MATIUS 10:40 - WUKE SUSI WATTI'U AL᷊AL᷊USASSA

⁴⁰ “Taumata apan manarimmatti yamiu, manarimmatta si Ya'u lai. Wuṛṛu taumata manarimmatta si Ya'u, manarimmatta si Tou lai apan suete nandolo-U.

MATIUS 10:40 Iomraidhean Croise

1 MARARATU 18:4

Sutempo Izebel namate manga nabin Mawu, i Obaja indi nantul᷊ungngu 100 suatoune nabi ringannu namunin mangitou sulal᷊ummu loṛṛangnga – 50 su atoune su loṛṛangnga sambau – see nangonggollu anna wuṛṛu ua'e.)

YEREMIA 39:17

Arawe i Ya'u, Mawu, sarun mallu'adda si'o. I'o tawe itantilla su manga taumata apan iaata'unnu.

MATIUS 18:5

Wuṛṛu taumata apan manarimattu ana'a ereindi ana waugu i Ya'u, udde ere lai nanarimmatta si Ya'u.”

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

MATIUS 25:45

Ratu udde sarun sumimbakka, ‘Asingkate: su tempo i yamiu madiri mantul᷊ungngu sangkatou taumata asusane ereindi, ere lai yamiu madiri mantul᷊ungku.’

MARKUS 9:37

“Taumata apan manarimmattu sangkatou ana'a ereindi ana waugu i Ya'u, udde ere lai manarimmatta si Ya'u. Wuṛṛu taumata apan manarimmatta si Ya'u, i tou wal᷊ine tumba'u manarimmatta si Ya'u, arawe manarimmattu lai si Tou apan nandolo-U.”

LUKAS 10:16

See Mawu Yesus nabbisara manga mallal᷊aṛṛenggen-Ne, “Taumata apan madaringikka si yamiu, madaringikka lai si Ya'u. Taumata apan mannol᷊a'i yamiu, mannol᷊a-U lai. Wuṛṛu taumata apan mannol᷊a-U, mannol᷊a'i Tou lai apan nandolo-U.”

LUKAS 9:48

See i Tou nabbisara manga mallal᷊aṛṛenggen-Ne, “Taumata apan manarimmattu ana'a indi ana waugu i Ya'u, udde ere lai manarimmatta si Ya'u. Wuṛṛu taumata apan manarimmatti i Ya'u manarimmatti Tou lai apan nandolo-U. Ana waugu taumata apan adio'anne su wallatti yamiu, ete i tou apan ahewal᷊anne!”

YOHANES 13:20

Mangke atonna wisara-U indi: Isai manarimmattu taumata Ta'u nirolokka, mannarimma-U lai. Wuṛṛu isai mannarimma-U, i tou lai manarimmatti Tou apan nandolo-U.”

YOHANES 20:21

See Mawu Yesus nabbisara si mangitou paassa lai, “Sal᷊amatta wuṛṛu paddarame si yamiu. Ere lai Iamangnga nandolo-U aroddi lai Ya'u mandolokki yamiu.”

YOHANES 5:23

Iamangnga na'ola'a udde tadea'u anambon taumata mangngaddatta Ana'a ere lai i mangitou mangngaddatta Iamangnga. Taumata apan maddiri mangngaddatta Ana'a maddiri lai mangngaddatta Iamangnga apan nandolokku Ana'a.

2 KORINTUS 5:20

Nariaddi ete i yami udde daroloṛṛanni Kristus. Sulal᷊ummi yami Ruata nabbal᷊on tanata-Ne. Sulal᷊ummu aranni Kristus i yami sumal᷊ande, sengkamawe liman Duata apan namalan kamiu uaaukka apia ringanni Tou.

GALATIA 4:14

Su tempo udde i yamiu maddintingku, salaiwe wadangku naola'a ere wawono'a apan wahewalla si yamiu. Ewe'e i yamiu mannarimma'u ere lai nanarimmatu mala'ekattu Ruata ara'e ere manarimmatta si Kristus Yesus sassane.

1 TESALONIKA 4:8

Taumata apan tawe madaringikka al᷊aṛṛa'a indi wal᷊inewe tawe madaringikka taumata, arawe tawe madaringikka Ruata apan nangonggollu Ghaṛṛaho-Ne susi si yamiu.

2 YOHANES 1:9

Taumata apan tawe uaaggassa al᷊aṛṛa'i Kristus, arawe sinumewada wuassu apa apan niaṛṛa'i Kristus, taumata udde tawe maatuahanna Ruata. Taumata apan siddutu uatundeeta su al᷊aṛṛa'i Kristus, atappasanne uatahuanna Ruata Iamangnga aroddi lai Ana'a.