MATIUS 11:21 - WUKE SUSI WATTI'U AL᷊AL᷊USASSA

²¹ “Nasilakate yamiu Korazim! Wuṛṛu nasilakate lai yamiu, Betsaida! Unnu wisara manga al᷊aṛṛindu'a apan niola'a su pattangnganni yamiu suete niola'a su Tirus wuṛṛu Sidon, asinungka manga taumata poiaroddi mal᷊annute nawal᷊u wuassu paddarosa mangitou wuṛṛu suete nalluṛṛen laubbu massusa, see nandenoten awu su pua mangitou.

MATIUS 11:21 Iomraidhean Croise

AYUB 42:6

Ana waugu udde i ya'u massili mannaungnga al᷊awo'u wisara'u wuṛṛu ringannu sussasilla i ya'u niuma'ianna sulal᷊ummu awu wuṛṛu leta'a.”

YEREMIA 13:27

I Ya'u buatte naasilo si yamiu ma'ola'a manga apa apan iaaranting-Ku. I Ya'u naasilote si yamiu mangngenggenna manga nawu waine su wuidda wuṛṛu su wawail᷊anna, ere sangkatou esakka mabbewan awingngu taumata waine ara'e ere awal᷊o esakka mabbewan awal᷊o wawine. Tumana'u Yerusalem, nasilakate i yamiu! Tingngera i yamiu mapallossa wuassu al᷊al᷊eo?”

YOEL 3:4

Uranni yamiu i Ya'u indi, ei Tirus, Sidon wuṛṛu al᷊awo'u wageangngu leta'u Filistin? Mappuluwe i'o mabbal᷊issa naungngu lal᷊eo si Ya'u? Ne, panengkampe wawal᷊i-U apan rumanta ringannu mal᷊ihakka.

AMOS 1:9

Mawu nabbisara, “Tumana'u Tirus masokkate ma'ola'a rosa, ana waugu udde i Ya'u sarun makkuumanni mangitou. I mangitou buatte naṛṛuwo sambau walahanna sarangkanambone watukku pamamuanganna, wuṛṛu nanantilli mangitou su Edom; i mangitou buatte nilumawangnga paaire paggahahawe.

MATIUS 11:22

Paanaunge, su Allong Kiamatta, manga taumatan Tirus wuṛṛu Sidon malluasanna ampungannu Ruata wuassi yamiu.

MATIUS 15:21

Wua'udde Mawu Yesus nanantangken tampa udde wuṛṛu inaite su wageangngu leta'a maranin soa Tirus wuṛṛu Sidon.

MATIUS 18:7

Silakawe eteapa runia indi ana waugu manga pallal᷊agu apan ma'arosa taumata. Atonna manga inolaanna ereudde ṛinone pia, arawe nasilakate taumata apan pallal᷊agune maarosa taumata waine!

MATIUS 26:24

Atonna Ana'u Taumata sarun mate ere uawoṛṛetta sulal᷊ummu Wuke Susi. Arawe nasilakate taumata apan mandal᷊eo Ana'u Taumata! Mappianne taumata udde tawe niasungkangnga!”

MARKUS 3:8

wuassu Yerusalem, wuassu wageangngu leta'u Idumea, wuṛṛu wuassu wageangngu leta'a samba'an ra'i Sal᷊ukku Yordan, wuṛṛu wuassu manga soa su Tirus wuṛṛu Sidon. I mangitou sarangkanambone nirumanta ringannu Mawu Yesus, ana waugu i mangitou naaringikka manga inolaanna apan suete niola'u Mawu Yesus.

MARKUS 6:45

Wua'udde ringannu mal᷊ihakka Mawu Yesus nandolokku mallal᷊aṛṛenggen-Ne nassenggotte ringannu saalanna malliu ṛoro si Tou su Betsaida su samba'an dano, tantal᷊anna i Tou nandolokku taumata nambo udde niapaapul᷊e.

MARKUS 7:24

Wua'udde Mawu Yesus nanantangken tampa udde, wuṛṛu inaite su wageangngu leta'a maranin soa Tirus. I Tou sinumutta su sambau wal᷊e wuṛṛu maddiri asingkatanna manungku i Tou uatana'a isudde. Arawe i Tou tawe mappa'imbuni.

