MATIUS 2:11 - WUKE SUSI WATTI'U AL᷊AL᷊USASSA

¹¹ I mangitou sinumutta sulal᷊ummu wal᷊e udde wuṛṛu naasilote Ana'a udde ringanni Maria, inangngene. I mangitou inumal᷊intuda wuṛṛu nassubbate ana'a udde see namu'ate tampan darotongngi mangitou wuṛṛu nangonggollen sasamba si Tou wul᷊awanna, amania wuṛṛu mur.

MATIUS 2:11 Iomraidhean Croise

PANDARIADDI 43:11

Ana see iamangngi mangitou nabbisara, “Amungkangngu su ṛinone aroddite, apira'e hessin leta'a apianne wuassu wanua indi sulal᷊ummu manga karongngi yamiu maola'a aonggola su gubernure udde; Kismis, pul᷊a, rampah-rampah, wuan kemiri wuṛṛu wuan badam.

1 MARARATU 10:10

Wua'udde ratun banua Syeba udde nanantilla si Salomo manga aonggolla apan niapidde, eteudde nilumebbe wuassu 4.000 su kilone wul᷊awanna wuṛṛu marasai watu permata see rampa-rampa. Tate saran paassa lai i Salomo nanarimmattu rampa-rampa apan aroddi anambone ere nionggollu ratun banua Syeba udde si tou. (

1 MARARATU 10:2

I tou nirumanta raṛundinganannu manambo taumata wuṛṛu unta apan nasaddattu luranna rampa-rampa, watu permata, wuṛṛu marasai wul᷊awanna. Sutempo nassomban Salomo, ratu udde nangonggollu al᷊awo'u hatin aiwal᷊o apan tawe iaṛṛingidde.

DARALO 2:12

al᷊intuddate susaruan-Ne ringannu mangngindo, arie ma'oman sara Mawu mabbal᷊i masa'u wuṛṛu i yamiu pateanna ringannu mal᷊ihakka, ana waugu asasa'u-Ne ṛumenggamma ringannu sangkaṛṛondappa. Lal᷊umanna'a su taumata apan uatullindumma su Mawu!

DARALO 45:8

I'o mandangngu atatul᷊idda wuṛṛu maddantinu al᷊al᷊eo; ana waugu udde, Ruata, Ruatanu buatte namile si'o, wuṛṛu nalluassa si'o nilumambalanna wuassu manga ratu waine.

DARALO 72:10

Manga ratun Tarsis wuṛṛu manga taṛṛanusa sarun mangapiddu sasamba si tou. Manga ratun Arab wuṛṛu Etiopia nirumanta uaapiddu aonggolla.

DARALO 72:15

Sal᷊amatte si tuangnga ratu! Antimanna si tou ionggolla wul᷊awanna wuassu Arab. Antimanna i tou ial᷊iomanna suapan tempo wuṛṛu sidutu daringiṛṛanna.

DARALO 95:6

Wette i ite umal᷊intudda massubba si Tou, umal᷊intudda su saruannu Mawu, nandiaddi si ite.

SASABANGNGA 30:23

“Panganute manga rampah apan apianne, annummu kilo mur mal᷊ua'e, tatallu su kilone alu manisse, tatallu su kilone tuwu mawangngi,

SASABANGNGA 30:34

Mawu nabbisara si Musa, “Panganute mangapira hatin rampa-rampa anambone uasul᷊ungnga, eteudde pul᷊uttu damar, pisin lokan, pul᷊uttu rasamab wuṛṛu amania tutune.

ANTARI MAWANTUGA 3:6

Apa udde apan nirumanta wuassu wadda'u anne, naal᷊ihidda ammul᷊annu timbulla? Awangngine ere mur wuṛṛu amania, wuṛṛu manga pupure mawangngi wuassu mabbawal᷊u'a.

