MATIUS 16:16 - WUKE SUSI WATTI'U AL᷊AL᷊USASSA

¹⁶ I Simon Petrus sinumimbakka, “Ete Iamangnga Ratum Punnu Sal᷊amatta, Ana'u Ruata apan biakka.”

MATIUS 16:16 Iomraidhean Croise

DARALO 2:7

Unnu ratu, “I ya'u maapulu mamasingkattu apa apan buatte nitantunu Mawu. wisara-Ne si ya'u, ‘I'o ana-U esakka, allo indi i Ya'u maola'a Iamangu.

DARALO 42:2

Naal᷊ihidda rusa maapulun ua'en sal᷊ukka, aroddi lai niawa'u maapulu-Nu, oh Ruata.

DANIEL 6:26

Wua'udde Ratu Darius nangirimmu suratta su manga taumata suassu al᷊awo'u walahanna, ṛuangannu walahanna wuṛṛu wahasa su ahewallu runia, “Tabbean paddarame!

MATIUS 14:33

Ne manga mallal᷊aṛṛenggennu Mawu Yesus nassubbate si Tou. I mangitou nabbisara, “Atonna Mawu uddewe Ana'u Ruata!”

MATIUS 16:15

“Arawe tumuṛṛuttu ṛingiṛṛanni yamiu sassane, isai Ya'u indi?”

MATIUS 26:63

Arawe Mawu Yesus mal᷊annaba. Paassa lai imam bahewa nabbisara si Tou, “Ringannu arannu Ruata apan wiakka, Wal᷊oa'e si yami apa ete I'o Ratum Punnu Sal᷊amatta, Ana'u Ruata?”

MATIUS 27:54

Tembonannu tantara wuṛṛu manga tantara apan tantal᷊anna uariaga Mawu Yesus, mangke matta'utta su tempo naapendamma linukka wuṛṛu al᷊awo'u apa apan suete nariaddi udde. I mangitou nabbisara, “Atonna, i Tou indi Ana'u Ruata!”

MATIUS 4:3

Setanna nirumanta wuṛṛu nabbisara, “I'o Ana'u Ruata? Ana waugu udde doloṛṛa'e manga watu indi maola'a roti.”

MARKUS 14:61

Arawe Mawu Yesus mal᷊annaba. I Tou tawe sinumimbakka saran paassa. See imam bahewa udde naiwal᷊o paassa lai si Tou, “Ete I'o Ratum Punnu Sal᷊amatta, Ana'u Ruata Lembo Naukkassa?”

LUKAS 2:11

Allo indi su soan Daud nasungkangke Ratum Punnu Sal᷊amatti yamiu, eteudde i Kristus, Mawu.

YOHANES 1:49

“Iamangnga Huru,” unni Natanael, “Iamangnga eteudde Ana'u Ruata! Ete Iamangnga Ratum walahannu Israel!”

YOHANES 11:27

“Mawu,” sasimbakki Marta, “i ya'u mangngimanna Mawu Ana'u Ruata, Ratum Punnu Sal᷊amatta apan sarun rumanta su runia indi.”

YOHANES 20:31

Arawe sarangkanambone indi niwoṛṛetta, tadea'u i yamiu mangngimanna manungku Mawu Yesus eteudde Ratu Punnu Sal᷊amatta, Ana'u Ruata, wuṛṛu ana waugu mangngimanna si Tou, i yamiu naasomba wiakka.

YOHANES 6:57

Iamangnga apan wiakka udde, nandolo-U wuṛṛu i Ya'u lai mabbiakka sulal᷊ummu Iamangnga. Aroddi lai taumata apan umanna ṛeme-U sarun mabbiakka wuassia-U.

YOHANES 6:68

“Mawu,” wisaran Simon Petrus si Tou, “ringanni sai yami sarun inai? Wisara Mawu mangngonggolu wiakka tutune wuṛṛu saran mal᷊annu-l᷊annu.

YOHANES 6:69

I yami mangngimante wuṛṛu naatutukke manungku ete Mawu darol᷊oṛṛanna apan naukkassa wuassu Ruata.”

WATTI'U MANGA RASUL 14:15

“Ei, anio i yamiu ma'ola'a arendi? I yami indi taumata ere lai yamiu! I yami rudanta mamasingkattu Watti'u Al᷊al᷊uassa si yamiu tadea'u i yamiu manantangngu inolaanna lal᷊eo indi wuṛṛu rumanta ringannu Ruata apan biakka, nandiadi langitta wuṛṛu runia wuṛṛu tahal᷊oangnga wuṛṛu anambon lal᷊oṛṛone.

WATTI'U MANGA RASUL 8:36

Su pattangngannu amatanne, itarua na'omate su sambau tampa pia ua'e. Tembonanne udde nabbisara, “Pa'ellega udde pia ua'e! apa lai auranganne tadea'u i ya'u saṛṛanianna?” [

WATTI'U MANGA RASUL 8:37

I Filipus nabbisara, “Amungkangngu i Tuangnga mangngimanna ringannu naungnga atonna, i Tuangnga wotongnge saṛṛanianna.” “I Ya'u mangngimanna manungku Mawu Yesus Kristus eteudde Ana'u Ruata,” unnu tembonanne wuassu Etiopia udde.]

