MATIUS 19:21 - WUKE SUSI WATTI'U AL᷊AL᷊USASSA

²¹ Mawu Yesus nabbisara si tou, “Amungkangngu i'o ma'apulu maola'a taumata nasuungnga, roote wal᷊ua'e manga darotongngu. Onggol᷊a'e roinne su taumata asiangnga, wuṛṛu i'o sarun maasomba darotongnga su surga. Wua'udde rantate tantalongke si Ya'u!”

MATIUS 19:21 Iomraidhean Croise

PANDARIADDI 17:1

Napawe i Abram uukke sioten pul᷊o sio su tonnane, Mawu naipasilon batanganne si tou wuṛṛu nabbisara, “Ete i Ya'u Ruata Apan Lembontaṛṛino. Paatuṛṛutte si Ya'u wuṛṛu sidutu pa'ola'e apulu-U.

PANDARIADDI 6:9

Ete indi watti'u pinabbiaṛṛanni Nuh. I tou pia ana'a esakka siri tallu, eteudde i Sem, i Yafet wuṛṛu i Ham. I Nuh tawe na'ola'a pasasal᷊a, wuṛṛu ete i tou sangkatou su wallatu taumata apan ma'ola'a apapia su tempo udde. I tou mabbiakka uaaukka ringannu Ruata.

AYUB 1:1

Su leta'u Us uatana'e sangkatou esakka aranne i Ayub. I tou massubba Ruata wuṛṛu satia si Tou. I tou taumata apan pallal᷊aghune mapia wuṛṛu tawe ma'ola'a al᷊al᷊eo sarangkadio'a.

DARALO 37:37

Pa'ellege taumata apan mapia wuṛṛu naungnge waresi; taumata apan mapulun paddarame uatahuanna allo addantane.

MATIUS 16:24

Wua'udde Mawu Yesus nabbisara su mallal᷊aṛṛenggen-Ne, “Taumata apan mallal᷊aṛṛenggenna si Ya'u, ṛinone tawe mannaungnga manarane, mamasanna arussane, wuṛṛu sidutu uatantalongnga si Ya'u.

MATIUS 19:20

“Anambon parenta udde suete tinuṛṛutangku,” sasimbakku taumata umbasanna udde. “Apa lai sarun olaangku?”

MATIUS 19:22

Naaringikka manga wisara udde, taumata umbasanna udde napul᷊ete ringannu naungnga massusa ana waugu i tou taumata tumaniten ala.

MATIUS 19:28

Mawu Yesus nabbisara si mangitou, “Pangimante: Su Runia apan Bakku, Ana'u Taumata sarun uma'ianna su adderan araratuanna apan mawantuga. Su tempo udde i yamiu mallal᷊aṛṛenggeng-Ku sarun uma'ianna su mapul᷊o dua adderan araratuanna wuṛṛu makkuungnga mapul᷊o dua walahannu Israel.

MATIUS 4:19

Mawu Yesus nabbisara si mangitou, “Wette tantalongke si Ya'u. I Ya'u sarun mangaṛṛa'a si yamiu manoma taumata.”

MATIUS 5:48

Iamangngu su surga mandangngu al᷊awo'u taumata ringannu nasuungnge. I yamiu sarun pa'ola'a lai aroddi.”

MATIUS 8:22

Arawe Mawu Yesus sinumimbakka, “Tantalongke si ya'u, wuṛṛu wala'e taumata nate mallabingngu taumatane nate udde sassane.”

MATIUS 9:9

Wua'udde Mawu Yesus nanantangken tampa udde. Tantal᷊anna u'amatta i Tou naasilo sangkatou maddarorongnga wose, aranne i Matius, tantal᷊anna ua'ianna su tampa mallal᷊uṛṛu wose. Mawu Yesus nabbisara si tou, “Wette tantalongke si Ya'u!” Ne i Matius nirumarisikke wuṛṛu tinumantalongke Mawu Yesus.

MARKUS 10:21

Mawu Yesus nanaile taumata udde ringannu aakkanna see nabbisara, “Ete inolaanna sambau lai apan sarun olaannu. Roote wal᷊ua'a anambon darotongngu; onggol᷊a'e roinne su taumata asiangnga, wuṛṛu i'o sarun maasomba darotongnga su surga. Wua'udde rantate ṛundingante si Ya'u.”

