MATIUS 19:27 - WUKE SUSI WATTI'U AL᷊AL᷊USASSA

²⁷ See i Petrus nabbisara, “Pa'ellega, i yami suete nanantangngu al᷊awo'u darotongngi yami tadea'u manantalongnga Iamangnga. Wuṛṛu apa sarun asombanganni yami?”

MATIUS 19:27 Iomraidhean Croise

MATIUS 19:26

Mawu Yesus nanutudda si mangitou see nabbisara, “Su taumata, olangnge udde tawe mariaddi! Arawe su Ruata sarangkanambone wotongnge mariaddi.”

MATIUS 19:28

Mawu Yesus nabbisara si mangitou, “Pangimante: Su Runia apan Bakku, Ana'u Taumata sarun uma'ianna su adderan araratuanna apan mawantuga. Su tempo udde i yamiu mallal᷊aṛṛenggeng-Ku sarun uma'ianna su mapul᷊o dua adderan araratuanna wuṛṛu makkuungnga mapul᷊o dua walahannu Israel.

MATIUS 9:9

Wua'udde Mawu Yesus nanantangken tampa udde. Tantal᷊anna u'amatta i Tou naasilo sangkatou maddarorongnga wose, aranne i Matius, tantal᷊anna ua'ianna su tampa mallal᷊uṛṛu wose. Mawu Yesus nabbisara si tou, “Wette tantalongke si Ya'u!” Ne i Matius nirumarisikke wuṛṛu tinumantalongke Mawu Yesus.

MARKUS 10:28

See Petrus nabbisara, “Pa'ellega, i yami suete nanantangngu sarangkanambone ana waugu mallaṛṛenggenna Iamangnga.”

MARKUS 2:14

Tantal᷊anna Mawu Yesus u'aamatta isudde, i Tou naasilo sangkatou madarorongnga wose aranne i Lewi ana'i Alfeus, tantal᷊anna ua'ianna su wal᷊em pammanaranne. “Tantalongke si Ya'u,” unnu Mawu Yesus si tou. Ne i Lewi dirumarisikka wuṛṛu tinumantalongke Mawu Yesus.

LUKAS 14:33

Panginsueanne Mawu Yesus nabbisara, “Aroddi lai matataṛṛino si yamiu. Tawe saran sangkatou wuassi yamiu wotongnge maola'a mallal᷊aṛṛenggeng-Ku, amungkangngu i tou tawe manantillu al᷊awo'u darotongnge.”

LUKAS 15:29

Arawe i tou nabbisara, ‘Ringannu tonnane al᷊annune i ya'u mammanara ringanni Iamangnga. Taambe saran paassa i ya'u nilumawangnga parentan Iamangnga. Apate nionggolli Iamangnga si ya'u? Ambingnga sambau lai taambe nionggolli Iamangnga si ya'u ipa'ola'a andeangnga ringannu manga hawe'u!

LUKAS 18:28

See i Petrus nabbisara, “Pa'ellega! I yami suete nanantangngu lal᷊oṛṛon bal᷊eng kami ana waugu tumantalongnga Iamangnga.”

LUKAS 5:11

I Simon wuṛṛu manga hawene namol᷊engke saalanna rua ngassa udde su apanne, wua'udde nanantangken sarangkanambone udde, see nallaṛṛenggente Mawu Yesus.

1 KORINTUS 1:29

Ringannu aroddi tawe saran sangkatou mamungan watanganne su saruannu Ruata.

1 KORINTUS 4:7

Isai apan na'ola'a si'o nangillembo wuassu taumata waine? Wal᷊inewe sarangkanambone sinengkammu wuassu Ruata? Nariaddi, anio i'o mapaatelengngu watangannu, paṛṛimaunnapa apa apan tatahuanannu udde wal᷊ine sambau apan nionggola?

TAHIUL᷊E 33:9

I mangitou marangngu Si'o nipangillembo wuassu al᷊awo'a, nipangillembo wuassu hagurangnga wuṛṛu tuṛṛangnga. Manga parenta-Nu tattuṛṛutanni mangitou, pa'aire-Nu niapatipussi mangitou.

FILIPI 3:8

Wal᷊ine tumba'u manga inolaanna udde; arawe lai al᷊awo'u inolaanna apan sassunnangku ere manga inolaanna tumba'u maaruggi. Apan tatahuanangku orassa udde lembon maaregganne; eteudde maaillal᷊a si Kristus Yesus Mawu'u. Ana waugu Kristus, ne i ya'u suete namallosu manga al᷊awo'a. Aellehangku sarangkanambone udde ere sapadda, tadea'u i ya'u wotongnge maasomba si Kristus,