WATTI'U MANGA RASUL 9:20

I tou lapiddu rudanta su manga wal᷊em pattataṛṛamawuanna wuṛṛu mannattake mabatti'a manungku ete Mawu Yesus udde Ana'u Ruata.

ROMA 1:4

arawe su ola'u saṛṛen pangangimanna i Tou udde Ana'u Ruata. Udde nilumiatta'a sulal᷊ummu taṛṛino apan wahewalla sulal᷊ummu pabbawangun-Ne wuassu papate.

2 KORINTUS 1:19

Ana waugu Yesus Kristus, Ana'u Ruata, apan nipaasingkati Silas, Timotius; wuṛṛu i ya'u sassane lai, wal᷊inewe taumata “Ore” wuṛṛu “Tawe”. Arawe udde naaola'a sasimbakka “Ore” wuassu Ruata.

2 KORINTUS 3:3

I mangitou sassane wotongnge maasilo manungku tuṛṛangnga naola'a suratta apan niwoṛṛetti Kristus, wuṛṛu niapaapidda si yami. Suratta udde wal᷊ine niwoṛṛettu tinta, arawe ringannu Ghaṛṛahon Duata apan wiakka; wal᷊ine lai su wowon batu pamamoṛṛetanna, arawe sulal᷊ummu naungngu taumata.

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

TAHIUL᷊E 5:26

Apa piate taumata apan sidutu wiakka napawe naaringikka Mawu Ruata apan biakka udde mabbisara wuassu putungnga?

1 TESALONIKA 1:9

Anambon taumata udde uahahatto su ola'u ereapa i yamiu nanal᷊oho si yami su tempo i yami dorone nirumanta ringanni yamiu. I mangitou uahahatto su ola'u ereapa i yamiu nanantangu pasasubba paal᷊uanna wuṛṛu nirumanta ringannu Ruata tinggassa apan wiakka wuṛṛu mattaṛṛamawu si Tou.

1 TIMOTIUS 3:15

tadea'u amungkangu i ya'u mal᷊annu, i'o masingkate ereapa i ite mabbiakka maola'a walahannu Ruata, eteudde jamaattu Ruata apan wiakka. Ete jamaatta indi apan naola'a alu tatungkale wuṛṛu rapappaku al᷊aṛṛa'a apan naṛṛino wuassu Ruata.

1 TIMOTIUS 4:10

Ana waugu udde i ite mammanara maṛṛimadda, ana waugu i ite pia antimma atonna su Ruata apan wiakka; eteudde Punnu Sal᷊amattu anambon taumata, nangillembo taumata apan mangngimanna.

IBRANI 10:31

Asasusa eteapa amungkangu manawo su lima Ruata Apan Wiakka!

IBRANI 12:22

Arawe, i yamiu suete nirumanta watukku Wuiddu Sion wuṛṛu soan Ruata apan biakka, eteudde Yerusalem apan su surga ringannu mala'ekan-Ne su ṛiwune.

IBRANI 3:12

Manga tuṛṛangnga, paatehamma arie ma'oman sara piaddu sangkatou wuassu wallatti yamiu apan pia naungnge aroddi alal᷊eone wuṛṛu tawe pangangimanne, na'oman sara i tou mabelengnga wuṛṛu mangindaun Ruata apan biakka!

IBRANI 9:14

nangilembote lai ṛaṛṛan Kristus! Sulal᷊ummu Ghaṛṛaho awasa, i Kristus nanantillu watangan-Ne sassane su Ruata maola'a sambau sassamba apan nasuungnga. Ṛaṛṛa-Ne mammaresi lal᷊ummu naungngi ite wuassu lal᷊aghun agama apan tawe gunane, tadea'u i ite wotongnge maapangimbe Ruata apan biakka.

1 YOHANES 4:15

Isa-sai apan mangnga'u manungku Yesus udde Ana'u Ruata, Ruata mabbiakka uaaukka ringannu taumata udde, wuṛṛu taumata udde lai mabbiakka uaaukka ringannu Ruata.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

1 YOHANES 5:5

Isai wotongnge maaroappa runia? Tumba'u taumata apan mangngimanna manungku Yesus udde Ana'u Ruata.

SONDAPPA 7:2

See i ya'u naasilo sangkatou mala'ekatta waine nilumapputa wuassu samba'an ra'i. I tou uaapiddu segele wuassu Ruata apan biakka. Ringannu tingikka ma'ikkatta mala'ekatta udde namaggo sire appata mala'ekatta apan suete naasomba taṛṛino Ruata ipanggohakku ammaranne wuṛṛu tahal᷊oangnga.