MARKUS 2:14

Tantal᷊anna Mawu Yesus u'aamatta isudde, i Tou naasilo sangkatou madarorongnga wose aranne i Lewi ana'i Alfeus, tantal᷊anna ua'ianna su wal᷊em pammanaranne. “Tantalongke si Ya'u,” unnu Mawu Yesus si tou. Ne i Lewi dirumarisikka wuṛṛu tinumantalongke Mawu Yesus.

MARKUS 8:34

Wua'udde Mawu Yesus namagote taumata nambo isudde su sampunna ringannu mallal᷊aṛṛenggen-Ne. See i Tou nabbisara si mangitou, “Taumata apan mallaṛṛenggenna si Ya'u, ṛinone manantangngu manarane wua'udde mamasanna arussa-Ne wuṛṛu sidutu uatantalongnga si Ya'u.

LUKAS 12:33

Wal᷊ua'e darotongngu wuṛṛu anggil᷊a'e roinne su taumata asiangnga. Ola'e sulal᷊ummu ririnu tampan doitta apan tawe maṛṛenessa, eteudde darotongnga apan uaraddo su surga. Darotongnga udde tawe mawul᷊i ana waugu taṛṛa ta'o tawe maapanna'o wuṛṛu wiangnga tawe maahohakka.

LUKAS 14:33

Panginsueanne Mawu Yesus nabbisara, “Aroddi lai matataṛṛino si yamiu. Tawe saran sangkatou wuassi yamiu wotongnge maola'a mallal᷊aṛṛenggeng-Ku, amungkangngu i tou tawe manantillu al᷊awo'u darotongnge.”

LUKAS 16:9

See Mawu Yesus nabbisara apia, wisara-Ne, “Padaringikka! Paata'e pa'a'alan runia indi ipadea'a hawe, tadea'u napawe darotongngu runia indi tate aregane, i yamiu sarun iapaatana'a su tampan atatanaanna apan tawe pangudusanne.

LUKAS 18:22

Naaringikka udde, Mawu Yesus nabbisara, “Ta'e pia lai sambau sarun olaannu: Wal᷊ua'e anambon darotongngu, onggol᷊a'e roinne su taumata asiangnga, ne i'o sarun maasomba darotongnga su surga. Wua'udde rantate wuṛṛu tantalongke si Ya'u.”

LUKAS 5:27

Wua'udde Mawu Yesus sinumabbangke wuṛṛu naasilo sangkatou madarorongnga wose, aranne i Lewi, tantal᷊anna ua'ianna su tampan pammanaranne. Mawu Yesus nabbisara si tou, “Paṛṛundingante si Ya'u.”

LUKAS 6:40

Tawe ana'a si'ol᷊a nangillembo wuassu hurune. Arawe ana'a si'ol᷊a apan nasuete si'ol᷊ane, sarun maola'a lai massul᷊ungngu hurune.

LUKAS 9:23

Wua'udde Mawu Yesus nabbisara taumata nambo isudde, “Taumata apan maapulu rumandinganna si Ya'u, ṛinone tawe mannaungnga manarane sassane, mamasanna arusane miallo-miallo wuṛṛu sidutu uatantalongnga si Ya'u.

YOHANES 10:27

Manga domba-U madaringikka tingi-U. I Ya'u ma'aillal᷊a si mangitou, wuṛṛu i mangitou uatantalongnga si Ya'u.

YOHANES 12:26

Taumata apan maapulu mangimbe si Ya'u ṛinone tumantalongnga si Ya'u; tadea'u mangangimbe'u wotongnge su sambau ringang-Ku su tampa i Ya'u uatana'a. Taumata apan mangngimbe si Ya'u sarun addatannu Iamang-Ku.”

WATTI'U MANGA RASUL 2:45

I mangitou nabal᷊u'u manga sarannapa wuṛṛu pussa'a mangitou, see tinahia roinne si mangitou sarangkanambone tumuṛṛuttu hausannu sangkatou-sangkatou.

IBRANI 10:34

wuṛṛu i yamiu lai mammendama su sambau, asasusan taumata apan su tuttupanna. Wuṛṛu su tempo manga al᷊awo'a apan tatahuananni yamiu aṛṛoanna, i yamiu nanengkamma udde ringannu naungnga mal᷊uassa, ana waugu i yamiu masingkata manungku i yamiu ta'e uatahuanna sambau apan lembon mapia, apan mataṛṛanga saran mal᷊annu-l᷊annu.