MATIUS 10:2 - WUKE SUSI WATTI'U AL᷊AL᷊USASSA

² Arannu sire mapul᷊o dua rasulle eteudde: paarorone i Simon (apan isassaggo lai i Petrus) ringannu tuṛṛangnge Andreas, see i Yakobus ringannu tuṛṛangnge i Yohanes, eteudde al᷊aṛṛana'i Zebedeus.

MATIUS 10:2 Iomraidhean Croise

MATIUS 17:1

Napawe annummu allo nal᷊iute Mawu Yesus nangapiddi Petrus, i Yakobus wuṛṛu tuṛṛangnge i Yohanes, nanginsassa su sambau wuidda apan matanggakka.

MATIUS 20:20

Wua'udde awingngi Zebedeus wuṛṛu manga al᷊aṛṛanangnge nirumanta ringannu Mawu Yesus. Su saruannu Mawu Yesus i tou inumal᷊intuda ana piaddu doronganna.

MATIUS 26:37

See i Tou nangahe si Petrus wuṛṛu ruang katou ana'i Zebedeus inai su sampunna ringanni Tou. I Tou nanattakke maapendamma susa wuṛṛu sussinggawangnga.

MATIUS 4:18

Su tempo Mawu Yesus u'amatta su apannu Ranon Galilea, i Tou naasilo ruang katou samakka, eteudde i Simon (apan isassaggo lai i Petrus) ringannu tuarine i Andreas. I mangitou tantal᷊anna mannoma inassa su rano udde.

MATIUS 4:21

Mawu Yesus lapiddu inumamata, wua'udde naasilote lai ruang katou sangkatuṛṛangnga apan baine, eteudde i Yakobus wuṛṛu i Yohanes, al᷊aṛṛana'i Zebedeus. I mangitou su sampunna ringanni iamangngi mangitou mannapia soma sulal᷊ummu saalanna. Mawu Yesus namaggo si mangitou lai,

MARKUS 1:29

Mawu Yesus wuṛṛu manga mallal᷊aṛṛenggen-Ne nanantangken bal᷊em pattataṛṛamawuanna udde, wuṛṛu inaite su wal᷊en Simon wuṛṛu i Andreas. I Yakobus wuṛṛu i Yohanes inai lai su sampunna ringanni mangitou.

MARKUS 13:3

Wua'udde Mawu Yesus inaite su Wuiddu Zaitun, wuṛṛu inuma'iante su tampa uasaruanna Bal᷊e Mawu. See i Petrus, i Yakobus, i Yohanes wuṛṛu i Andreas nirumanta ringanni Tou ana maggahatto-Ne sassane.

MARKUS 6:30

Manga rasul apan suete nirolokku Mawu Yesus, wua'udde nabelengke apia, wuṛṛu naammulle ringannu Mawu Yesus. I mangitou nabal᷊o si Tou al᷊awo'a apan suete nimmanara wuṛṛu niaṛṛa'i mangitou.

LUKAS 11:49

Ana waugu udde Apapanden Ruata nabbisara, ‘I Ya'u sarun mandolokku manga nabi wuṛṛu manga ralol᷊oṛṛang-Ku ringanni mangitou; sangkawageanganna sarun pateanna wuṛṛu waine lai sarun sansaranna!’

LUKAS 22:14

Napawe na'omate tempone umanna annu Paskah udde, Mawu Yesus inuma'ianna su sampunna ringannu manga mallal᷊aṛṛenggen-Ne su sal᷊iwangnga udde.

LUKAS 22:8

Ne Mawu Yesus nandolokki Petrus wuṛṛu i Yohanes, “Roote panaddia annu Paskah si ite.”

LUKAS 5:10

Aroddi lai ringannu manga hawen Simon, eteudde i Yakobus wuṛṛu i Yohanes, al᷊aṛṛana'i Zebedeus. Mawu Yesus nabbisara si Simon, “Arie pa'ata'utta! Manattakka orassa indi i'o sarun maola'a mananoma taumata.”

LUKAS 9:10

Manga ralol᷊oṛṛannu Mawu Yesus nabelengke wuṛṛu nabbatti'e su Mawu Yesus, sarangkanambone apan suete niola'i mangitou. Mawu Yesus nangahe si mangitou see inaite su sambau, i mangitou nanginsassa watukku soa Betsaida.

