MATIUS 12:35 - WUKE SUSI WATTI'U AL᷊AL᷊USASSA

³⁵ Taumata apan mapia mannaggon inolaanna apan mapia, ana waugu i tou napenen apapia.

MATIUS 12:35 Iomraidhean Croise

AYUB 8:10

Daringiṛṛete wisaran taumata pande tempon dorone, i mangitou nangonggollu al᷊aṛṛa'a indi si'o,

AMSAL 12:6

Manga wisaran taumata lal᷊eo maapate; manga wisaran taumata matul᷊idda maasal᷊amatta.

AMSAL 15:23

Manga wisara apan niwisara naṛṛino sutempone, mandantan al᷊al᷊uassa.

AMSAL 15:28

Taumata mapia maṛṛingiddu manga wisarane; taumata lal᷊eo mappasabbangngu manga hatto apan maarantinna.

AMSAL 15:4

Manga wisara mapia maatamba atatohassa, manga wisara apan maal᷊essa naungnga maaddio'a naungnga.

MATIUS 12:34

I yamiu taumata lal᷊eo, ereapa wotongnge i yamiu maasaggon al᷊awo'u inolaanna apan mapia amungkangngu i yamiu lal᷊eo? Apa apan niwisara moṛṛongnga udde sinumabangnga wuassu lal᷊ummu naungnga!

MATIUS 13:52

See Mawu Yesus nabbisara, “Ana waugu udde manga hurun agama apan suete naola'a lal᷊oṛṛon araratuannu Ruata, udde ere sangkatou tatahuannu wal᷊e apan mappasabangngu darotongnge wakku wuṛṛu tabbe, wuassu pangadoanne.”

MATIUS 7:17

Wuassu alu apan masuwukka, asombanganna wua apan mapia, wuṛṛu wuassu alu maṛṛisitta wua apan dal᷊eo.

LUKAS 6:45

Taumata mapia mapasabangngu pallal᷊agu mapia ana waugu naungnge napenen apapia. Taumata pallal᷊agune lal᷊eo mapasabangngu inolaanne lal᷊eo ana waugu naungnge napenen al᷊al᷊eo. Ana waugu apa apan suete niwisara moṛṛongnga udde sinabanganne wuassu naungnga.”

EFESUS 4:29

Amungkangu i yamiu maggahatto, arie mappaattu wisara lal᷊eo. Pappaatten manga wisara apan mannantiro wuṛṛu mantul᷊ungnu taumata waine. Manga wisara ereudde sarun mapaarantan apapia su manga taumata apan naddaringikka.

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

KOLOSE 4:6

Ṛinone manga inolaanna apan iwabbisaran kamiu sidutu maal᷊uassa wuṛṛu apangimananna. Ṛinone i yamiu maasingkata ereapa ṛinone i yamiu sumimbakka manga aiwal᷊on taumata.