MATIUS 19:29 - WUKE SUSI WATTI'U AL᷊AL᷊USASSA

²⁹ Wuṛṛu manga taumata apan suete nanantangngu wal᷊ene, ara'e tuṛṛangnge esakka ara'e wawine, ara'e inangnga iamangnga, ara'e manga al᷊aṛṛanangnge ara'e wawail᷊anne ana waugu i Ya'u, taumata udde sarun manengkamma apia paaṛṛasutta su wageangnge. Wuṛṛu i tou sarun manengkamma lai wiakka tutune ma'oman sara mal᷊annu-l᷊annu.

MATIUS 19:29 Iomraidhean Croise

MANNANASE 3:6

Ruata nanantunnu tempo maasomba wuṛṛu tempo awul᷊ianna, tempo mangngalludda wuṛṛu tempo mangnginsue,

MATIUS 10:22

I yamiu sarun ia'arantinnu anambon taumata ana waugu i yamiu mallal᷊aṛṛenggeng-Ku. Arawe taumata apan matataṛṛangnga ma'oman sara panginsueanne sarun iapaaralukka.

MATIUS 13:23

Wuṛṛu wualanna apan nanawo su leta'a masuwukka, isassumandingnga su taumata apan maddaringikka watti'a udde wuṛṛu maasunna. I mangitou nabbua manambo, piaddu maṛṛasutta, piaddu anummu pul᷊o wuṛṛu pia lai wuane paatallum pul᷊o anambone.”

MATIUS 13:8

Arawe pia lai wualanna apan nanawo su leta'a masuwukka, see nabbua; piaddu maṛṛasutta, piaddu anummu pul᷊o, wuṛṛu pia lai paatallum pul᷊one anambone.”

MATIUS 16:25

Ana waugu taumata apan maapulu mandalukka wiakke, sarun awul᷊iannu wiakke. Arawe taumata apan mamalam biakke ana waugu i Ya'u sarun maasomba wiakka.

MATIUS 19:16

Su sambau allo sangkatou esakka nirumanta ringannu Mawu Yesus, “Iamangnga Huru,” unni tou, “pallal᷊agu mapia ereapa sarun ta'u olaanna tadea'u maatarimmattu wiakka tutune wuṛṛu ma'oman sara mal᷊annu-l᷊annu?”

MATIUS 25:34

Wua'udde ratu sarun mabbisara su manga taumata su samba'an uanan-Ne, ‘Wette i yamiu apan nial᷊amatannu Iamangku. Suttate sulal᷊ummu araratuanna apan suete pinassaddia ro'en panattaṛṛannu runia.

MATIUS 25:46

Ne manga taumata udde sarun iṛṛuumanna ringannu ṛuumanna ma'oman sara mal᷊annu-l᷊annu, arawe manga taumata apan tuttuṛṛutta apulun Ruata sarun maapendamma pabbawiakka tutune saran mal᷊annu-l᷊annu.”

MATIUS 5:11

Lal᷊umanna'a si yamin amungkangngu iapaasal᷊a, sassansaranna, wuṛṛu aaddio'anna ana waugu i Ya'u.

MATIUS 6:33

Nariaddi paddea'e dorone tadea'u Ruata mamarenta sulal᷊ummu wiakku wuṛṛu tuṛṛutte apulu-Ne. Ne al᷊awo'u darotongnga waine lai sarun ionggolu Ruata si yamiu.

LUKAS 14:26

“Amungkangngu taumata rumanta ringang-Ku, arawe lembo mandangngu inangnge, iamangnge, awingnge, al᷊aṛṛanangnge, manga tuṛṛangnge, lembonete ririne sassane, i tou tawe maola'a mallal᷊aṛṛenggeng-Ku.

LUKAS 5:11

I Simon wuṛṛu manga hawene namol᷊engke saalanna rua ngassa udde su apanne, wua'udde nanantangken sarangkanambone udde, see nallaṛṛenggente Mawu Yesus.

LUKAS 6:22

Lal᷊umanna'a i yamiu amungkangngu ia'arantinna, ia'adiri, a'adio'anna wuṛṛu hagal᷊usaanna ana waugu Ana'u Taumata!

YOHANES 15:19

Amungkangngu i yamiu tatahuanannu runia, i yamiu sarun rangnguannu runia maola'a pussaane. Arawe i Ya'u suete namile si yamiu wuassu runia indi, nariaddi yamiu tate lai tatahuanannu runia. Ana waugu udde runia maddantinni yamiu.

YOHANES 4:36

Taumata apan mangitingnga manattakke manengkamma lal᷊antakke wuṛṛu mangammulu wuane ipadea'a wiakka tutune wuṛṛu saran mal᷊annu-l᷊annu. Ne taumata apan nangasi'a wuṛṛu taumata apan mangngitingnga wotongnge lumuassa su sambau.

WATTI'U MANGA RASUL 9:16

Wuṛṛu i Ya'u sassane sarun mapaal᷊iatta'u anambon asasusa apan ṛinone apendamanni tou ana waugu i Ya'u.”

1 KORINTUS 2:9

Arawe olangnge udde ere uawoṛṛetta sulal᷊ummu Wuke Susi, “Apa apan taambe saran paassa niasiloanna ara'e niaringiṛṛannu taumata, wuṛṛu tawe lai saran paassa nilumatto sulal᷊ummu ṛingiṛṛannu taumata, eteudde apan nisaddian Duata su manga taumata apan mandangngu si Tou.”

2 KORINTUS 5:16

Ana waugu udde, i yami tate lai manguukka taumata tumuṛṛuttu aul᷊aannu taumata. Atonna i yami suete nanguukka Kristus wuassu pahuddu taumata, arawe orassa indi tate.

FILIPI 3:8

Wal᷊ine tumba'u manga inolaanna udde; arawe lai al᷊awo'u inolaanna apan sassunnangku ere manga inolaanna tumba'u maaruggi. Apan tatahuanangku orassa udde lembon maaregganne; eteudde maaillal᷊a si Kristus Yesus Mawu'u. Ana waugu Kristus, ne i ya'u suete namallosu manga al᷊awo'a. Aellehangku sarangkanambone udde ere sapadda, tadea'u i ya'u wotongnge maasomba si Kristus,

1 PETRUS 4:14

I yamiu naauntungnga amungkangu i yamiu aal᷊uandahanna ana waugu i yamiu mallal᷊aṛṛenggenni Kristus. Udde atappasanne Ghaṛṛaho apan mawantuga, eteudde Ghaṛṛahon Duata udde sulal᷊ummu naungngu.

3 YOHANES 1:7

ana waugu sulal᷊ummu amatanna mabatti'u ola'i Kristus, i mangitou tawe naasengkamma sasumbala saran kaddio'a wuassu manga taumata apan tawe maaillal᷊a Ruata.