YOHANES 12:22

Ne i Filipus inaite namasingkattu pandumanne udde si Andreas, wuṛṛu sal᷊immurine itarua namasingkatte Mawu Yesus.

YOHANES 13:23

Mallal᷊aṛṛenggenna apan arangnguannu Mawu Yesus ua'ianna su samba'a Mawu Yesus.

YOHANES 20:2

Ne i tou tinumal᷊angnga nadea'a si Simon Petrus wuṛṛu mallal᷊aṛṛenggenna apan arangnguannu Mawu Yesus, wuṛṛu nabbisara si mangitou, “Mawu suete nial᷊appa wuassu lal᷊abinganna, wuṛṛu i ya'u wagga suapa i Tou niapal᷊allowanga.”

YOHANES 21:2

Su sambau allo i Simon Petrus, i Tomas apan isassago lai i Ṛindua, i Natanael wuassu Kana su Galilea, al᷊aṛṛana'i Zebedeus, wuṛṛu ruang katou mallal᷊aṛṛenggennu Mawu Yesus apan waine tantal᷊anna uaammulla.

YOHANES 21:20

Su tempo i Petrus nanaile, i tou naasilo su liudde mallal᷊aṛṛenggenna apan arangnguannu Mawu Yesus. (Ete i tou ua'ianna marani Mawu Yesus su tempo u'anna wuṛṛu naiwal᷊o si Tou, “Mawu, isai apan sarun mamate Mawu?”)

YOHANES 21:24

I Yohanes apan nangonggolu tatiala su ola'u manga riadianna indi. Ete i tou lai suete namoṛṛeta. Wuṛṛu i ite masingkatta manungku apa apan niapaasingkatti tou udde atonna.

YOHANES 6:67

See Mawu Yesus naiwal᷊o su sire mapul᷊o dua mallal᷊aṛṛenggen-Ne, “Apa i yamiu ma'apulu lai manantang-Ku?”

YOHANES 6:70

Mawu Yesus sinumimbakka, “Wal᷊inewe i Ya'u apan namile si yamiu mapul᷊o dua indi? Arawe sangkatou wuassu wallatti yamiu eteudde ghaṛṛaho lal᷊eo!”

YOHANES 6:71

Apan su pandumannu Mawu Yesus eteudde i Yudas ana'i Simon Iskariot. Ana waugu salaiwe i Yudas sangkatou wuassu sire mapul᷊o dua mallal᷊aṛṛenggennu Mawu Yesus, ete i tou apan namate Mawu Yesus.

YOHANES 6:8

Sangkatou mallal᷊aṛṛenggennu Mawu Yesus apan baine eteudde i Andreas, tuṛṛangngi Simon Petrus nabbisara,

WATTI'U MANGA RASUL 1:13

Su Yerusalem i mangitou inaite watukku wal᷊e su tampa i mangitou mattindaho, see nirumanganna su wabbo'a ṛengkenne al᷊iurosone. Manga rasul eteudde i Petrus wuṛṛu i Yohanes, i Yakobus wuṛṛu i Andreas, i Filipus wuṛṛu i Tomas, i Bartolomeus wuṛṛu i Matius, i Yakobus ana'i Alfeus, i Simon Patriot wuṛṛu i Yudas ana'i Yakobus;

WATTI'U MANGA RASUL 1:26

Wua'udde aranna darua udde niundi, see niata'eanne eteudde Matias. Nariaddi i tou netenega maola'a rasul mammanara su sambau ringannu sire mapul᷊o assa rasul waine.

WATTI'U MANGA RASUL 12:2

Wuassu parentane, i Yakobus tuṛṛangngi Yohanes nipaten hal᷊ele.

WATTI'U MANGA RASUL 3:1

Su sambau allo i Petrus wuṛṛu i Yohanes inai su Wal᷊e Mawu su puulla tatallu wawallo, eteudde orassa umal᷊iomanna.

1 KORINTUS 15:7

Wua'udde Kristus naipasilon batangan-Ne lai si Yakobus wuṛṛu wua'udde su anambon manga rasul.

