MATIUS 12:18 - WUKE SUSI WATTI'U AL᷊AL᷊USASSA

¹⁸ “Ete indi ralol᷊oṛṛang-Ku apan Ta'u pinile taumata apan arangnguang-Ku wuṛṛu natataṛṛino su naung-Ku. Ghaṛṛaho-U sarun ionggolla si Tou, atatul᷊i-U sarun iapasingkattati si Tou su manga walahanna.

MATIUS 12:18 Iomraidhean Croise

DARALO 89:19

Ana waugu mallal᷊u'adda si yami uddewe taumata Nipile-Nu, oh Mawu; ratun kami uddewe pussa'an Duatan Israel apan Susi.

YESAYA 11:2

Taṛṛino Mawu sarun mangehetta si tou, ma'ola'a si tou pia buddine wuṛṛu masiṛṛungnga, pande makkawessa wuṛṛu mangamatta; masingkattu apulun Duata wuṛṛu masallungnga si Tou.

YESAYA 42:1

Wisara Mawu, “Eteindi allang-Ku apan bawawanang-Ku, taumata nipile-Ku apan ma'al᷊uassa naung-Ku. I Ya'u buatte nangonggollu taṛṛino-Ku si tou, ipangapiddu atatul᷊idda su anambon walahanna.

YESAYA 52:13

Mawu nabbisara, “Mangke atonna, allang-Ku sarun maasomba ina'ul᷊e; i tou sarun dal᷊oanna wuṛṛu itanggakka.

YESAYA 53:11

Ana waugu udde Mawu nabbisara, “Napawe buatte natataṛṛangnga sansara i tou sarun su lal᷊umanna'a wuṛṛu ma'al᷊uassa. Allang-Ku udde, apan ma'al᷊uassa naung-Ku, buatte namasanna ṛuumannu taumata nambo; sulal᷊ummi tou i Ya'u sarun mangampungnga si mangitou.

YESAYA 62:2

Ei Yerusalem, manga walahanna naasilote auntungannu, manga ratu ua'ellegga awawantugu. I'o sarun isaggo ringannu aranna wakku, Mawu sassane apan mangonggollu aranna udde.

YEREMIA 16:19

Mawu, ete I'o apan ual᷊u'adda si ya'u wuṛṛu nangonggollu atatohassa si ya'u; I'o nantul᷊ungku sutempon asasusa. Manga walahanna wuassu pentakku runia sarun dumanta ringan-Nu wuṛṛu mabbisara, “Al᷊amonan kami tumba'u pia mawu awusu apan mangke tawe gunane.

ZAKARIA 3:8

Paddaringikke ei Imam Bahewa Yosua, wuṛṛu lai i yamiu manga imam apan naola'a ringanne, i yamiu sarangkanambone uddewe waneṛṛa tempo addantane apan mapia. Sutempo udde i Ya'u sarun mandolokku allang-Ku apan isassago ‘Sambau Solla’.

MATIUS 12:17

Ringannu aroddi nariaddite apa apan suete niwisaran Duata si Nabi Yesaya,

MATIUS 17:5

Tantal᷊anna i Petrus ta'e mabbisara, winabbawa apan masemakka atonna nangooppa si mangitou wuṛṛu wuassu winabbawa udde niaringiṛṛanna tingikka apan nabbisara, “Ete indi Ana'a arangnguang-Ku, i Tou ma'al᷊uassa naung-Ku. Daringiṛṛe i Tou!”

MARKUS 1:11

Wua'udde niaringikka tingikku Ruata nabbisara, “Ete I'o Ana-U apan arangnguang-Ku. I'o ma'al᷊uassa naung-Ku.”

MARKUS 9:7

Wua'udde winabbawa nangooppa si mangitou wuṛṛu wuassu winabbawa udde inaringiṛṛanna tingikka nabbisara, “Ete indi Ana'u apan arangnguanna. Daringiṛṛe i Tou!”

LUKAS 23:35

Manga taumata uarisikka isudde mabbiala lai, tantal᷊anna manga tembonannu taumatan Yahudi mangngadio'a Mawu Yesus ringannu wisarane, “I Tou suete nanal᷊amatta taumata waine; orassa indi i Tou panal᷊amatta riri-Ne sassane, amungkangngu atonna-tonna i Tou Ratum Punnu Sal᷊amatta apan nipilen Ruata!”

