MATIUS 16:18 - WUKE SUSI WATTI'U AL᷊AL᷊USASSA

¹⁸ Ana waugu udde ṛinone i yamiu masingkatta, i'o udde i Petrus, watu apan matohassa. Wuṛṛu su wowon batu indi ya'u sarun mapararisikku Ghaṛṛeda-U apan tawe iahohakku taumata; salaiwe ete uasaruanna papate!

MATIUS 16:18 Iomraidhean Croise

PANDARIADDI 22:17

i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.

2 SAMUEL 18:4

Ana see ratu nabbisara, “Aroddite, walate i yamiu.” Wua'udde ratu dirumarisikka su sandiṛṛannu ngaran paasallangannu soa, see anambon tantara uawarissa watukku liudde sulal᷊ummu wageangnge passaṛṛiwu wuṛṛu taṛṛa maṛṛasutta su atoune.

AYUB 38:17

Buattewe pia taumata nanta'e si'o ngara wahewalla su saruannu runian papate apan marandu-randumma?

DARALO 107:18

I mangitou nuallu al᷊awo'u anna, papaten mangitou maranite.

DARALO 127:5

Lal᷊umanna'a su taumata apan uatahuanna saddia manga anaanna aroddi! I Tou sarun tawe iawaddo, sutempo sumaruanna seetta su pallaṛṛuunganna.

DARALO 129:2

“I ya'u sassansaranna ro'en i ya'u ta'e umbasanna, arawe i mangitou tawe naawaddo'u;

DARALO 69:12

I ya'u nalluṛṛen nasa karongnga tatialan lullal᷊o, arawe i mangitou mammasendekka si ya'u.

DARALO 9:13

Ana waugu i Tou uanaungnga taumata apan uatatarangnga wuṛṛu tawe maabul᷊in sasal᷊iomanni mangitou; taumata apan lullawangnga sarun iṛṛuuman-Ne.

AMSAL 24:7

Taumata woddo tawe maasunna apande. I tou tawe maawisara sarangkadio'a amungkangngu taumata tantal᷊anna uahahatton manga hatto mahuna.

YESAYA 28:16

Ana waugu udde, Mawu Apan Atanggaṛṛanne nabbisara arendi, “I Ya'u sarun mangaddon rapappakke apan matohassa wuṛṛu ma'uatta su Sion; sambau watun pi'une apan maarega ringannu woṛṛetta: ‘Isai apan mangngimanna atonna, i tou sarun tawe mawaddo.’

YESAYA 28:6

Mawu sarun mangonggollu apendamma matul᷊idda su manga mallaṛṛuungnga, wuṛṛu awawaṛṛani su manga taumata apan uamanara mandiaga soa wuassu pangalo.

YESAYA 38:10

“Wisara'u, wakkute saṛṛen tumuwo i ya'u mapul᷊ete, manginsue lamben pabbiaṛṛangku su runian taumata nate.

YESAYA 54:17

Arawe suapan lutangnga apan nisassalla ipando'appa si'o, sarun tawe ma'apate. Wuṛṛu suapan a'ansilla sulal᷊ummu pallaṛṛuungnganna sarun iapasingkannu nassal᷊a. I Ya'u sarun mangonggollu auntunganna su manga allang-Ku,” etearoddi wisara Mawu.

YUNUS 2:6

I ya'u tinumumpa naddatingngu wantan panenteanna, watukku runia apan ngarane uaṛṛuudda sara panguddusannu tempo. Niawa'u mangke nallome sulal᷊ummu waddangku, ana see i ya'u naanaungnga wuṛṛu sinumal᷊ande Si'o. Ne aal᷊iomangku na'omate ringan-Nu sulal᷊ummu Wal᷊en-Ne apan na'uakkassa. Ana see I'o nabbatunna si ya'u wuassu lal᷊ummu tahal᷊oangnga, oh Mawu Ruata'u!

MATIUS 10:2

Arannu sire mapul᷊o dua rasulle eteudde: paarorone i Simon (apan isassaggo lai i Petrus) ringannu tuṛṛangnge Andreas, see i Yakobus ringannu tuṛṛangnge i Yohanes, eteudde al᷊aṛṛana'i Zebedeus.

MATIUS 11:23

Wuṛṛu i yamiu, Kapernaum! Apa i yamiu sarun iapaatanggakka ma'oman sara surga? Tawe! Ewe'e i yamiu sarun iwontolla su naraka! Ana waugu unnu wisara manga al᷊aṛṛindu'a apan niola'a su pattangnganni yamiu udde suete niola'a su Sodom, saran orassa indi ta'e pia Sodom!

MATIUS 18:17

Amungkangngu i tou tawe naddaringikka tatantiro manga taumata udde, wal᷊oa'a hatto udde su tangngan Jamaatta. Wuṛṛu panginsueanne, amungkangngu i tou madiri maddaringikka tatantiron Jamaatta, ellehete i tou ere sangkatou maddarorongnga wose wuṛṛu ere sangkatou apan tawe maaillal᷊a Ruata.”

