MATIUS 11:8 - WUKE SUSI WATTI'U AL᷊AL᷊USASSA

⁸ I yamiu inai ma'ellega apa? Sangkatou apan uapedetta mapia? Manga taumata apan uapedetta aroddi uatana'a su tampan araratuanna!

MATIUS 11:8 Iomraidhean Croise

2 MARARATU 1:8

“I tou ualuṛṛen Juba wuṛṛu aiittu lawanne niola'a wuassu pisin binatangnga,” sasimbakki mangitou. “O, udde i Elia!” sasimbakku ratu.

YESAYA 20:2

Tatallu su tonnane wua'udde, Mawu nandolokki Yesaya ana'i Amos nalluatta sapatune wuṛṛu nasa karongnga apan nilluṛṛene. I tou tinumuṛṛutta wuṛṛu niumamatta tantol᷊e wuṛṛu tawe sapatune.

ZAKARIA 13:4

Su allo udde, manga nabi sarun maapendamma asasili ma'ola'a manaran sangkatou nabi. I mangitou tate malluṛṛen laubbu nabi ipamahia wuṛṛu ipamarabungan manga sondamme.

MATIUS 11:7

Napawe ralol᷊oṛṛanni Yohanes nabelengke, Mawu Yesus nanattakke nabbisara su taumata nambo su ola'i Yohanes, wisara-Ne, “I yamiu inai su wadda'a ma'ellega apa? Sangkul᷊appa wal᷊abukka itattalla'u anginna?

MATIUS 11:9

Nariaddi anio i yamiu inai su wadda'a? Inai ma'ellega sangkatou nabi? Atonna i tou nangillembo wuassu sangkatou nabi.

MATIUS 3:4

I Yohanes ual᷊uṛṛen laubba wuassu wambul᷊un unta. Papeṛṛenne wuassu pisim binatangnga wuṛṛu anni tou saṛṛapalanna wuṛṛu pul᷊an ahuranganna.

LUKAS 7:25

I yamiu inai ma'ellega apa? Sangkatou apan uapedetta maṛṛamaga? Manga taumata apan uapedetta aroddi wuṛṛu wiakke lembo mapia uatana'a su tampan araratuanna!

1 KORINTUS 4:11

Na'oman sara orassa indi yami uatataṛṛanga lunussa, wuṛṛu ararou; laubbi yami ete indi ual᷊uṛṛe; taumata mangke mannansara si yami; yami tawe tampa atanaanna,

2 KORINTUS 11:27

I ya'u mattingkasahadda wuṛṛu mammanara maṛṛimadda: pattaṛṛa assa tawe matiilla, tawe umanna, tawe ma'inumma, masokka i ya'u umamatta mal᷊unussa, aamansungeanna, ana waugu tawe laubba wuṛṛu tawe tampa atatanaanna.

TAHIUL᷊E 28:54

Ewe'e lai taumata papunna apan pallal᷊agune mapia sarun maadio'a naungnge su tempon pangalo udde, ma'oman sara i tou uminassa anangnge sassane ana waugu tate anna wal᷊ine. Tawe saran addio'a i tou nagonggolla su tuṛṛangnge ara'e awingnge apan arangnguanne ara'e manga anangnge apan ta'e wiakka.

SONDAPPA 11:3

I Ya'u sarun mandolokku ruang katou tiala-U apan ual᷊uṛṛem peddeta ilallal᷊o, wuṛṛu i mangitou sarun mamasingkatu watti'u Ruata al᷊annune 1260 su allone.”