”

MATIUS 2:2 Iomraidhean Croise

DARALO 2:6

Wisara-Ne, “Su Sion wui-U apan susi buatte Ta'u nitenega ratu nipile-U.”

DARALO 45:11

Ei Maṛṛuala ana'u ratu, paaddaringikke manga wisara'u, timbul᷊ianete walahanna wuṛṛu ṛuangannu hawenu.

YESAYA 60:3

Manga walahanna nirumanta mangngelekka watukku asasemakku, manga ratu ninumemman asasemakka apan nirumanta si'o.

YEREMIA 23:5

Mawu nabbisara, “Sarun a'omanna tempone, i Ya'u sarun manenegu sangkatou ratu apan matul᷊idda wuassu papapulunni Daud. Ratu udde sarun mamarenta ringannu masiṛṛongnga, wuṛṛu mapaamattu atatul᷊idda wuṛṛu atonna su ahewallu wanua.

YEREMIA 30:9

I yamiu sarun mattaṛṛamawu si Ya'u, Mawu Ruatanu, wuṛṛu su sangkatou papapulunni Daud apan sarun Ta'u itenega maola'a ratu.

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

REENGANNA 24:17

Ellehangku i tou, arawe wal᷊ine orassa indi; saileangku i tou, arawe ro'en marau. Sangkatou ratu wuassu Israel darantane, sarun dumanta naal᷊ihidda anumpitanna masemakka. Manga piaṛṛa'u Moab sarun ṛimunsaanne walahanni Set sarun pateanne.

MATIUS 2:3

Napawe i Ratu Herodes naaringikka olangnge udde, i tou niṛṛumoro atonna, aroddi lai anambon taumata su Yerusalem.

MATIUS 21:5

“Wal᷊oa'a su Sion, Ratunu tantal᷊anna rudanta ringanni yamiu I tou masaṛṛionto'a wuṛṛu uasa'e sambau keledai, sambau ana'u keledai saṛṛen tumuwo.”

MATIUS 27:11

Su tempo Mawu Yesus sinumaruanna Pilatus, gubernure su wanua udde, i Pilatus naiwal᷊o, “Apa i'o ratun taumatan Yahudi?” “Ere su wisaranu,” sinimbakku Mawu Yesus.

LUKAS 19:38

I mangitou u'ui, “Nial᷊amatanna Ratu apan nirumanta ringannu arannu Mawu! Paddarame su surga wuṛṛu awawantuga su Ruata!”

LUKAS 2:11

Allo indi su soan Daud nasungkangke Ratum Punnu Sal᷊amatti yamiu, eteudde i Kristus, Mawu.

LUKAS 23:3

See i Pilatus naiwal᷊o Mawu Yesus, “Atonna I'o ratun taumatan Yahudi?” Mawu Yesus sinumimbakka, “Aroddi ere su wisaranu.”

LUKAS 23:38

Su alu arussa Mawu Yesus al᷊iu rosone uawoṛṛetta wisara ereindi: “Ete indi Ratun Taumatan Yahudi.”

YOHANES 1:49

“Iamangnga Huru,” unni Natanael, “Iamangnga eteudde Ana'u Ruata! Ete Iamangnga Ratum walahannu Israel!”

YOHANES 12:13

Ne i mangitou nanappo manga rongngu palem see inaite nanansomakka si Tou, lapiddu u'ui, “Paddalote Ruata! Inal᷊amatanna i Tou apan nirumanta ringannu arannu Mawu. Nial᷊amatanna Ratun Israel!”

YOHANES 18:37

Ne i Pilatus naiwal᷊o si Tou, “Amungkangngu aroddi, I'o indi ratu?” Mawu Yesus sinumimbakka, “I'o nabal᷊o manungku i Ya'u indi ratu. I Ya'u niasungkangnga wuṛṛu nirumanta su runia indi ringannu sambau pandumma, eteudde mangonggolu tatiala su ola'u atatul᷊idda. Taumata apan wuassu atatul᷊idda udde maddaringikka si Ya'u.”

YOHANES 19:19

Su alu arussa Mawu Yesus, i Pilatus napa'elen boṛṛetta indi: “Yesus wuassu Nazaret, Ratun Taumatan Yahudi.”

YOHANES 20:28

I Tomas nabbisara Mawu Yesus, “Mawu'u wuṛṛu Ruata'u!”

YOHANES 5:23

Iamangnga na'ola'a udde tadea'u anambon taumata mangngaddatta Ana'a ere lai i mangitou mangngaddatta Iamangnga. Taumata apan maddiri mangngaddatta Ana'a maddiri lai mangngaddatta Iamangnga apan nandolokku Ana'a.

YOHANES 9:38

“I ya'u mangngimanna, Mawu,” sasimbakku taumata udde, see inumal᷊intudda su saruannu Mawu Yesus.

IBRANI 1:6

Arawe su tempo Ruata nandolokku Anang-Nge pahul᷊u watukku runia indi, Ruata nabbisara arendi, “Anambon mala'ekattu Ruata ṛinone massuba Ana'a udde.”

SONDAPPA 22:16

“I Ya'u, Mawu Yesus, suete nandolokku malaeka-U si yamiu tadea'u i tou mamasingkatu manga olangnge indi su manga jamaatta. I Ya'u indi papapulunni Daud; ete i Ya'u aṛṛusuallo apan masemakka udde.”