MATIUS 4:18

Su tempo Mawu Yesus u'amatta su apannu Ranon Galilea, i Tou naasilo ruang katou samakka, eteudde i Simon (apan isassaggo lai i Petrus) ringannu tuarine i Andreas. I mangitou tantal᷊anna mannoma inassa su rano udde.

MATIUS 7:24

“Ei, taumata apan maaringikka wisara-U indi, wuṛṛu tuttuṛṛutta, i tou ere taumata pande apan napararisikku wal᷊ene su wowon batu.

YOHANES 1:42

I Andreas nanguntudi Simon ringannu Mawu Yesus. Mawu Yesus nanutuda si Simon, see nabbisara, “I'o Simon, ana'i Yona. I'o sarun isago i Kefas.” (Kefas uasul᷊ungngi Petrus, atappasanne: wowom batu.)

WATTI'U MANGA RASUL 2:47

I mangitou sidutu madalo Ruata wuṛṛu ipaapulun taumata nambo. Miallo-miallo reenganni mangitou aatambanna ana waugu Mawu nangonggolu manga taumata apan tantal᷊anna sassal᷊amattanna.

WATTI'U MANGA RASUL 20:28

Ṛinone i yamiu uariaga watangannu wuṛṛu riagai lai anambon jamaatta apan suete tinantillu Ghaṛṛahon Ruata si yamiu iapariaga; ana waugu i yamiu suete nitenega maola'a mandariaga jamaatta udde. Ṛinone i yamiu uariaga jamaattu Ruata udde naal᷊ihidda ere mallal᷊u'adda uariaga dombane, ana waugu Ruata suete na'ola'a jamaatta udde pussaa-Ne sassane sulal᷊ummu papaten Anang-Nge sassane.

WATTI'U MANGA RASUL 8:1

Wuṛṛu i Saulus lulluassa lai su ola'u pamamate udde. Allo udde lai jamaatta su Yerusalem mannattake a'enggenanna, na'oman sara anambon taumata mangngimanna, tabene'e manga rasul, nassal᷊iawukke watukku ahewallu leta'u Yudea wuṛṛu Samaria.

1 KORINTUS 15:55

“Ei papate, suapa auntungannu? Ei papate, suapa taṛṛinonu?”

GALATIA 2:9

Yakobus, Petrus wuṛṛu Yohanes, apan aellehanna naola'a manga piaṛṛa'u jamaatta, mangnga'u manungku Ruata buatte nangonggolu manara indi si ya'u. Ne i mangitou naa'agassa lima ringanni Barnabas wuṛṛu i ya'u, maola'a sambau tatialan pagahahawe. See i mangitou wuṛṛu i yami sambaidda manungku i yami sarun mammanara su wallatu manga walahanna wal᷊ine Yahudi, wuṛṛu i mangitou su wallatu taumatan Yahudi.

EFESUS 3:10

Pandumannu Ruata eteudde, tadea'u orassa indi, wuassu jamaatta sarangkanambone apan uaagassa taṛṛino su winalanganna masingkatu apanden Duata su al᷊awo'u inolaanne.

EFESUS 5:32

Tatialane udde pia atappasanne apan malal᷊umma. Wuṛṛu ta'u isumandinga ringannu paa'aukki Kristus wuṛṛu jamaatta.

KOLOSE 1:18

Ete i Tou tembonannu wuassu wadang-Nge, eteudde jamaatta, ana waugu ete i Tou punnu pabbawiakku jamaatta udde. Ete i Tou Ana'a pahul᷊une, apan paarorone niapaawiakka apia wuassu papate, tadea'u i Tou sassane apan maola'a apianne wuassu al᷊awo'u riadianna.

1 TIMOTIUS 3:15

tadea'u amungkangu i ya'u mal᷊annu, i'o masingkate ereapa i ite mabbiakka maola'a walahannu Ruata, eteudde jamaattu Ruata apan wiakka. Ete jamaatta indi apan naola'a alu tatungkale wuṛṛu rapappaku al᷊aṛṛa'a apan naṛṛino wuassu Ruata.

1 TIMOTIUS 3:5

Ana waugu amungkangu taumata wagga mangatokku lal᷊oṛṛon bal᷊ene sassane, ereapa i tou wotongnge mangatokku jamaattu Ruata?

IBRANI 12:28

Ana waugu udde, ṛinone i ite ma'adiangkamanna su Ruata, ana waugu i ite nanengkamma wuassi Tou sambau araratuanna apan tawe umio'a. Ṛinone i ite ma'adiangkamanna wuṛṛu mattaṛṛamawu Ruata ringannu addata wuṛṛu atata'utta, tumuṛṛuttu pallal᷊agu apan ipa'apulu-Ne sassane.

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

SONDAPPA 21:14

Darandungu soa udde niapararisikka su wowo mapul᷊o dua watu rapappake. Su manga watu rapappake udde uawoṛṛetta manga arannu sire mapul᷊o dua rasullu Ana'u Domba udde.