MATIUS 11:12 - WUKE SUSI WATTI'U AL᷊AL᷊USASSA

¹² Ro'en Yohanes namasingkattu wattingnge udde na'oman sara orassa indi, al᷊aṛṛana'u Ruata ipaseettu manga taumata apan maapulu mamarenta ringannu araṛṛagissa.

MATIUS 11:12 Iomraidhean Croise

MATIUS 11:11

Naunge! Su runia indi taambe sangkatou taumata nangillembo wuassi Yohanes Mananaṛṛani. Salaiwe aroddi taumata apan addio'anne wuassu wallattu al᷊aṛṛana'u Ruata, nanampal᷊iu wuassi Yohanes.

MATIUS 11:13

Na'oman sara rarantan Yohanes Mananaṛṛani, anambon tita Musa wuṛṛu manga al᷊aṛṛa'u manga nabi namasingkatta su ola'u apa apan ṛinone mariaddi.

MATIUS 3:15

Arawe Mawu Yesus nisumimbakka, “Wala'e aroddi su orassa indi. Ana waugu ringannu aroddi i ite ma'ola'a al᷊awo'u apa apan ipaapulun Ruata.” Nariaddi Yohanes nanaṛṛanite Mawu Yesus.

LUKAS 13:24

“Pattinsahadde sumutta malliu ngara apan maṛṛiputta. Ana waugu naunge! Manambo taumata maddea'a sumutta arawe tawe maasutta.

LUKAS 16:16

Tita apan nionggolli Musa wuṛṛu al᷊aṛṛa'u manga nabi, sidutu ta'e ipappaatta na'oman sara tempon Yohanes Mananaṛṛani. Wuassu tempo udde Watti'u Al᷊al᷊uassa su ola'u ereapa Ruata mamarenta ere sangkatou Ratu sidutu iwabbatti'a. Wuṛṛu taumata mammata'en dirine tadea'u maola'a lal᷊oṛṛon araratuannu Ruata.

YOHANES 5:4

Ana waugu wiasane mala'ekattu Mawu sussossokka su li'u udde wuṛṛu mangngio'u ua'ene. Wuṛṛu taumata marada'a apan paarorone umurumma sulal᷊ummu li'u udde su tempo ua'e rudal᷊ua'a, sarun mapia wuassu radangnge.]

YOHANES 6:27

Arie pammanara ipaddea'a anna apan wotongnge masue wuṛṛu mawukku'a. Pammanarate tadea'u maasomba anna apan tawe mawukku'a wuṛṛu apan mangngonggolu wiakka tutune wuṛṛu saran mal᷊annu-l᷊annu. Anna udde sarun ionggolu Ana'u Taumata si yamiu, ana waugu i Tou suete nitenegu Ruata Iamangnga.”

FILIPI 2:12

Ana waugu udde, manga tuṛṛangnga apan arangnguanna, su ereapa i yamiu sidutu matuṛṛuta si ya'u su tempo i ya'u uatana'a su pattangnganni yamiu, ne nangillembo orassa indi su tempo i ite mararaute, ṛinone i yamiu sidutu tuttuṛṛuta si ya'u. I yamiu suete nisal᷊amattu Ruata, nariaddi sidutu pammanarate tadea'u paddaramenu maola'a masuungnga. Ola'e udde ringannu addata wuṛṛu tatuṛṛuta su Ruata,