LUKAS 3:22

wuṛṛu Ghaṛṛahon Ruata inumonto'a si Tou ere manu'a merpati. See inaringikka tingikku Ruata nabbisara, “Ete I'o Ana'a arangnguang-Ku. I'o ma'al᷊uassa naung-Ku.”

LUKAS 4:18

“Ghaṛṛaho Mawu sidutu ringang-Ku, ana waugu i Tou suete namile si Ya'u iapapasingkattu Watti'u Al᷊al᷊uassa su taumata asiangnga. I Tou nandolo-U iapawatti'u pamamallossa su taumatan ṛuumanna wuṛṛu aaul᷊e su taumata wuta; wuṛṛu ipamallossu taumata allangnga

LUKAS 9:35

Wua'udde wuassu winabbawa udde niaringiṛṛanna tinggikka mabbisara, “Ete indi Ana'u apan Ta'u pinile. Padaringikka si Tou!”

YOHANES 3:34

Ana waugu taumata apan nirolokku Ruata mabatti'u wisaran Ruata, ana waugu Ghaṛṛahon Ruata suete nionggolla si Tou sarangkanambone.

WATTI'U MANGA RASUL 10:38

Yamiu masingkatta manungku Ruata suete namile Mawu Yesus taumata Nazaret udde wuṛṛu nangonggolu Ghaṛṛaho Ruata wuṛṛu taṛṛino si Tou. I yamiu masingkatta lai manungku Mawu Yesus u'amatta su al᷊awo'u tampa ma'ola'a apapia; i Tou mapaapian taumata apan niasuttannu Setanna, ana waugu Ruata uatantalongnga si Tou.

WATTI'U MANGA RASUL 11:18

Napawe naaringikke udde, i mangitou tate nanompola apia. See i mangitou nadalote Ruata. I mangitou mabbisara, “Amungkangngu aroddi, manga taumata apan bal᷊ine Yahudi lai inonggol᷊annu Ruata tempone mawal᷊u wuassu manga rosane wuṛṛu maapussa'a wiakka apan tutune!”

WATTI'U MANGA RASUL 14:27

Napawe na'omate su Antiokhia, i mangitou nangammullu manga taumata wuassu jamaatta udde, see nabatti'u sarangkanambone apan suete niola'u Ruata sulal᷊ummi mangitou. I mangitou nabbati'a lai su ola'u ereapa Ruata suete namantingidu lal᷊anna tadea'u manga taumata apan bal᷊ine Yahudi mangngimanna Mawu Yesus.

EFESUS 1:6

Dalo su Ruata apan mawantuga, ana waugu sulal᷊ummu Anang-Nge apan arangnguanna, i Tou lembon marangngu si ite.

KOLOSE 1:1

Manga tuṛṛangnga al᷊aṛṛana'u Ruata su Kolose apan tuttuṛṛuta uaaukka ringanni Kristus! Ere sangkatou rasulli Kristus Yesus, – apan nitenegu Ruata – i ya'u, Paulus, su sambau ringannu tuṛṛangi ite Timotius, mangantimma doronganna Ruata Iamangngi ite mangonggolu al᷊amatta wuṛṛu paddarame si yamiu.

KOLOSE 1:13

I Tou suete namallosi ite wuassu taṛṛinon araranduma wuṛṛu nangingkati ite sulal᷊ummu araratuannu Anang-Nge apan arangnguan-Ne.

1 PETRUS 2:4

Ana waugu udde, rantate ringannu Mawu. I Tou naal᷊ihida watu apan wiakka, watu apan nirammen taumata ana waugu sansunnanna tawe gunane; arawe nipilen Duata maola'a watu apan maarega.

2 PETRUS 1:17

I yami poiaroddi su tempo i Tou niaddatanna wuṛṛu niwantuhannu Ruata Iamangnga. Su tempo udde niaringiṛṛana tingikka wuassu Apan Lembon Mawantuga, nabbisara si Tou, “Ete indi Ana'u arangnguang-Ku. I Tou maal᷊uassa naung-Ku!”