MATIUS 13:19 - WUKE SUSI WATTI'U AL᷊AL᷊USASSA

¹⁹ Wualanna apan nanawo su lal᷊anna isassumandingnga su taumata apan naaringikka watti'u Ruata mamarenta, arawe i tou tawe naasunna. Setanna udde nirumanta wuṛṛu nangaṛṛo wualanna apan suete niasi'a sulal᷊ummu naungngi mangitou.

MATIUS 13:19 Iomraidhean Croise

AMSAL 1:7

Tadea'u maasomba asingkatta tutune, paarorone ṛinone taumata uatahuanna aaddatta wuṛṛu matta'uttu Mawu. Taumata longonna tawe mangaregan apande wuṛṛu maddiri aṛṛaanna.

AMSAL 17:16

Tawe gunane taumata woddo mangnginsue roitta ipaddea'a apande, ana waugu i tou tawe ṛingiranna mapia.

YEHEZKIEL 31:18

Aaluanna udde sasummandingngu ratu Mesir wuṛṛu walahanne. Tawe aaluanna su Eden apan aroddi atanggakke wuṛṛu mawantuga. Arawe orassa indi, ere manga aaluanna lai su Eden, aaluanna udde lai sarun sumossokka watukku runian taumata nate wuṛṛu maammulli mangitou apan tawe maaillal᷊a Ruata wuṛṛu ringanni mangitou apan nate sulal᷊ummu pangalo. I Ya'u, Mawu Apan Atanggaṛṛanne buatte nabbisara.”

MATIUS 12:26

Aroddi lai sulal᷊ummu araratuannu Setanna; amungkangngu wageangnge sambau mallimbuakka wageangnge waine, ne araratuannu Setanna udde natahiate wuṛṛu nahohakke.

MATIUS 13:20

Wualanna apan nanawo su leta'a mawatu, isassumandingnga su taumata apan maddaringikka watti'a udde wuṛṛu lapiddu nangngimanna ringannu naungnga mal᷊uassa.

MATIUS 13:38

Wailla eteudde runia indi. Wualanna apan mapia, eteudde manga taumata apan nasutta al᷊aṛṛana'u Ruata. Ahuranganna akke, eteudde manga taumata uasamba'a Setanna.

MATIUS 4:23

Su Galilea, Mawu Yesus namal᷊iwutte ahewallu wanua wuṛṛu mangngaṛṛa'a su anambon bal᷊em pattataṛṛamawuanna. I Tou mabbatti'u Watti'u Al᷊al᷊uassa manungku Ruata sarun mamarenta. Wuṛṛu i Tou lai mapaapian manga taumata apan maradda'a wuṛṛu pia sangkulle.

MATIUS 5:37

Tumba'u pabbisara: ‘Ore’ ara'e ‘Tawe’ – manampal᷊iu wua isudde darantane wuassu Setanna.”

MARKUS 4:15

Wualanna apan nanawo su lal᷊anna, iassumandingnga su taumata apan uararingikka watti'a su ola'u ereapa Ruata mamarenta. Aroddi naaringikka, Setanna nirumanta wuṛṛu nanganu wualanna apan suete niasi'a sulal᷊ummu naungngi mangitou.

LUKAS 10:9

Paapia'a taumata apan marada'a su soa udde, wuṛṛu paasingkata'a su manga taumata isudde manungku, ‘Ruata mal᷊ihakke mamarenta ere sangkatou Ratu su pattangnganni yamiu.’

LUKAS 9:2

Wua'udde i Tou nandolokke mangitou inai mapaapian taumata marada'a wuṛṛu mamasingkattu watti'a su ola'u ereapa Ruata mamarenta ere sangkatou Ratu.

YOHANES 18:38

I Pilatus naiwal᷊o si Tou, “Apa atappasannu atatul᷊idda?” See i Pilatus sinumabangnga apia wuassu wal᷊en araratuanna wuṛṛu nabbisara su manga taumatan Yahudi, “I Ya'u tawe naasomba saran sambau pasasal᷊an taumata indi.

YOHANES 8:43

Anio i yamiu tawe maasunna apa iwabal᷊o-U? Ana waugu i yamiu tawe maataṛṛangnga maddaringikka al᷊aṛṛa-U.

WATTI'U MANGA RASUL 17:32

Napawe manga taumata udde naaringikka hatto mabbiakka apia wuassu papate, su wallatti mangitou piaddu nilumagem Paulus. Piaddu nabbisara, “I yami maapulu madaringikka tuṛṛangnga mabbisara apia su ola'u hatto indi.”

WATTI'U MANGA RASUL 18:15

Arawe indi sambau patatatiakka su ola'u manga wisara wuṛṛu manga aranna see manga titanu sassane! Nariaddi yamiu ṛinone manginsue hatto indi. I ya'u maddiri mamarikissa hatto ereudde!”

WATTI'U MANGA RASUL 20:25

I ya'u suete nattembo manga tuṛṛangnga sarangkanambone wuṛṛu suete namasingkatta lai su ola'u ereapa Ruata mamarenta ere sangkatou Ratu. Orassa indi ya'u mammendamma tate lai massomba manga tuṛṛangnga.

WATTI'U MANGA RASUL 28:23

Ne i mangitou wuṛṛu i Paulus nanantunnu sambau allo pasasombanna. Su allo udde manambo taumata nirumanta su tampa atatanaanni Paulus. Wuassu rua'allo madatingngu bawallo i Paulus mannal᷊a'a wuṛṛu mabatti'a si mangitou watti'a su ola'u ereapa Ruata mamarenta ere sangkatou Ratu. Ringanni nappaattu manga tatialane sulal᷊ummu Wuke Musa wuṛṛu Wuke Manga Nabi, i Paulus mangke maddea'a tadea'u i mangitou mangngimanna Mawu Yesus.

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

ROMA 14:17

Ana waugu amungkangngu Ruata mangatokku pabbawiakku sangkatou, apa apan wotongnge annananni tou ara'e inumanne, tawe tumanin mahuna. Ahunanne eteudde manungku taumata udde tuttuṛṛutta apulun Ruata, maapendamma al᷊al᷊uassu naungnga wuṛṛu mannengkamma al᷊al᷊uassa apan nionggolu Ghaṛṛahon Ruata.

ROMA 2:8

Arawe manga taumata apan tumba'u maṛṛingiddu ririne sassane wuṛṛu maddiri tumuṛṛutta Ruata, ewe'e tuttuṛṛutta al᷊al᷊eo, manga taumata udde lembon aasa'uannu Ruata.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

2 TESALONIKA 2:12

Sombange, anambon taumata apan maapulun dosa wuṛṛu tawe mangngimanna apa apan su ṛinone udde sarun iṛṛuumanna.

IBRANI 2:1

Ana waugu udde i ite ṛinone lembon mangaggasa atonna-tonna manga al᷊aṛṛa'a apan suete niaringiṛṛani ite, tadea'u i ite tawe manantangngu pangangimanni ite.

1 YOHANES 3:12

Ariewe i ite ere Kain, apan naola'a ana'u Setanna wuṛṛu namate tuṛṛangnge sassane. Anio Kain namate tuṛṛangnge? Ana waugu manga inolaanna apan niolange udde nassal᷊a, arawe inolaannu tuṛṛange udde naṛṛino.

1 YOHANES 5:18

I ite masingkatta manungku anambon taumata apan suete naola'a al᷊aṛṛana'u Ruata, tawe sidutu ma'ola'a rosa, ana waugu Ana'u Ruata uasirugngnga si tou, wuṛṛu i Lal᷊eo tawe mapa'ola'a apa-apa si tou.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.