MATIUS 18:12 - WUKE SUSI WATTI'U AL᷊AL᷊USASSA

¹² Ereapa su ṛingiṛṛannu? Unnu wisara pia sangkatou uatahuanna maṛṛasutta domba, see sambau su wallattu manga domba udde nawul᷊i, apa sarun olaannu taumata udde? I tou sarun manantangngu domba siom pul᷊o sio udde su wuidda wuṛṛu inai maddea'a domba sambau apan nawul᷊i udde.

MATIUS 18:12 Iomraidhean Croise

1 MARARATU 21:17

Ana see unnu Mawu si Elia, nabi wuassu Tisbe udde,

DARALO 119:176

I ya'u nial᷊iwune ere domba apan nawul᷊i, ne rantate wuṛṛu rea'ete allang-Ngu indi, ana waugu i ya'u tawe manantangngu manga parenta-Nu.

YESAYA 53:6

I ite sarangkanambone nial᷊iwune ere domba, sambau-sambau maddea'a lal᷊anne sassane. Mawu buatte nangema'a si tou al᷊al᷊eo kite sarangkanambone.

YEREMIA 50:6

Uma-U naal᷊ihidda domba apan niwalate manga mallal᷊u'adde nilamammiṛṛanne su panenteanna. I mangitou mammal᷊intadda wuassu wowone sambau watukku wowone waine wuṛṛu waggate tanne suapate wal᷊e mangitou.

YEHEZKIEL 34:12

maola'a sangkatou mallal᷊u'adda ṛinone maddea'a wuṛṛu mangammullu manga dombane apan nassal᷊iawukka ana see mamadul᷊i si mangitou. I mangitou sarun Ta'u iapidda mapul᷊e wuassu al᷊awo'u tampa i mangitou nassal᷊iawukka su allo apan marandumma wuṛṛu lal᷊eo udde.

YEHEZKIEL 34:16

Iapa nawul᷊i Ta'u reaanna, iapa nilamammiṛṛane sarun Ta'u iapidda mapul᷊e, iapa nal᷊essa Ta'u wa'isanna, wuṛṛu iapa maradda'a ta'u undamanna; arawe iapa matawa wuṛṛu matohassa sarun Ta'u pateanna, ana waugu i Ya'u mallal᷊u'adda apan ma'ola'a apapia.

YEHEZKIEL 34:28

I mangitou tate lai pangaṛṛoannu manga walahanna apan tawe maailal᷊a si Ya'u, ara'e tamboannu manga winatangnga mal᷊aṛṛaga. I mangitou sarun mabbiakka ringannu mal᷊angnganna, wuṛṛu tawe saran sangkatou apan mamata'utta si mangitou apia.

YEHEZKIEL 34:4

Manga domba apan lome tawe paddul᷊iananni yamiu, iapa maradda'a tawe undamanni yamiu, iapa nal᷊essa tawe wa'isanni yamiu, wuṛṛu iapa nilamammiṛṛane tawe reaanna wuṛṛu iapidda apia. Ewe'e lai anambon manga domba udde niola'i yamiu ringannu maṛṛagissa.

YEHEZKIEL 34:6

Ne manga domba-U nabbal᷊i lullallele su manga wuidda apan matanggakka wuṛṛu su manga wowone. I mangitou nassal᷊iawukka su ahewallu runia, tawe saran sangkatou apan ma'ellega si mangitou ara'e maddea'a si mangitou.

MATIUS 12:11

Mawu Yesus sinumimbakka, “Unnu wisara pia sangkatou wuassu wallatti yamiu uatahuanna domba sambau, wuṛṛu su allon Sabatta domba udde nanawo su loṛṛangnga apan mal᷊al᷊umma; apa tatahuannu domba udde tawe madea'a mamatunna domba udde wuassu loṛṛangnga?

MATIUS 18:13

Wuṛṛu amungkangngu i tou naasombate apia domba udde – pangimanna si Ya'u – i tou sarun lembon lulluassa ana waugu domba sambau wuassu siom pul᷊o sio waine apan tawe nawul᷊i.

MATIUS 21:28

“Su orassa indi ereapa ṛingiṛṛannu su olangnge indi?” unnu Mawu Yesus. “Pia sangkatou iamangnga pia anangnge ruang katou esakka. Timmade udde inaite ringannu anangnge pahul᷊u wuṛṛu nabbisara, ‘Ana'a, roote pammanara su waillu anggore allo indi.’

MATIUS 22:42

“Apa adapatti yamiu su ola'u Ratum Punnu Sal᷊amatta? Papapulunni sai i Tou?” “Papapulunni Daud,” sasimbakki mangitou.

1 KORINTUS 10:15

I ya'u mabbisara si yamiu ere su manga taumata pande. Ṛinone i yamiu maṛṛingidda sassane wisara'u indi.

1 PETRUS 2:25

Dorone i yamiu ere domba nilamammiṛṛanne, arawe orassa indi yamiu suete niapidda apia tumantalongnga Mallal᷊u'adda wuṛṛu Mamamadul᷊i niawanu.