MATIUS 18:5 - WUKE SUSI WATTI'U AL᷊AL᷊USASSA

⁵ Wuṛṛu taumata apan manarimattu ana'a ereindi ana waugu i Ya'u, udde ere lai nanarimmatta si Ya'u.”

MATIUS 18:5 Iomraidhean Croise

MATIUS 18:4

Taumata apan mappaawawon dirine wuṛṛu maola'a ere ana'a addio'a indi, ete i tou ahewal᷊anne su wallattu lal᷊oṛṛon araratuannu Ruata.

MATIUS 18:6

“Isai napa'ola'a sangkatou taumata wuassu manga taumata apan maraddio'a indi madirite mangngimanna lai si Ya'u, mappianne amungkangngu watu gahilinganna iwa'issa su ullekane see i tou iwontolla su tahal᷊oangnga mal᷊al᷊umma.

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

MATIUS 25:45

Ratu udde sarun sumimbakka, ‘Asingkate: su tempo i yamiu madiri mantul᷊ungngu sangkatou taumata asusane ereindi, ere lai yamiu madiri mantul᷊ungku.’

MATIUS 7:8

Ana waugu taumata maddorongnga sarun manengkamma; taumata madea'a sarun maasomba; wuṛṛu taumata mannengkella sarun wu'anna ngara.

MARKUS 9:37

“Taumata apan manarimmattu sangkatou ana'a ereindi ana waugu i Ya'u, udde ere lai manarimmatta si Ya'u. Wuṛṛu taumata apan manarimmatta si Ya'u, i tou wal᷊ine tumba'u manarimmatta si Ya'u, arawe manarimmattu lai si Tou apan nandolo-U.”

MARKUS 9:41

Paanaunge! Taumata apan mappa'inummi yamiu, ana waugu yamiu mallal᷊aṛṛenggennu Ratum Punnu Sal᷊amatta, i tou sarun manengkamma lal᷊antakke.”

LUKAS 9:48

See i Tou nabbisara manga mallal᷊aṛṛenggen-Ne, “Taumata apan manarimmattu ana'a indi ana waugu i Ya'u, udde ere lai manarimmatta si Ya'u. Wuṛṛu taumata apan manarimmatti i Ya'u manarimmatti Tou lai apan nandolo-U. Ana waugu taumata apan adio'anne su wallatti yamiu, ete i tou apan ahewal᷊anne!”

YOHANES 13:20

Mangke atonna wisara-U indi: Isai manarimmattu taumata Ta'u nirolokka, mannarimma-U lai. Wuṛṛu isai mannarimma-U, i tou lai manarimmatti Tou apan nandolo-U.”

GALATIA 4:14

Su tempo udde i yamiu maddintingku, salaiwe wadangku naola'a ere wawono'a apan wahewalla si yamiu. Ewe'e i yamiu mannarimma'u ere lai nanarimmatu mala'ekattu Ruata ara'e ere manarimmatta si Kristus Yesus sassane.