MATIUS 13:15 - WUKE SUSI WATTI'U AL᷊AL᷊USASSA

¹⁵ Ana waugu ṛingiṛṛannu taumata indi nal᷊umute tal᷊inga mangitou nabbengelle wuṛṛu mata mangitou tawe maasilo. Indi mariaddi tadea'u mata mangitou tawe maasilo tal᷊inga mangitou tawe maaringikka, ṛingiṛṛanni mangitou tawe maasunna wuṛṛu arie mabelengnga ringang-Ku, see i Ya'u mapaapia mangitou.’ ”

MATIUS 13:15 Iomraidhean Croise

DARALO 119:70

Manga taumata udde tawe maasunna, arawe si ya'u tita-Nu maal᷊uassa naungku.

AMSAL 16:30

Paatehamma su taumata apan umamminna wuṛṛu u'angkeramma, i tou tantal᷊anna manggol᷊agu al᷊al᷊eo sulal᷊ummu naungnge.

YESAYA 44:20

Inolaanna udde nassul᷊ungngu niumanna awu. Taumata udde nial᷊iwun ṛingiranne apan boddo, na'oman sara i tou tate iatul᷊ungnga lai. I tou tawe maapanga'u manungku paal᷊uanna apan su limane udde tumba'u wawahia.

YESAYA 57:18

I Ya'u naasilote pallal᷊aghun mangitou, arawe i mangitou i Ya'u iapaapia lai. I Ya'u sarun mangehetta wuṛṛu mantul᷊ungngi mangitou wuṛṛu mapaal᷊uassu taumata apan naungnge massusa.

YESAYA 6:10

Ana see i Tou nabbisarate si ya'u, “Paal᷊umua'a ṛingirannu manga taumata udde, paawengel᷊a'a tal᷊ingane wuṛṛu paawuta'a matane, tadea i mangitou tawe maasilo, maddaringikka ara'e maasunna, ana see mabbelengnga ringang-Ku wuṛṛu maola'e mapia.”

YEREMIA 17:14

Mawu, paapia'awe i ya'u, ne i ya'u sarun mabbal᷊i mapia. Sal᷊amata'awe i ya'u, ne i ya'u sarun masal᷊amatta. Tumba'u I'o apan wabbantuhangku!

YEREMIA 17:9

Naungngu taumata tawe iaṛṛangngo, mappandeanna wuassu al᷊awo'a wuṛṛu tumaniten bahewalla raddangnge.

YEREMIA 3:22

Ei i yamiu sarangkanambone apan nanantangke Mawu, pabbelengke! I tou sarun mangapia si yamiu, wuṛṛu ma'ola'a si yamiu mabbal᷊i satia. I yamiu mabbisara, “Ore, orassa indi i yami rumantate ringannu Mawu, ana waugu i Tou Ruatan kami.

YEREMIA 33:6

Arawe sutempo addantane i Ya'u sarun mapawelengngu ola'u soa indi wuṛṛu tumanangnge; i mangitou sarun matohassa apia. I Ya'u sarun mangonggolla si mangitou lal᷊umanna'a wuṛṛu atatahul᷊andimma apan nangillembo.

HOSEA 14:4

Asyur tawe mapanal᷊amatta si yami, wuṛṛu awal᷊on pangalo tawe maaontolla si yami. I yami tate lai maggahatton manga paal᷊uanna apan niola'i yami sassane manungku i mangitou Ruatan kami. Oh Mawu, I'o niumakkannu manga taumata apan tawe uatahuanna sisai-sai apan wotongnge ipangasakki mangitou.”

ZAKARIA 7:11

Arawe uma-U puane maattikka wuṛṛu mangke maddiri maddaringikka; i mangitou mannapingnga tal᷊inga mangitou ana see tawe maaringikka.

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

MARKUS 4:12

tadea'u ‘I mangitou sidutu maatutukka arawe wagga apa apan sarun mariaddi, i mangitou sidutu maddaringikka arawe tawe maasunna, olangnge indi mariaddi tadea'u i mangitou tawe maasilo wuṛṛu tawe maasunna wuṛṛu arie i mangitou rumanta ringannu Ruata wuṛṛu Ruata mangampungnga si mangitou.’ ”

LUKAS 19:42

Wisara-Ne, “Ma'a'akkanna, apia eteapa amungkangngu allo indi i'o maasingkatta apa apan botongnge mandantam padarame! Arawe orassa indi i'o tawe maasilo.

WATTI'U MANGA RASUL 28:27

Ana waugu ṛingiṛṛannu walahanna indi mal᷊umute tal᷊inga mangitou nabengelle wuṛṛu mata mangitou suete niaṛṛimbuta. Indi mariaddi tadea'u mata mangitou tawe maasilo, tal᷊inga mangitou tawe maaringikka, ṛingiṛṛanni mangitou tawe maasunna, wuṛṛu arie mabelengnga ringang-Ku, see i Ya'u mapaapia mangitou.’ ”

WATTI'U MANGA RASUL 3:19

Ana waugu udde manga tuṛṛangnga, awal᷊ute wuassu manga rosanu wuṛṛu pabelengke ringannu Ruata tadea'u i Tou mamapassa manga rosanu.

WATTI'U MANGA RASUL 7:57

Manga ammul᷊annu mallaṛṛuungnga udde nanapingnga tal᷊inga mangitou lapiddu inumui, see sangkaṛṛindo'a naṛṛimpulunna si Stefanus.

2 TIMOTIUS 4:4

I mangitou sarun maṛṛapinga tal᷊inga su watti'a atonna, arawe sarun maddaringikka wa'e tawe gunane.

IBRANI 5:11

Su ola'u a'iannu Mawu Yesus ere sangkatou Imam Bahewa, manambo apan iapaasingkati yami si yamiu, arawe masahadda manal᷊a'an udde, ana waugu i yamiu mal᷊iwue atonna massunna.

SONDAPPA 22:2

su pattangngannu lal᷊anna su soa udde. Su winggin sal᷊ukka udde, su ruam baane pia alu punnu wiakka, apan mabbua paapul᷊o dua santonna, eteudde paassa sambul᷊anna. Rongngane ipappaatta ipangngundama manga walahanna.