MATIUS 10:24 - WUKE SUSI WATTI'U AL᷊AL᷊USASSA

²⁴ Al᷊aṛṛana'a si'ol᷊a tawe maasampal᷊iu hurune, wuṛṛu mangangimbe tawe maasampal᷊iu mawune.

MATIUS 10:24 Iomraidhean Croise

2 SAMUEL 11:11

I Uria sinumimbakka, “Tantaran Israel wuṛṛu Yehuda tantal᷊anna uapapangalo waggaten mate wuṛṛu Wantallu Pa'airen Mawu uaṛundinganna si mangitou; i Yoab tembonanni yami wuṛṛu manga piaṛṛangnge waine naddasanna su wadda'a. Tawe mariaddi allangngu indi mapul᷊e su wal᷊en, umanna ma'inumma wuṛṛu mattiilla ringannu awingngu allangnga? Ana waugu niawan Tuangnga wuṛṛu niawan allangnga, allangngu indi tawe ma'ola'a manara udde!”

MATIUS 10:25

Naṛṛinote amungkangngu sangkatou ana'a si'ol᷊a maola'a ere hurune, wuṛṛu sangkatou mangangimbe maola'a ere mawune. Amungkangngu pa'ihaguranganna su wal᷊e aranne ete nisaggo Beelzebul, lembonete lal᷊oṛṛon bal᷊ene. I mangitou sarun onggol᷊annu aranna aral᷊eoane lai!”

LUKAS 6:40

Tawe ana'a si'ol᷊a nangillembo wuassu hurune. Arawe ana'a si'ol᷊a apan nasuete si'ol᷊ane, sarun maola'a lai massul᷊ungngu hurune.

YOHANES 13:16

Mangke atonna wisara-U indi: Sangkatou allangnga tawe magewal᷊anna wuassu mawune, wuṛṛu sangkatou darol᷊oṛṛanna tawe magewal᷊anna wuassu mandarolokke.

YOHANES 15:20

Paanaunge wisara apan suete niwal᷊o-U si yamiu, ‘Allangnga tawe magewal᷊anna wuassu mawune.’ Amungkangngu i mangitou suete mamate si Ya'u, i mangitou sarun mamate si yamiu lai. Amungkangngu i mangitou tuttuṛṛutta al᷊aṛṛa-U, i mangitou sarun tumuṛṛutta al᷊aṛṛangngu lai.