MATIUS 19:6 - WUKE SUSI WATTI'U AL᷊AL᷊USASSA

⁶ Nariaddi itarua tate lai ruang katou, arawe naola'e sambau. Ana waugu udde apa apan suete ni'aukku Ruata tate wotongnge iapasasindon taumata.”

MATIUS 19:6 Iomraidhean Croise

AMSAL 2:17

Wawine udde mal᷊awangnga awingnge wuṛṛu naabul᷊iten paairene su Ruata.

MALEAKHI 2:14

I yamiu ma'iwal᷊o i Tou maddirite manengkamma sasamba udde. Ana waugu Mawu masingkatta i yamiu tate satia su wawine apan buatte niawingngi yamiu sutempo i'o ta'e umbasanna. Wawine udde hawe sulal᷊ummu pabbiaṛṛannu, arawe i yamiu buatte nallobbossa si tou, salaiwe su saruannu Ruata i yamiu buatte naddiandi tadea'u sidutu satia si tou.

MALEAKHI 2:16

“I Ya'u maddantinnu pia patatal᷊ei,” unnu Mawu Ruatan Israel. “I Ya'u maddantinna amungkangngu pia sangkatou suwallatti yamiu pia inolaanne aṛṛagissa udde su saruannu awingnge. Ne paariagaite watangannu wuṛṛu arie saran paassa mallobbossa awingngu.”

MATIUS 19:5

Wuṛṛu wua'udde i Tou nabbisara, ‘Ana waugu udde, esakka manantangken hagurangnge wuṛṛu naaukke ringannu awingnge, itarua naola'e wadangnga sambau.’

MATIUS 19:7

See manga taumatan Farisi naiwal᷊o si Tou, “Amungkangngu aroddi, anio i Musa nandolokku taumata mangngagillu surattu pasasasindo su awingnge apan nisindoanne?”

MARKUS 10:9

Ana waugu udde, apa apan suete ni'aukku Ruata, tate wotonge iapaatal᷊ein taumata!”

ROMA 7:2

Sangkatou wawine apan piate awingnge, tul᷊addane, tuttuṛṛutta titan awingnge amungkangngu awingnge ta'e wiakka. Amungkangngu awingnge natete, i tou nal᷊iute wuassu titan awingnge udde.

EFESUS 5:28

Aroddi lai esakka ṛinone mandangngu awingnge wawine ere lai i tou mandangngu wadangnge sassane. Taumata apan mandangngu awingnge atappasanne ere lai tou mandangngu wadangnge sassane. (

IBRANI 13:4

Anambon taumata ṛinone mamasilon addatta su pa'a'awingnga, ana waugu udde ṛinone sangkawinganna warararingikka sangkatou ringannu waine. Taumata apan lal᷊eo wuṛṛu taumata masandaga sarun parikisannu Ruata.