MATIUS 17:5 - WUKE SUSI WATTI'U AL᷊AL᷊USASSA

⁵ Tantal᷊anna i Petrus ta'e mabbisara, winabbawa apan masemakka atonna nangooppa si mangitou wuṛṛu wuassu winabbawa udde niaringiṛṛanna tingikka apan nabbisara, “Ete indi Ana'a arangnguang-Ku, i Tou ma'al᷊uassa naung-Ku. Daringiṛṛe i Tou!”

MATIUS 17:5 Iomraidhean Croise

AYUB 38:1

Wua'udde wuassu lal᷊ummu anginna wahewalla Mawu nabbisara si Ayub, arendi:

DARALO 81:7

“I Ya'u buatte namasanna winabbawa wuassu wambangngu, wuṛṛu namallossu so'anna wuassu limanu.

SASABANGNGA 19:19

Tingikku trompeta mallannu ma'ikkata. I Musa nabbisara, wuṛṛu Ruata sinumimbakka ringannu rallu'a.

YESAYA 42:1

Wisara Mawu, “Eteindi allang-Ku apan bawawanang-Ku, taumata nipile-Ku apan ma'al᷊uassa naung-Ku. I Ya'u buatte nangonggollu taṛṛino-Ku si tou, ipangapiddu atatul᷊idda su anambon walahanna.

YESAYA 42:21

Mawu mappandumma manal᷊amatta; i Tou mappulu tita-Ne a'addatanna wuṛṛu wantuhanna.

MATIUS 12:18

“Ete indi ralol᷊oṛṛang-Ku apan Ta'u pinile taumata apan arangnguang-Ku wuṛṛu natataṛṛino su naung-Ku. Ghaṛṛaho-U sarun ionggolla si Tou, atatul᷊i-U sarun iapasingkattati si Tou su manga walahanna.

MATIUS 17:6

Su tempo manga mallal᷊aṛṛenggennu Mawu Yesus naaringikka tingikka udde, i mangitou nata'utta atonna, na'oman sara hati mangitou naduma'a su leta'a.

MATIUS 3:17

Wua'udde niaringikka tingikku Ruata nabbisara, “Ete indi Ana'u apan arangnguanna, i Tou ma'al᷊uassa naung-Ku.”

MARKUS 1:11

Wua'udde niaringikka tingikku Ruata nabbisara, “Ete I'o Ana-U apan arangnguang-Ku. I'o ma'al᷊uassa naung-Ku.”

MARKUS 9:7

Wua'udde winabbawa nangooppa si mangitou wuṛṛu wuassu winabbawa udde inaringiṛṛanna tingikka nabbisara, “Ete indi Ana'u apan arangnguanna. Daringiṛṛe i Tou!”

LUKAS 3:22

wuṛṛu Ghaṛṛahon Ruata inumonto'a si Tou ere manu'a merpati. See inaringikka tingikku Ruata nabbisara, “Ete I'o Ana'a arangnguang-Ku. I'o ma'al᷊uassa naung-Ku.”

YOHANES 3:16

Ana waugu Ruata aroddi arangngune su taumatan runia indi, na'oman sara i Tou nanantillu Anang-Nge tinggassa, tadea'u suapan taumata apan mangngimanna si Tou tawe mate, ewe'e maasomba wiakka tutune wuṛṛu saran mal᷊annu-l᷊annu.

YOHANES 3:35

Iamangnga mandangngu Anang-Nge, wuṛṛu suete nanantillu taṛṛino si Tou.

YOHANES 5:37

Wuṛṛu Iamangnga apan nandolo-U lai nangagillu tatiala su ola'u riri-U. I yamiu taambe naaringikka tingikke ara'e naasilo pahudde.

WATTI'U MANGA RASUL 1:9

Napawe Mawu Yesus suete nabbisara aroddi, i Tou nasengkengnga su surga su saruannu mata mangitou, wuṛṛu winabbawa nallindumma si Tou wuassu aellegi mangitou.

WATTI'U MANGA RASUL 7:37

Ete i tou lai Musa apan nabbisara su walahannu Israel, ‘Ruata sarun mangonggolla si yamiu sangkatou nabi apan nipile wuassu wallatti yamiu sassane, ere lai i Tou namile si ya'u.’

EFESUS 1:6

Dalo su Ruata apan mawantuga, ana waugu sulal᷊ummu Anang-Nge apan arangnguanna, i Tou lembon marangngu si ite.

TAHIUL᷊E 18:15

Ewe'e mawal᷊i'a lai waussu walahanni ite sassane sarun mandolokku sangkatou nabi ere i ya'u indi, wuṛṛu i yamiu ṛinone maddaringikka si tou.

TAHIUL᷊E 18:19

I tou sarun mabbisara sulal᷊ummu arang-Ku, wuṛṛu i Ya'u sarun makkuumannu taumata apan maddiri maddaringikka si tou.

TAHIUL᷊E 5:22

Eteudde manga parenta apan nionggolu Mawu si yamiu su tempo i yamiu uasemodda su wowone. Su tempo i Tou nabbisara ringannu tingikka ruddallu'a wuassu putungnga wuṛṛu winabbawa maapala, i Tou nangonggolu manga parenta udde, wuṛṛu wal᷊ine parenta waine. Ana see i Tou namoṛṛetta su ruan kul᷊appa watu wuṛṛu nionggola si ya'u.”

KOLOSE 1:13

I Tou suete namallosi ite wuassu taṛṛinon araranduma wuṛṛu nangingkati ite sulal᷊ummu araratuannu Anang-Nge apan arangnguan-Ne.

IBRANI 5:9

Ne napawe i Tou niola'a mananal᷊amatta apan nasuungnga, i Tou naola'a punnu asasal᷊amatta saran mal᷊annu-l᷊annu hunane su anambon taumata apan matuṛṛuta si Tou,

SONDAPPA 1:7

Pa'ellega i Tou rumanta sulal᷊ummu winabbawa! Anambon taumata sarun ma'ellega si Tou, nasutta i mangitou lai apan nangusu'a si Tou. Anambon walahanna su runia sarun lumal᷊on Tou. Ore, Atonna! Amin!

SONDAPPA 14:14

Wua'udde i ya'u na'ellega, ne niasiloanna sambau winabbawa apan mawira. Su wowon winabbawa udde ua'ianna sangkatou apan aellehanna ere taumata. Su pua-Ne pia sambau araposan araratuanna wul᷊awanna, wuṛṛu su lima-Ne pia sambau hal᷊ele maṛṛoro.