MATIUS 19:22 - WUKE SUSI WATTI'U AL᷊AL᷊USASSA

²² Naaringikka manga wisara udde, taumata umbasanna udde napul᷊ete ringannu naungnga massusa ana waugu i tou taumata tumaniten ala.

MATIUS 19:22 Iomraidhean Croise

DARALO 17:14

Liuaawe i ya'u wuassu manga taumata apan mangngundu'u darotongngu runia. Ṛuumana'ewe i mangitou ringannu asasilaka apan buatte nissadia-Nu si mangitou. Wala'ewe ana'a papapulunni mangitou iṛṛuumanna lai.

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

MATIUS 13:22

Wualanna apan nanawo su tangngan ahuranganna ṛoaanna, isassumandingnga su taumata apan uararingikka watti'a udde, arawe sussinggawangnga su ola'u wiakki mangitou wuṛṛu maapulu mabbiakka su al᷊al᷊uassa. Ana waugu udde watti'a wuassu Ruata nawul᷊i wuassu naungngi mangitou na'oman sara tawe buane.

MATIUS 14:9

Naaringikka darorongnga udde, i Herodes mangke nasusa atonna naungnge. Arawe ana waugu i tou suete nassalu su saruannu rahone, i tou namarenta tadea'u darorongngu ana'a wawine udde watu'anna.

MATIUS 16:26

Apa auntunganne su sangkatou taumata, amungkangngu ahewallu runia indi maola'a darotongnge arawe i tou awul᷊iannu wiakke? Wotongnge wiakka udde sal᷊iuannu sambau darotongnga?

MATIUS 19:21

Mawu Yesus nabbisara si tou, “Amungkangngu i'o ma'apulu maola'a taumata nasuungnga, roote wal᷊ua'e manga darotongngu. Onggol᷊a'e roinne su taumata asiangnga, wuṛṛu i'o sarun maasomba darotongnga su surga. Wua'udde rantate tantalongke si Ya'u!”

MATIUS 19:23

See Mawu Yesus nabbisara su manga mallal᷊aṛṛenggen-Ne, “I Ya'u mabbisara si yamiu, masahada atonna taumata ala maola'a lal᷊oṛṛon araratuannu Ruata.

MATIUS 6:24

“Tawe saran sangkatou taumata maamanara su ruang katou mawu. Ana waugu i tou sarun lembo marangngu sangkatou wuassu sangkatou apan baine. Ara'e i tou lembo matuṛṛutta su mawune apan sambau wuassu mawune apan baine. Aroddi lai matataṛṛino si yamiu. I yamiu tawe maappammanara manara su Ruata wuṛṛu su darotongnga lai.

MARKUS 10:22

Naaringikka Mawu Yesus nabbisara aroddi, taumata udde sinumassilla, see nanantangken tampa udde ringannu naungnga massusa ana waugu i tou tumaniten ala.

MARKUS 6:26

Naaringikka darorongnga udde, i Herodes mangke nasusa. Arawe i tou tawe mapanol᷊a'u darorongnga udde, ana waugu i tou suete nassalu su pattangngannu manga rahone.

LUKAS 18:23

Arawe napawe taumata udde naaringikka wisara aroddi, i tou mangke nasusa ana waugu i tou ala marasai.

YOHANES 16:20

Pangimante, i yamiu sarun lumuai wuṛṛu sumangitta, arawe runia sarun lumuassa. Naungngi yamiu sarun masusa, arawe asasusanu udde sarun mawal᷊u maola'a al᷊al᷊uassa.

EFESUS 5:5

Panutukka paapia-pia: taumata apan pallal᷊agune sussandaga, ara'e tawe matataṛṛino, ara'e wal᷊iu (pallal᷊agu ereudde nassul᷊ungngu lai massubba paal᷊uanna), taumata udde tawe masutta su walahanna apan paparentanni Kristus wuṛṛu Ruata.

KOLOSE 3:5

Ana waugu udde, tantanga'e paa'apulun dunia apan maawinasa ririnu, ere sandaga, manga inolaanna apan tawe matataṛṛino, apulu naungnga, tawe masabare, apulu apan lal᷊eo, wuṛṛu awawal᷊iu (ana waugu awawal᷊iu udde nassul᷊ungngu massubba paal᷊uanna).