MATIUS 11:26 - WUKE SUSI WATTI'U AL᷊AL᷊USASSA

²⁶ Eteudde ma'al᷊uassa naungngu Iamangnga.”

MATIUS 11:26 Iomraidhean Croise

AYUB 33:13

Anio i'o mammaṛṛansilla Ruata manungku i Tou tawe maddaringikka sasal᷊iomannu taumata?

YESAYA 46:10

Wuassu panattaṛṛanne i Ya'u namasingkattu manga apa apan sarun mariaddi sal᷊immurine, ro'en dorone i Ya'u mabbatti'a apa apan sarun mariaddi. Manga wisara-U: Putusang-Ku sarun maola'a, apulu-U sarun Ta'u olaanna!

LUKAS 10:21

Su tempo udde lai, Mawu Yesus lullala'a ana waugu niasuttannu Ghaṛṛahon Ruata. Mawu Yesus nabbisara, “Iamangnga, Mawu apan uatahuanna langitta wuṛṛu runia! I Ya'u ma'adiangkamanna Si'o ana waugu sarangkanambone udde niadappingngu su taumata nambo apan pande wuṛṛu pia asingkanne, arawe I'o napaal᷊iatta'a su manga taumata tawe si'ol᷊ane. Eteudde apan ma'al᷊uassa naungngu Iamangnga.

LUKAS 22:42

see inumal᷊intuda wuṛṛu inumal᷊iomanna, “Iamangnga,” wisara-Ne, “amungkangngu wotongnge, paaraua'a wuassia-U sansara apan sasaruanang-Ku indi. Arawe arie tumuṛṛuttu apulu-U, ewe'e tumuṛṛuttu apulun Iamangnga.” [

LUKAS 23:34

See Mawu Yesus inumal᷊iomanna, “O Iamang-Ku, ampungewe i mangitou! I mangitou wagga apa apan a'olaanni mangitou.” Laubbu Mawu Yesus nitahia isudde su wallatti mangitou wuṛṛu niundi.

YOHANES 11:41

Ne i mangitou nangiruten batu udde. See Mawu Yesus naningngara watukku langitta wuṛṛu nabbisara, “Aadiangkamanna, Iamangnga, ana waugu I'o suete naddaringikka si Ya'u.

YOHANES 12:27

“Naungku sussinggawangnga; apa Ta'u iwisara su orassa indi? Ṛinonewe i Ya'u mabbisara, ‘Iamangnga liua'awe i Ya'u wuassu orassa indi’? Arawe tadea'u i Ya'u maapendamma orassu asasusa indi i Ya'u nirumanta.

YOHANES 12:28

Iamangnga, mawantuga arannu!” Ne niaringiṛṛanna tingikka wuassu langitta nabbisara, “I Ya'u suete namantuga si Tou, wuṛṛu i Ya'u sarun mamantuga lai si Tou.”

ROMA 9:18

Nariaddi Ruata mandangngu sangkatou, amungkangngu Ruata maapulu aroddi. Ruata mammalan sangkatou taumata mal᷊awangnga, amungkangngu Ruata maapulu aroddi lai.

EFESUS 1:11

Ruata mammanara al᷊awo'a tumuṛṛuttu apulu-Ne wuṛṛu ṛaṛṛawen-Ne sassane. Ro'en paarorone i Tou buatte namile si ite, ana waugu i Tou maapulu tadea'u i ite maola'a al᷊aṛṛanang-Nge ana waugu uaaukka ringanni Kristus.

EFESUS 1:9

Tumuṛṛuttu apulu-Ne sassane, Ruata namasingkata si ite addapingngu manara-Ne; i Tou buatte nabbisara manungku manara-Ne udde sarun insueanna sulal᷊ummi Kristus.

EFESUS 3:11

Ruata na'ola'a udde wuassu manara-Ne apan tawe panginsueanne, apan niolang-Nge sulal᷊ummi Kristus Yesus Mawun kite.

2 TIMOTIUS 1:9

Ruata mannal᷊amatta si ite wuṛṛu namago si ite, tadea'u maola'a al᷊aṛṛanang-Nge. I Tou na'ola'a udde wal᷊ine ana waugu apa apan suete nimmanaran kite, ewe'e ana waugu panduman-Ne sassane wuṛṛu darangngu-Ne. I Tou nandangngu si ite sulal᷊ummi Kristus Yesus ro'en runia indi taambe niriaddi.