MARKUS 7:31

Wua'udde Mawu Yesus nanantangken wageangngu leta'u Tirus, wuṛṛu nanassukku amatanne sinumabbi Sidon watukku Ranon Galilea. I Tou namile lal᷊anna sumabbi wageangngu leta'u Mapul᷊o Soa (Dekapolis).

MARKUS 8:22

I mangitou na'omate su Betsaida. Isudde taumata nangapiddu sangkatou wuta ringannu Mawu Yesus, wuṛṛu nadorongnga tadea'u i Tou mamita taumata udde see mapia.

LUKAS 4:26

Salaiwe aroddi, Ruata tawe nandolokki Elia su wallattu sangkatou wawine wal᷊u isudde, ewe'e tumba'u su sangkatou wawine wal᷊u su Sarfat su leta'u Sidon.

LUKAS 6:17

Wua'udde Mawu Yesus sinumossokke wuassu wuidda su sampunna ringannu manga rasul udde, see natta'alla wuṛṛu dirumarisikka su sambau tampa ratakke. Isudde pia lai sambau ammul᷊annu manga mallal᷊aṛṛenggenna waine wuṛṛu manambo lai taumata rudanta wuassu anambon tampa su ahewallu leta'u Yudea, Yerusalem, wuṛṛu manga soan Tirus wuṛṛu Sidon su winggin tahal᷊oangnga.

LUKAS 9:10

Manga ralol᷊oṛṛannu Mawu Yesus nabelengke wuṛṛu nabbatti'e su Mawu Yesus, sarangkanambone apan suete niola'i mangitou. Mawu Yesus nangahe si mangitou see inaite su sambau, i mangitou nanginsassa watukku soa Betsaida.

YOHANES 1:44

I Filipus inasapputanne wuassu Betsaida, eteudde tampa atatanaanni Andreas wuṛṛu i Petrus.

YOHANES 12:21

I mangitou nirumanta ringanni Filipus wuṛṛu nabbisara, “Tuṛṛangnga, amungkangngu wotongnge, i yami maapulu maisasomba Mawu Yesus.” (I Filipus taumata wuassu Betsaida su Galilea.)

WATTI'U MANGA RASUL 12:20

I Herodes mangke mandona su manga taumatan Tirus wuṛṛu Sidon. Ana waugu udde i mangitou suadio'a nirumanta sumaruanna si tou. Paarorone i mangitou nassalo'i Blastus, apan uapiaṛṛa'u wal᷊en araratuanni Herodes, na'oman sara i tou nanamba'a si mangitou. Wua'udde i mangitou inaite sinumaruanna si Herodes, see nadorongnga maddame, ana waugu wanua mangitou tumba'u uaantimma anna wuassu wanuan Herodes.

WATTI'U MANGA RASUL 27:3

Tiṛṛabbine i yami na'omate su Sidon. I Paulus papadul᷊iananni Yulius ringannu mapia. I tou niwala mattembo manga hawene tadea'u i mangitou wotongnge mangonggolu sarannapa apan pappandumanne.

YUDAS 1:11

Nasilakate i mangitou! I mangitou suete niumamatta su lal᷊anni Kain. Tadea'u maasomba roitta, i mangitou namontollu wadangnge su inolaanna lal᷊eo ere Bileam. Wuṛṛu i mangitou lai nipate ana waugu nilumawanna ere Korah.

SONDAPPA 11:3

I Ya'u sarun mandolokku ruang katou tiala-U apan ual᷊uṛṛem peddeta ilallal᷊o, wuṛṛu i mangitou sarun mamasingkatu watti'u Ruata al᷊annune 1260 su allone.”

SONDAPPA 6:12

See i ya'u naasilo Ana'u Domba udde namesangnga segele aiannume. Nariaddite linukka apan masaddata. Matannallo nabbal᷊i ma'itumma ere mal᷊aṛṛenessa ma'itumma hal᷊agga, wuṛṛu wul᷊anna nabbal᷊i maṛṛamu ere ṛaṛṛa.