MATIUS 13:21 - WUKE SUSI WATTI'U AL᷊AL᷊USASSA

²¹ Arawe watti'a udde tawe naṛṛamutta sulal᷊ummu naungngi mangitou, na'oman sara tawe tinumuwo mal᷊annu. Aroddi i mangitou naasomba asasusa ara'e asasansara ana waugu watti'a udde, i mangitou lapiddu nassinaadda.

MATIUS 13:21 Iomraidhean Croise

AYUB 19:28

‘Ereapa dal᷊anne i ite mangalaen Tou?’ I yamiu maddea'a pangiananne ipa'ola'a hatto.

DARALO 36:3

I tou uapendamma watanganne atohasanne, na'oman sara tawe maatutukka pasasal᷊ane, wuṛṛu tawe mabbinsine.

AMSAL 12:12

Taumata lal᷊eo apulune maasomba auntunganna wuassu taumata mal᷊awangnga; taumata mapia nal᷊ihidda alu apan mabbua.

AMSAL 12:3

Tawe saran sangkatou apan sidutu tumelengnga ana waugu al᷊al᷊eo; arawe taumata matul᷊idda sidutu matohassa, tawe maholle.

HOSEA 6:4

Arawe Mawu nabbisara, “Ei Israel wuṛṛu Yehuda! Apa rinone apan Ta'u olaanna si yamiu? Darangngunu si Ya'u mal᷊ihakka nawul᷊i ere ṛawu'a wuṛṛu angngukka su marua allo.

MATIUS 10:22

I yamiu sarun ia'arantinnu anambon taumata ana waugu i yamiu mallal᷊aṛṛenggeng-Ku. Arawe taumata apan matataṛṛangnga ma'oman sara panginsueanne sarun iapaaralukka.

MATIUS 11:6

Lal᷊umanna'a su taumata tawe pinangiananne su ipanol᷊a'u!”

MATIUS 13:20

Wualanna apan nanawo su leta'a mawatu, isassumandingnga su taumata apan maddaringikka watti'a udde wuṛṛu lapiddu nangngimanna ringannu naungnga mal᷊uassa.

MATIUS 13:57

Ne i mangitou nanol᷊a'e Mawu Yesus. See Mawu Yesus nabbisara si mangitou, “Sangkatou nabi aaddatanna su al᷊awo'u tampa, tumba'u tawe su ampungnge wuṛṛu su wal᷊ene sassane.”

MATIUS 13:6

Arawe su orassu matannallo matanggakke, manga tatuwon wualanna udde mannattakke tinumolangnga, ana see naṛṛangu wuṛṛu nate ana waugu ṛamunne tawe nusippa mal᷊al᷊umma.

MATIUS 24:13

Arawe taumata apan matataṛṛangnga saran pangudusanne, sarun masal᷊amatta.

MATIUS 26:31

See Mawu Yesus nabbisarate su mallal᷊aṛṛenggen-Ne, “Ṛabbi indi lai yamiu sarangkanambone tumal᷊angnga manantang-Ku; ana waugu sulal᷊ummu Wuke Susi uawoṛṛetta, Ruata nabbisara, ‘I Ya'u sarun mamate mallal᷊u'adda udde, wuṛṛu ammul᷊annu dombane sarun massal᷊iawukka.’

MATIUS 26:33

I Petrus nabbisara Mawu Yesus, “Wala'e i mangitou nambo manantangngu Iamangnga, i ya'u tawe manantangnga!”

MARKUS 4:17

Arawe watti'a udde tawe nakkamutta sulal᷊ummu naungngi mangitou, na'oman sara tawe nataṛṛangnga mal᷊annu. Aroddi i mangitou natataṛṛangnga asasusa ara'e pandal᷊al᷊eo ana waugu watti'a udde, lapiddu i mangitou nassinaaddu Ruata.

LUKAS 8:13

Wualanna apan nanawo su leta'a pia batune isassumandingnga su taumata napawe naaringikka watti'a udde, nanengkamma ringannu naungnge mal᷊uassa. Arawe watti'a udde tawe naṛṛamutta sulal᷊ummu naungnge. I mangitou mangngimanna tal᷊ang kadio'a, wuṛṛu napawe wawono'a nirumanta, i mangitou nassinaada.

YOHANES 6:26

Mawu Yesus sinumimbakka, “Atonna i yamiu madde'a si Ya'u wal᷊inewe ana waugu i yamiu naasunnate pandumannu manga al᷊arindu'a apan Ta'u niola'a, arawe ana waugu i yamiu suete inumanna na'oman sara nal᷊aidda.

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

GALATIA 6:12

Manga taumata apan maapulu mapaatolon batanganne ringannu inolaannu runia, ete i mangitou apan mappandumma mamata'i yamiu tumuṛṛutta atorannu sunatta. Arawe i mangitou na'ola'a udde tumba'u tadea'u i mangitou tawe sansarannu taumatan Yahudi ana waugu arussa Mawu Yesus.

GALATIA 6:15

Nisunatta ara'e tawe nisunatta udde tawe maola'a hatto. Apianne eteudde maola'a taumata wakku.

EFESUS 3:17

Doronganna ana waugu i yamiu mangngimanna si Kristus, Kristus matana'a sulal᷊ummu naungngu, wuṛṛu wiakku niwantanna wuṛṛu niparentannu darangngu.

FILIPI 1:6

Ruata sassane apan nanattakku manara apan mapia udde si yamiu, wuṛṛu i ya'u mangantimma i Tou sarun manassu manara udde ma'oman sara masue su allo Kristus Yesus rumanta apia.

2 TIMOTIUS 1:15

I'o masingkata manungku anambon taumata su leta'u Asia suete nanantangku, nasutta lai Figelus wuṛṛu Hermogenes.

2 TIMOTIUS 4:10

ana waugu Demas suete nanantangku ana waugu nandangute runia indi. I tou nanute watukku Tesalonika. Kreskes nabatukken Galatia, wuṛṛu Titus watukku Dalmatia.

YAKOBUS 3:2

I ite sarangkanambone masokka ma'ola'a pasasal᷊a. Arawe taumata apan taambe na'ola'a pasasal᷊a ringannu manga wisarane, i tou taumata nasuungnga, apan wotongnge maa'ul᷊inna ahewallu ririne.

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.

SONDAPPA 2:13

I Ya'u masingkata suapa i yamiu uatana'a, eteudde su araratuannu Setanna. I yamiu matuṛṛuta si Ya'u. Ewe'e su tempo i Antipas, matatiala-U apan matuṛṛuta udde, nipate su saruannu su tampan Setanna, i yamiu tawe naddandila manungku i yamiu mangngimanna si Ya'u.