YESAYA 60:6

Wanuanu niṛṛulunannu manambo unta, i mangitou nirumanta wuassu Midian wuṛṛu Efa. Wuassu Syeba taumata nangapiddu wul᷊awanna wuṛṛu amania, lapiddu maddal᷊o inolaannu Mawu.

IMAMATTA 6:15

I tou ṛinone manganu sangkangkumma taponna al᷊ussa wuṛṛu lana ringannu amania, ana see itambunna su wowon mezbah maola'a tatiala manungku sasamba sarangkanambone udde nionggola su Mawu. Hal᷊urun sasamba udde ma'al᷊uassa naungngu Mawu.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

MATIUS 1:18

Ereindi watti'a su ola'u asasungkangngu Mawu Yesus Kristus. Inangnge eteudde i Maria, uatatunangan Yusuf. Arawe su tempo i mangitou taambe naawingnga, niasingkatanna Maria piate illoṛṛo. (I Yusuf ta'e waga manungku Maria piate illoṛṛo ana waugu taṛṛinon Ghaṛṛaho Ruata.)

MATIUS 12:46

Tantal᷊anna Mawu Yesus ta'e uahahatto ringannu taumata nambo udde, nirumantate inangnga wuṛṛu manga tuṛṛang-Nge. I mangitou uarisikka su liudde lapiddu madea'a ana see wotongnge maahahatton Tou.

MATIUS 14:33

Ne manga mallal᷊aṛṛenggennu Mawu Yesus nassubbate si Tou. I mangitou nabbisara, “Atonna Mawu uddewe Ana'u Ruata!”

MATIUS 2:2

I mangitou ma'iwal᷊o su al᷊awo'u tampa, “Suapanete Ana'a udde, apan nasungkangnga maola'a ratun taumatan Yahudi? I yami naasilo anumpitanna nasabangnga wuassu samba'an ra'i, wuṛṛu i yami nirumanta massubba si Tou.”

LUKAS 2:16

I mangitou lapiddu inai, see naaratingke si Maria wuṛṛu si Yusuf, wuṛṛu ana'a adio'a udde tantal᷊anna mattiilla su tampa aananannu winatangnga.

LUKAS 2:38

Orassa udde lai i tou naṛṛindo'a nirumanta, see nadalo Ruata wuṛṛu uahahatto su ola'u ana'a udde ringannu awadaalla apan uaraṛṛaddo tempone Ruata mamallossu Yerusalem.

YOHANES 19:39

I Nikodemus apan paarorone suete nirumanta ringannu Mawu Yesus su tempo ṛabbi, inai lai suadio'a ringanni Yusuf. Nikodemus uaapiddu undamma mur wuṛṛu gaharu – sarangkanambone iraṛṛangngo tallum pul᷊o kilo gramma – anambone.

SONDAPPA 19:10

I ya'u nassumaga su saruannu mala'ekatta udde ana waugu nassubba si tou, arawe i tou nabbisara si ya'u, “Arie! Arie passubba si ya'u, passubbate Ruata! Ana waugu i ya'u lai allangnga ere i'o wuṛṛu ere anambon tuṛṛangu apan uaaggasa matohassa su watti'u Mawu Yesus!” Ana waugu ete watti'u Mawu Yesus udde mannantiro manga taumata apan mabatti'u papatta.

SONDAPPA 5:8

Tantal᷊anna Ana'u Domba udde ma'ola'a aroddi, inumaruutta sire appata riadianna udde wuṛṛu sire ruam pul᷊o appata piaṛṛange udde su saruan-Ne. I mangitou sangkatou-sangkatou uaaggasa kecapi wuṛṛu mangko wul᷊awanna lal᷊oṛṛoannu amania, eteudde manga aal᷊iomannu walahannu Ruata.

1 SAMUEL 10:27

Arawe manga pira taumata lal᷊eo nabbisara, “Ereapa wotongnge taumata indi pia gunane si ite?” I mangitou mangngadio'a si Saul wuṛṛu tawe mangapiddu aonggolla si tou. Arawe i tou mangngawusu wagga.