EFESUS 4:11

Ete i Tou apan “nangonggolu manga aonggola su taumata”; sangkawageanganna nitenega naola'a rasul, waine naola'a nabi; wuṛṛu waine lai naola'a mamamasingkatu Watti'u Al᷊al᷊uassa udde, wuṛṛu waine lai netenega naola'a manga huru wuṛṛu mamamadul᷊i jamaatta.

IBRANI 3:1

Manga tuṛṛangnga sansul᷊ungnga Saṛṛani apan suete niwagoannu Ruata lai! Annama'a ṛingiṛṛa'a paalal᷊umma su ola'u Mawu Yesus indi! Ruata nandolokki Tou sassane maola'a Imam Wahewa sulal᷊ummu agama apan pangngimananni ite.

1 PETRUS 1:1

Manga tuṛṛangnga walahanna nipilen Duata, apan uasal᷊iawukka su anambon banua su leta'u Pontus, Galatia, Kapadokia, Asia wuṛṛu Bitinia! I ya'u, Petrus, rasulli Yesus Kristus, mangngantimma doronganna Ruata mangonggolu al᷊amatta wuṛṛu paddarame si yamiu ringannu manambo-nambo. I yamiu nipile maola'a al᷊aṛṛana'u Ruata uasul᷊ungngu ere pandumannu Ruata Iamangnga. Wuṛṛu Ghaṛṛahon Duata suete na'ola'a si yamiu walahanna apan na'ukkassa, tumba'u su Ruata, tadea'u i yamiu matuṛṛuta su Mawu Yesus Kristus wuṛṛu niukkassu ṛaṛṛa-Ne.

2 PETRUS 1:1

Manga tuṛṛangnga apan atonna-tonna mangngimanna ere i yami! Yesus Kristus, eteuddde Ruata wuṛṛu Ratun Punnu Sal᷊amatti ite, namalan kite mangngimanna si Tou, ana waugu i Tou pia paa'ola'a apan su ṛinone. Suratta indi wuassi Simon Petrus, sangkatou allangnga wuṛṛu rasullu Mawu Yesus Kristus.

2 YOHANES 1:1

Su Inangnga apan suete nipilen Duata, wuṛṛu su manga al᷊aṛṛana'u Inangnga. Suratta indi wuassi ya'u, piaṛṛa'u jamaatta apan atonna-tonna marangngu si yamiu. Wal᷊ine tumba'u i ya'u, arawe anambon taumata apan maaillal᷊a Ruata apan naṛṛino, marangngu si yamiu lai.

3 YOHANES 1:1

Tuṛṛanga Gayus apan arangnguanna! I ya'u piaṛṛa'u jamaatta, apan atonna-tonna mandangngu si'o,

SONDAPPA 1:1

Lal᷊oṛṛon wuke indi mabatti'a su ola'u apa apan suete niapaal᷊iatta'u Mawu Yesus su ola'u manga arariaddianna apan sarun mariaddi. Ruata namasingkata Mawu Yesus tadea'u i Tou mamasingkata su manga allangngu Ruata, apa apan ṛinone mal᷊ihakke mariaddi. Kristus nandolokku mala'ekan-Ne si Yohanes, allang-Nge, iapapasingkatu manga arariaddianna udde si tou.

SONDAPPA 1:9

I ya'u Yohanes, tuṛṛangu apan mal᷊uassa wuṛṛu massusa suadio'a ringanni yamiu sulal᷊ummu asasusa apan naṛṛia'a su mallal᷊aṛṛenggenni Kristus. I ite masabare matataṛṛanga ana waugu walahanna pussa'a-Ne. I ya'u niramme su Patmos ana waugu i ya'u mammasingkatu tanatan Ruata, apan tinohassu Mawu Yesus sulal᷊ummu tiala-Ne.

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!

SONDAPPA 22:8

I ya'u Yohanes, suete naaringikka wuṛṛu naasilo sarangkanambone indi. Napawe i ya'u suete naaringikka wuṛṛu naasilo udde, i ya'u inumaruutta su saruannu mala'ekatta apan suete namantingiddu sarangkanambone udde si ya'u, wuṛṛu i ya'u ṛinone massubba si tou,