MATIUS 10:25 - WUKE SUSI WATTI'U AL᷊AL᷊USASSA

²⁵ Naṛṛinote amungkangngu sangkatou ana'a si'ol᷊a maola'a ere hurune, wuṛṛu sangkatou mangangimbe maola'a ere mawune. Amungkangngu pa'ihaguranganna su wal᷊e aranne ete nisaggo Beelzebul, lembonete lal᷊oṛṛon bal᷊ene. I mangitou sarun onggol᷊annu aranna aral᷊eoane lai!”

MATIUS 10:25 Iomraidhean Croise

2 MARARATU 1:2

Su allo sambau i Ratu Ahazia wuassu Israel nanawo wuassu panumbal᷊e al᷊iurosone wuassu wal᷊en araratuanna su Samaria, na'oman sara i tou nal᷊essa wahewalla. Ne i tou nandolokku taumata iapaiwal᷊o si Baal-Zebub, mongannu soan Ekron su Filistin, tanne i tou mapia wuassu radda'a ara'e tawe.

MATIUS 12:24

Su tempo manga taumatan Farisi naaringikka aroddi, i mangitou sinumimbakka, “Taumata indi tumba'u wotongnge mallimbuakka ghaṛṛaho lal᷊eo, ana waugu i Beelzebul, tembonannu manga ghaṛṛaho lal᷊eo, suete nangagillu taṛṛino udde si Tou.”

MATIUS 12:27

I yamiu mabbisara manungku i Ya'u mallimbuakka ghaṛṛaho lal᷊eo ana waugu taṛṛinon Beelzebul. Amungkangngu aroddi ringannu taṛṛinon sai mallal᷊aṛṛenggennu mallimbuakka ghaṛṛaho lal᷊eo. Mallal᷊aṛṛenggennu udde sassane napal᷊iatta'a manungku i yamiu nassal᷊a!

MATIUS 9:34

Arawe manga taumatan Farisi nabbisara, “Ete manga tembonannu ghaṛṛaho lal᷊eo nangagillu taṛṛino si Tou mallimbuakka manga ghaṛṛaho lal᷊eo udde.”

MARKUS 10:39

“Wotongnge,” sasimbakki mangitou. Ne Mawu Yesus nabbisara apia si mangitou, “Atonna i yamiu sarun ma'inumma wuassu mangkon asasusa apan sarun inumang-Ku wuṛṛu sumutta sulal᷊ummu papaṛṛangnga apan sarun suttang-Ku.

MARKUS 3:22

Manga hurun agama apan nirumanta wuassu Yerusalem nabbisara, “I Tou niasuttannu Beelzebul! Tembonannu manga ghaṛṛaho lal᷊eo apan mangngagillu taṛṛino si Tou ipallimbuakka ghaṛṛaho lal᷊eo.”

LUKAS 11:15

arawe piaddu mabbisara, “I Tou wotongnge mallimbuakka ghaṛṛaho lal᷊eo ana waugu taṛṛino Beelzebul, tembonannu ghaṛṛaho lal᷊eo udde.”

LUKAS 11:18

Aroddi lai sulal᷊ummu araratuannu Setanna, amungkangngu sambageanganna mabawul᷊o ringannu wageangnge waine, araratuanna udde sarun mawinasa. I yamiu mabbisara manungku i Ya'u mallimbuakka ghaṛṛaho lal᷊eo ana waugu taṛṛinon Beelzebul.

LUKAS 11:19

Amungkangngu aroddi, ringannu taṛṛinon sai manga mallal᷊aṛṛenggennu mallimbuakka ghaṛṛaho lal᷊eo udde? Manga mallal᷊aṛṛenggennu udde sassane apan nattiala manungku i yamiu nassal᷊a!

YOHANES 10:20

Manambo taumata mabbisara, “I tou niasuttannu setanna! I tou wewa! Ipa'ura i yamiu madaringikka si Tou?”

YOHANES 7:20

Awada'alla udde sinumimbakka, “I'o wewa! Isai ma'apulu mamate Si'o?”

YOHANES 8:48

Manga taumatan Yahudi udde sinumimbakka Mawu Yesus, “Wal᷊inewe atonna wisarang kami manungku I'o taumatan Samaria apan niasuttannu setanna?”

YOHANES 8:52

See manga taumatan Yahudi udde nabbisara Mawu Yesus, “Orassa indi yami masingkatta I'o indi atonna-tonna niasuttannu setanna! I Abraham sassane natete, aroddi lai manga nabi. Arawe I'o mabbisara, ‘Taumata apan tuttuṛṛutta wisara-U, tawe mate saran mal᷊annu-l᷊annu.’