MATIUS 11:11 - WUKE SUSI WATTI'U AL᷊AL᷊USASSA

¹¹ Naunge! Su runia indi taambe sangkatou taumata nangillembo wuassi Yohanes Mananaṛṛani. Salaiwe aroddi taumata apan addio'anne wuassu wallattu al᷊aṛṛana'u Ruata, nanampal᷊iu wuassi Yohanes.

MATIUS 11:11 Iomraidhean Croise

AYUB 14:1

Ro'en niasungkangnga taumata udde lome, tawe maal᷊ore; uukke maautta see lai napenen asasusa.

AYUB 14:4

Wotongngewe taumata apan marosa mandantan inolaanna apan nasuungnga?

AYUB 15:14

Wotongne taumata mangke tawe sal᷊ane? Wotongngewe i tou iapaṛṛino su saruanna Ruata?

AYUB 25:4

Wotongngewe taumata na'ukkassa su matan Duata? Wotongngewe i tou waresi su aellegu Mawu?

DARALO 51:5

Ana waugu i ya'u mangnga'u manga pasasal᷊a'u, rosa'u sidutu nanaungangku.

YESAYA 30:26

Wul᷊anna sarun masemakka ere semakku matannallo, wuṛṛu matannallo sarun maola'a paapitu asemakke wuassu wiasane, ere semakku pitu allo niammulla naola'a sambau. Sarangkanambone udde sarun mariaddi sutempo Mawu mami'unna wuṛṛu mapaapia manga lessa uman-Ne apan buatte nipuulle.

ZAKARIA 12:8

Su allo udde i Ya'u sarun mallu'adda tumana'u Yerusalem; wuṛṛu iapa al᷊omeanne lai suwallatti mangitou sarun maola'a ere atohassi Daud. I mangitou sarun ehetannu papapulunni Daud ere lai mala'eka-U, ewe'e lai ere i Ya'u sassane.

MATIUS 11:10

Ana waugu ete Yohanes udde apan isassaggo su wageangngu Wuke Susi ereindi, ‘Ete indi ralol᷊oṛṛang-Ku, unnu Ruata, I Ya'u nandolokki tou dorone wuassi'o tadea'u i tou mamu'a lal᷊an-Nu.’

MATIUS 11:12

Ro'en Yohanes namasingkattu wattingnge udde na'oman sara orassa indi, al᷊aṛṛana'u Ruata ipaseettu manga taumata apan maapulu mamarenta ringannu araṛṛagissa.

MATIUS 3:1

Su tempo udde nirumantate i Yohanes Mananaṛṛani su wadda'u Yudea wuṛṛu nanattakke mannase.

MATIUS 3:11

I ya'u mannaṛṛani si yamiu ringannu ua'e, udde mappaal᷊iatta'a manungku i yamiu nawal᷊ute wuassu paddarosang kamiu, arawe apan sarun dumanta sal᷊immurine wuassia'u, sarun manaṛṛani si yamiu ringannu Ghaṛṛahon Duata wuṛṛu putungnga. I Tou maggewal᷊anna wuassia'u saran mangapiddu sapatune lai Ya'u tawe su ṛinone.

MATIUS 5:19

Ana waugu udde, isai-sai tawe tumuṛṛutta manga parenta udde, manimbe parenta addio'anne, wuṛṛu mangngaṛṛa'a taumata waine ma'ola'a aroddi lai, sarun maola'a addio'anne su wallattu al᷊aṛṛana'u Ruata. Arawe isai-sai apan tuttuṛṛutta manga parenta udde, wuṛṛu mangngaṛṛa'a taumata waine ma'ola'a aroddi lai, sarun maola'a wahewa su wallattu al᷊aṛṛana'u Ruata.

LUKAS 1:15

I tou sarun maola'a taumata mapia su aellegu Mawu, wuṛṛu i tou tawe ma'inumma anggore ara'e inumanna ma'awu'anna. Ro'en inasungkangnge i tou aintaṛṛoanten Ghaṛṛahon Ruata.

LUKAS 7:28

“Paanaunge,” unnu Mawu Yesus, “su runia indi taambe saran sangkatou taumata maggewal᷊anna wuassi Yohanes Mananaṛṛani. Arawe taumata apan adio'anne su wallattu al᷊aṛṛana'u Ruata, magewal᷊anna wuassi Yohanes Mananaṛṛani.”

