MATIUS 17:12 - WUKE SUSI WATTI'U AL᷊AL᷊USASSA

¹² Arawe i Ya'u mabbisara si yamiu, i Elia suete nirumanta, arawe manga taumata tawe maaillal᷊a si tou; i mangitou ma'ola'a si tou ere su apulu mangitou sassane. Wuṛṛu aroddi lai i mangitou sarun ma'ola'a Ana'u Taumata.”

MATIUS 17:12 Iomraidhean Croise

MATIUS 11:2

I Yohanes Mananaṛṛani apan tantal᷊anna uaṛṛuumanna naaringikka su ola'u pamamanara Mawu Yesus Kristus. See i tou nandolokke manga pira mallal᷊aṛṛenggenne ringannu Mawu Yesus niapaiwal᷊o,

MATIUS 16:21

Nanattakka wuassu orassa udde, Mawu Yesus nabbisara ringannu uahahati su mallal᷊aṛṛenggen-Ne, manungku i Tou sarun inai su Yerusalem wuṛṛu mamendamma anambon asasusa wuassu manga piaṛṛangnge, manga imam tembonanne, wuṛṛu manga hurun agama. I Tou sarun pateanna, arawe su allo atallune i Tou sarun mabangunna apia.

MATIUS 17:11

Mawu Yesus sinumimbakka, “Atonna i Elia rumanta wuṛṛu i tou sarun manuungngu sarangkanambone.

MATIUS 17:13

See manga mallal᷊aṛṛenggen-Ne naasunnate manungku Mawu Yesus uahahatto su ola'i Yohanes Mananaṛṛani.

MATIUS 17:22

Napawe manga mallal᷊aṛṛenggennu Mawu Yesus naammulle su Galilea, Mawu Yesus nabbisara si mangitou, “Tate mal᷊annu lai Ana'u Taumata sarun itantilla su apulun taumata.

MATIUS 17:9

Su tempo i mangitou sinumossokke wuassu wuidda udde, Mawu Yesus napaanaungnga si mangitou, “Arie pabbatti'a sisai-sai, apa apan suete niasiloanni yamiu tanginna, tantal᷊anna Ana'u Taumata taambe niapawangunna wuassu papate.”

MATIUS 21:32

Ana waugu i Yohanes Mananaṛṛani nirumanta, wuṛṛu namasilo si yamiu ola'u mabbiakka apan ipaapulu Mawu, arawe i yamiu madiri mangngimanna al᷊aṛṛangnge; arawe manga mallal᷊uṛṛu wose wuṛṛu manga wawine masandaga mangngimanna si tou. Arawe salaiwe i yamiu suete naasilo sarangkanambone udde, i yamiu tawe namal᷊u ṛingiṛṛanni yamiu wuṛṛu tate mangngimanna lai Mawu.”

MATIUS 8:20

Mawu Yesus sinumimbakka, “Serigala pia loṛṛangnge wuṛṛu manu'u winalanganna pia sal᷊akke, arawe Ana'u Taumata tawe tampa lallalowanganne.”

LUKAS 7:33

I Yohanes Mananaṛṛani nirumanta – i tou mappuasa wuṛṛu tawe ma'inumma anggore – wuṛṛu i yamiu mabbisara, ‘I tou niasuttannu setanna!’

YOHANES 1:11

I Tou nirumanta su wanua-Ne sassane, arawe pabbawala-Ge maddiri manarimmatti Tou.

WATTI'U MANGA RASUL 2:23

Ere su ṛingiṛṛan-Ne sassane, Ruata naṛṛawessa, i Tou manantillu Mawu Yesus si yamiu. Wuṛṛu su tempo i Tou tinantilla, i yamiu namate si Tou ringannu namala manga taumata lal᷊eo nangarussan Tou.

WATTI'U MANGA RASUL 4:10

Ne, manga mawu sarangkanambone ṛinone maasingkatta wuṛṛu anambon walahannu Israel ṛinone lai maasingkatta manungku taumata indi uarisikka orassa indi ringannu wadangnga apan mapia su saruannu manga mawu, ana waugu atatohassa wuṛṛu taṛṛino wuassu Mawu Yesus Kristus taumatan Nazaret. Manga mawu suete nangarussa Mawu Yesus udde, arawe Ruata suete napaawiakki Tou apia.

WATTI'U MANGA RASUL 7:52

Apa pia sangkatou nabi apan tawe nisansarannu iupungngu al᷊amonanu? I mangitou namate daroloṛṛannu Ruata apan dorone suete namasingkatta manungku Allangngu Ruata apan atonna udde sarun rumanta. Wuṛṛu orassa indi yamiu nandal᷊eo wuṛṛu namate Allangngu Ruata udde.