MATIUS 15:33 - WUKE SUSI WATTI'U AL᷊AL᷊USASSA

³³ See manga mallal᷊aṛṛenggennu Mawu Yesus naiwal᷊o si Tou, “Suapa i ite wotongnge maasomba anna su wadda'a araune indi iapaanna su taumata anambone indi?”

MATIUS 15:33 Iomraidhean Croise

MATIUS 14:15

Wawallone, manga mallal᷊aṛṛenggennu Mawu Yesus nirumanta wuṛṛu nabbisara si Tou, “Allo wawallote wuṛṛu tampa indi naṛṛae marau. Mappianne Iamangnga mandolokku manga taumata indi mapul᷊e, tadea'u wotongnge mamalli anna su manga ampungnga.”

MATIUS 15:32

Wua'udde Mawu Yesus namaggo manga mallal᷊aṛṛenggen-Ne see nabbisara, “I Ya'u u'akkannu taumata nambo indi. Tallute allo al᷊annune i mangitou su sampunna ringang-Ku, wuṛṛu orassa indi i mangitou inasueanten anna. I Ya'u tawe mapaapul᷊e mangitou mal᷊unussa, aṛṛombanganne i mangitou mawantingnga su lal᷊anna.”

MATIUS 15:34

“Sangkura roti si yamiu?” Mawu Yesus naiwal᷊o si mangitou. “Pitu,” sasimbakki mangitou, “wuṛṛu manga pira inassa maraddio'a.”

MARKUS 6:37

Arawe Mawu Yesus sinumimbakka, “I yamiute sassane papaanni mangitou.” “Uare, apa i yami inai mamalli roti aregane rua ṛasutta roitta sal᷊a'a ana see mapaannu manga taumata indi?” aroddi unnu manga mallal᷊aṛṛenggennu Mawu Yesus.

LUKAS 9:13

Arawe Mawu Yesus sinumimbakka, “I yamiute mapaanni mangitou.” Manga mallal᷊aṛṛenggennu Mawu Yesus nabbisara, “I yami tumba'u pia limam bau roti wuṛṛu inassa ruam bua. Apa i yami ṛinone inai mamalli anna iapaanna su awadaalla indi?” (