LUKAS 9:48

See i Tou nabbisara manga mallal᷊aṛṛenggen-Ne, “Taumata apan manarimmattu ana'a indi ana waugu i Ya'u, udde ere lai manarimmatta si Ya'u. Wuṛṛu taumata apan manarimmatti i Ya'u manarimmatti Tou lai apan nandolo-U. Ana waugu taumata apan adio'anne su wallatti yamiu, ete i tou apan ahewal᷊anne!”

YOHANES 1:15

I Yohanes nirumanta naola'a tatiala-Ne, i tou mammasingkatta: “Ete i Tou indi apan ta'u iwabbatti'a: I Tou sarun rumanta, nasal᷊immuri wuassia'u, arawe magewal᷊anna wuassia'u, ana waugu tantal᷊anna i ya'u taambe, i Tou nirumantate.”

YOHANES 1:27

I Tou nirumanta sal᷊immurine wuassia'u, arawe mamu'a tal᷊in sapatu-Ne lai ya'u tawe wotongnge.”

YOHANES 10:41

Manambo taumata nirumanta ringanni Tou. I mangitou mabbisara, “I Yohanes tawe ma'ola'a manga al᷊aṛṛindu'a, arawe anambon bisara su ola'u taumata indi mangke atonna.”

YOHANES 3:30

Ete i Tou apan ṛinone magewal᷊anna, wuṛṛu i ya'u ma'adio'anne.”

YOHANES 5:35

I Yohanes udde naal᷊ihida sol᷊o apan luṛṛenggamma wuṛṛu mannemakka. Tumba'u sangkatempo i yamiu mal᷊uassa mannengkamma semakka udde.

YOHANES 7:39

Mawu Yesus mabbisara su ola'u Ghaṛṛahon Ruata apan sarun sengkamannu manga taumata apan mangngimanna si Tou. Ana waugu su tempo udde Ghaṛṛahon Ruata taambe nionggolla; ana waugu Mawu Yesus taambe niapaawantuga ringannu papate-Ne.)

1 KORINTUS 15:9

Eteudde i ya'u rasullu Mawu apan awawoanne. I ya'u tawe su tampane isaggo rasul, ana waugu ete i ya'u apan suete nanansara jamaattu Ruata.

1 KORINTUS 6:4

Napawe amungkangngu nilumapputa manga hatto ereudde, apa i yamiu mangalae su manga taumata apan tawe manarane sulal᷊ummu jamaatta?

EFESUS 2:3

Dorone i ite sarangkanambone lai uasul᷊ungngi mangitou; i ite mabbiakka tuttuṛṛuta pallal᷊agun kite taumata wuṛṛu mammanara manara apan maal᷊uassa wadangnga wuṛṛu ṛingiṛṛanni ite. Su tempo udde i ite naola'a manga taumata apan niaṛṛiaannu asasa'un Duata, ere lai manga taumata waine.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

2 TIMOTIUS 1:10

Wuṛṛu orassa indi, Ruata napaal᷊iatta'u al᷊amanlle si ite ringannu darantan Ratun Punnu Sal᷊amatti ite Kristus Yesus. Mawu Yesus napassuṛṛubawan taṛṛinon papate wuṛṛu nangapiddu wiakka sarangkal᷊o'enge sulal᷊ummu Watti'u Al᷊al᷊uassa udde.

IBRANI 11:40

ana waugu Ruata pia pandumanna apan lembon apianne si ite. Pandumanne eteudde manungku tumba'u uaaukka su sambau ringanni ite i mangitou sarun masuungnga.

1 PETRUS 1:10

Asasal᷊amatta indi apan a'inunuanna wuṛṛu sassaṛṛasirannu manga nabi, wuṛṛu i mangitou ma'innau al᷊amatta apan ionggolu Ruata si yamiu.

1 SAMUEL 2:30

I Ya'u, Mawu Ruatan Israel, dorone buatte naddiandi, amonannu wuṛṛu ṛuangannu sarun mangimbe si Ya'u maola'a imam sarangkal᷊o'enge. Arawe orassa indi Ya'u maddiriten olangnge udde lai! Ana waugu apan mangngaddatta si Ya'u, sarun Ta'u addatanna arawe isai mallobbossa si Ya'u, sarun Ta'u lobbosanna lai.