MATIUS 12:46 - WUKE SUSI WATTI'U AL᷊AL᷊USASSA

⁴⁶ Tantal᷊anna Mawu Yesus ta'e uahahatto ringannu taumata nambo udde, nirumantate inangnga wuṛṛu manga tuṛṛang-Nge. I mangitou uarisikka su liudde lapiddu madea'a ana see wotongnge maahahatton Tou.

MATIUS 12:46 Iomraidhean Croise

MATIUS 1:18

Ereindi watti'a su ola'u asasungkangngu Mawu Yesus Kristus. Inangnge eteudde i Maria, uatatunangan Yusuf. Arawe su tempo i mangitou taambe naawingnga, niasingkatanna Maria piate illoṛṛo. (I Yusuf ta'e waga manungku Maria piate illoṛṛo ana waugu taṛṛinon Ghaṛṛaho Ruata.)

MATIUS 12:47

Sangkatou wuassu wallattu taumata nambo udde nabbisara su Mawu Yesus, “Iamangnga, inangnga wuṛṛu tuṛṛangngi Iamangnga wowa su liudde. I mangitou maapulu maggahatton Iamangnga.”

MATIUS 13:55

Wal᷊inewe i Tou ana'u waseng kalu? Wal᷊inewe i Maria udde inangnge; wuṛṛu manga tuṛṛangnge udde i Yakobus, i Yusuf, i Simon, wuṛṛu i Yudas?

MATIUS 2:11

I mangitou sinumutta sulal᷊ummu wal᷊e udde wuṛṛu naasilote Ana'a udde ringanni Maria, inangngene. I mangitou inumal᷊intuda wuṛṛu nassubbate ana'a udde see namu'ate tampan darotongngi mangitou wuṛṛu nangonggollen sasamba si Tou wul᷊awanna, amania wuṛṛu mur.

MATIUS 2:20

Mala'ekatta udde nabbisara, “Manga taumata apan mamate Ana'a udde natete. Ana waugu udde pabbangunte, apira'e Ana'a udde ringannu inangnge wuṛṛu pabbelengke su Israel.”

MARKUS 2:21

Tawe taumata mandappela laubba tabbe ringannu piṛṛissa wakku. Ana waugu piṛṛissa rarapella udde maarinsutta wuṛṛu manggesa'a laubba udde, na'oman sara hesangnge maola'a nangillembong kahewalle.

MARKUS 6:3

Wal᷊inewe i Tou indi ana'u waseng kalu, ana'i Maria, wuṛṛu tuṛṛangngi Yakobus, i Yoses, i Yudas wuṛṛu i Simon? Ore, manga tuṛṛang-Nge wawine lai udde uatana'a isindi.” Ana waugu udde i mangitou nanol᷊ai Tou.

LUKAS 1:43

Isai ya'u na'oman sara inangngu Mawu nirumanta ringangku?

LUKAS 2:33

Iamangnga wuṛṛu inangngu ana'a udde naherangnga naaringikka apa apan suete niwisaran Simeon su ola'u ana'i mangitou.

LUKAS 2:34

I Simeon nangal᷊amatta si mangitou wuṛṛu nabbisara si Maria, inangngu ana'a udde, “Ana'a indi suete nipilen Ruata sarun mamate wuṛṛu manal᷊amatta anambon taumatan Israel. I Tou sarun maola'a tatiala wuassu Ruata, apan sarun ipaseettu taumata nambo,

LUKAS 2:48

Hagurang-Nge lai naherangnga naasilo si Tou. Inangnge nabbisara si Tou, “Ana'a, anio I'o na'ola'a arendi si yami? Iamangngu wuṛṛu inangngu sussinggawangnga maddea'a Si'o!”

LUKAS 2:51

Wua'udde Mawu Yesus napul᷊ete su sampunna ringanni mangitou watukku Nazaret, wuṛṛu uararingikka si mangitou. Anambon inolaanna udde sasahipunannu inangnge sulal᷊ummu naungnge.

LUKAS 8:10

Mawu Yesus sinumimbakka, “I yamiu suete nionggol᷊annu al᷊amatta tadea'u maasingkatta addapingnga su ola'u ereapa Ruata mamarenta ere sangkatou Ratu. Arawe manga taumata waine niaṛṛaannu sasumandingnga, tadea'u i mangitou madaringikka, arawe wagga apa apan mariaddi; wuṛṛu i mangitou madaringikka, arawe tawe maasunna.”

YOHANES 19:25

Maranin arussa Mawu Yesus uarisikka inangngu Mawu Yesus, wuṛṛu tuṛṛangngu inang-Nge wawine, i Maria awingngi Klopas, wuṛṛu i Maria Magdalena.

YOHANES 2:1

Rua allo wua'udde pia andeangngu awingnga su soan Kana su Galilea, wuṛṛu inangngu Mawu Yesus isudde lai.

YOHANES 2:12

Wua'udde Mawu Yesus inaite watukku Kapernaum su sampunna ringannu inang-Nge, manga tuṛṛang-Nge see manga mallal᷊aṛṛenggen-Ne. I mangitou natana'a poiaroddi manga pira allo al᷊annune.

YOHANES 2:5

Arawe inangngu Mawu Yesus nabbisara su mangangimbe, “Tuṛṛutte apa apan irolokki Tou si yamiu.”

YOHANES 7:10

Napawe manga tuṛṛang-Nge inaite watukku ramea udde, mal᷊anna-l᷊annaba Mawu Yesus nattuda sassane tawe niasingkatannu taumata.

YOHANES 7:3

Ne manga tuṛṛangngu Mawu Yesus nabbisara si Tou, “Tantanga'e tampa indi wuṛṛu roote su Yudea, tadea'u manga mallal᷊aṛṛenggen-Nu maasilo lai manara-Nu.

YOHANES 7:5

Ana waugu manga tuṛṛang-Nge sassane tawe mangngimanna si Tou.)

WATTI'U MANGA RASUL 1:14

sarangkanambone sidutu ringannu naungnga uasampinunutanna uaammulla u'al᷊iomanna. I mangitou lai u'al᷊iomanna suadio'a ringannu manga wawine nasutta i Maria inangngu Mawu Yesus, wuṛṛu manga tuṛṛangngu Mawu Yesus.

1 KORINTUS 9:5

Apa i ya'u tawe wotongnge mangapiddu sangkatou awingnga taumatan Saṛṛani ringangku sulal᷊ummu amatangku, ere lai niola'u manga tuṛṛangngu Mawu Yesus wuṛṛu manga rasul waine, nasutta lai Petrus?

GALATIA 1:19

I ya'u tawe nassomba manga rasulle waine, tabbene'e Yakobus, tuṛṛangngu Mawu.