MATIUS 16:21 - WUKE SUSI WATTI'U AL᷊AL᷊USASSA

²¹ Nanattakka wuassu orassa udde, Mawu Yesus nabbisara ringannu uahahati su mallal᷊aṛṛenggen-Ne, manungku i Tou sarun inai su Yerusalem wuṛṛu mamendamma anambon asasusa wuassu manga piaṛṛangnge, manga imam tembonanne, wuṛṛu manga hurun agama. I Tou sarun pateanna, arawe su allo atallune i Tou sarun mabangunna apia.

MATIUS 16:21 Iomraidhean Croise

MATIUS 12:40

I Yunus uatana'a tallu allo tallu ṛabbi sulal᷊ummu tiannu inassa masallaka. Aroddi lai Ana'u Taumata sarun matana'a tallu allo tallu ṛabbi sulal᷊ummu tiannu runia.

MATIUS 16:22

See i Petrus nangahete Mawu Yesus watukku sandiṛṛanne wuṛṛu namo'a si Tou, wisarane, “Antimanna Ruata mapaaraun olangnge udde, Mawu! Ariewe olangnge udde mariaddi su Mawu!”

MATIUS 16:28

Asingkatawe! Wuassu wallatti yamiu isindi piaddu tawe mate, tantal᷊anna taambe naasilo Ana'u Taumata rumanta mamarenta ere sangkatou Ratu.”

MATIUS 17:12

Arawe i Ya'u mabbisara si yamiu, i Elia suete nirumanta, arawe manga taumata tawe maaillal᷊a si tou; i mangitou ma'ola'a si tou ere su apulu mangitou sassane. Wuṛṛu aroddi lai i mangitou sarun ma'ola'a Ana'u Taumata.”

MATIUS 17:9

Su tempo i mangitou sinumossokke wuassu wuidda udde, Mawu Yesus napaanaungnga si mangitou, “Arie pabbatti'a sisai-sai, apa apan suete niasiloanni yamiu tanginna, tantal᷊anna Ana'u Taumata taambe niapawangunna wuassu papate.”

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

MATIUS 26:2

“I yamiu masingkatta tillorege Allo Wahewam Paskah, wuṛṛu Ana'u Taumata sarun itantilla iapaarussa!”

MATIUS 26:47

Tantal᷊anna Mawu Yesus ta'e uahahatto, i Yudas, sangkatou wuassu wallattu sire mapul᷊o dua mallal᷊aṛṛenggen-Ne udde nirumanta. Suaddio'a ringanni tou, nirumanta lai taumata manambo apan uaapiddu hal᷊ele wuṛṛu papuulla. I mangitou nirolokku manga imam tembonanne, wuṛṛu piaṛṛa'u Yahudi.

MATIUS 27:12

Arawe su tempo manga imam tembonanne wuṛṛu piaṛṛa'u Yahudi napasabangngu anambon alae su ola'u Mawu Yesus, i Tou tawe sinumimbakka saran addio'a.

MATIUS 27:63

wuṛṛu nabbisara, “Mawu, i yami maanaungnga su tempo taṛṛa awusu udde ta'e wiakka, i Tou suete nabbisara, ‘Napawe tallute allo i Ya'u sarun mabangunna apia.’

MATIUS 28:6

I Tou tate baddi'a isindi. I Tou nabangunte ere suete niapasingkan-Ne rorone. Wette pa'ellega tampa nilallowangan-Ne.

MARKUS 8:31

Wua'udde, Mawu Yesus nanattakke mangngaṛṛa'a mallal᷊aṛṛenggen-Ne manungku Ana'u Taumata sarun matataṛṛangngu anambon asasusa, wuṛṛu ipaseettu manga tembonanne, manga imam tembonanne wuṛṛu manga hurun agama. I Tou sarun pateanna, arawe su allo atallune i Tou sarun mabangunna apia.

MARKUS 9:12

Mawu Yesus sinumimbakka, “I Elia atonna nirumanta paarorone ana waugu manuungngu sarangkanambone. Arawe ereapa olangnge ringannu Ana'u Taumata? Anio sulal᷊ummu Wuke Susi uawoṛṛetta manungku i Tou sarun matataṛṛangngu anambon asasusa wuṛṛu aal᷊uandahannu taumata?

LUKAS 17:25

Arawe paarorone i Tou ṛinone matataṛṛangnga anambon asasusa wuṛṛu ipa'adirin taumata orassa indi.

LUKAS 24:46

See i Tou nabbisara si mangitou, “Sulal᷊ummu Wuke Susi uawoṛṛetta manungku Ratum Punnu Sal᷊amatta ṛinone matataṛṛangnga, wuṛṛu sarun mabangunna apia wuassu papate su allo atallune.