MATIUS 13:25 - WUKE SUSI WATTI'U AL᷊AL᷊USASSA

²⁵ Su ṛabbi sambau, su tempo anambon taumata mattiille, seettu mabbawailla udde nirumanta nangasi'u wualannu akke su wallattu gandumma udde, see napul᷊e.

MATIUS 13:25 Iomraidhean Croise

1 MARARATU 3:20

Rabbi mattangnga tantal᷊anna i ya'u mattiilla, i tou napu'o wuṛṛu nanganu ana'u wuassu sandiṛṛangku. Ana'u udde niaddone su tampa atatiil᷊anne, wuṛṛu anangnge apan natete udde niaddone su tampa atatiil᷊angku.

MATIUS 13:24

Mawu Yesus nabbatti'u lai sambau sasumandingnga su taumata nambo, wisara-Ne, “Amungkangngu Ruata mamarenta, tul᷊adane naal᷊ihidda ere sasumandingnga indi: Sangkatou mabbawailla nangasi'u wualanna apan mapia su wawail᷊anne.

MATIUS 13:26

Su tempo sinuananna udde tinumuwote wuṛṛu manga raene nanattakke sussabangnga, niasiloante lai manga akke udde.

MATIUS 13:27

See manga taumatan sewa mabbawailla udde nirumanta su mawun bailla udde wuṛṛu nabbisara, ‘Tuanga, talawe i Tuanga nangasi'u wualanna apan mapia su wailli Tuanga? Naola'a ereapa na'oman sara pia akke isudde?’

MATIUS 13:29

‘Arie,’ sasimbakke, ‘Ana waugu amungkangngu akke udde leleanna, gandumma lai mal᷊ele.

MATIUS 13:30

Wala'e akke udde tumuwo su sampunna ma'oman sara orassu pangangitingnga. Paṛṛado i ya'u mabbisara su manga taumata apan mangitingnga: Ammul᷊a'a rorone manga akke udde, wa'issa see tutungnga. Wua'udde ammul᷊a'a gandumma, see sahipunna sulal᷊ummu wal᷊ingkakka.’ ”

MATIUS 13:39

Seetta apan nangasi'u akke, eteudde Setanna. Tempo mangitingnga eteudde Allong Kiamatta, wuṛṛu manga taumata apan mangitingnga, eteudde manga mala'ekattu Ruata.

MATIUS 25:5

Ma'aawingnga esakka udde mal᷊annu nirumanta, nariaddi manga maṛṛuala udde niamatiilanna wuṛṛu natiille.

GALATIA 2:4

salaiwe pia manga taumata mammata'u olangnge udde. I mangitou udde manga taumata apan sinumutta awagananna sulal᷊ummu ammul᷊anni ite wuṛṛu mattingkaola'a ere tuṛṛangnga. I mangitou sinumutta ringannu mal᷊anna-l᷊annaba mannaṛṛassida al᷊al᷊uassa apa niola'i ite ana waugu i ite uaaukke ringanni Kristus. I mangitou maapulu mapaawelengngi ite su olangnge paarorone ere sangkatou allangnga,

IBRANI 12:15

Paariagai arie ma'oman sara piaddu sangkatou apan sumabbanga wuassu alindongannu apapia naungngu Ruata, tadea'u tawe piaddu maola'a ere sasuanna apan pia pasangkade su pattangnganni yamiu ma'oman sara mandantan asasusa wuṛṛu mandal᷊eo anambon taumata ringannu pasangkade.

1 PETRUS 5:8

Ṛinone i yamiu paatehamma wuṛṛu paariagga! Ana waugu Setanna udde seetti yamiu. I tou ere singa u'amatta mammal᷊intadu runia lapiddu mannuntingikka maddea'a pabbawiakke.

2 PETRUS 2:1

Su tempo apan nal᷊iu su wallatu walahannu Ruata suete nirumanta manga nabi awusu. Aroddi lai su wallatti yamiu sarun rumanta lai manga huru awusu. I mangitou sarun mangaṛṛa'u manga al᷊aṛṛa'a nassal᷊a, apan maapate taumata. Wuṛṛu i mangitou sarun maddandilu Tembonanne apan suete namallosi mangitou. Ringannu aroddi mangitou nandantan papate su watanganni mangitou sassane, apan sarun maṛṛia'a si mangitou ringannu mal᷊ihakka.

SONDAPPA 12:9

Naga apan bahewalla udde niramme su liudde! Ete i tou atoanna timmade udde apan aranne Setanna ara'e Ghaṛṛaho Lal᷊eo, apan nangawusu ahewallu runia. I tou niramme su runia su sambau ringannu manga mala'ekanne.

SONDAPPA 13:14

Wuṛṛu anambon taumata apan mabbiakka su runia niawusuanne ringannu manga al᷊aṛṛindu'a apan botongnge olaanne su saruannu winatangnga apan paarorone udde. Wuṛṛu i mangitou sarangkanambone nirolokka mandarisikku sambau paal᷊uanna wuassu winatangnga apan suete nilessan hal᷊ele, arawe ta'e wiakka.

SONDAPPA 2:20

Arawe indi sasimba-U si yamiu: I yamiu nangonggolu naungnga si Izebel, wawine apan mangnga'u watanganne daroloṛṛannu Ruata udde. Manambote manga allang-Ku niawusuanne wuṛṛu niaṛṛaanna sussandaga wuṛṛu u'anna anna apan suete pinassubba paal᷊uanna.