MATIUS 1:25 - WUKE SUSI WATTI'U AL᷊AL᷊USASSA

²⁵ Arawe tantal᷊anna Maria taambe nangunsiwen ana'a udde, Yusuf taambe naammulli Maria. Wuṛṛu napawe ana'a udde nasungkangke, i Yusuf nanaggoten ana'a udde Yesus.

MATIUS 1:25 Iomraidhean Croise

2 SAMUEL 6:23

I Mikhal, sinangianni Saul udde tawe naasomba ana'a su al᷊o'engngu pabbiaṛṛanne.

SASABANGNGA 22:29

Su tempo apan nitantunna, pangonggolen sasamba si Ya'u sambageanganna wuassu hessin gandumma, ua'en anggore wuṛṛu lanan zaitunni yamiu. Tantil᷊a'e si Ya'u manga anangngu esakka pahul᷊u,

MATIUS 1:21

I Maria sarun mangunsiwen sangkatou ana'a esakka. I'o sarun managgon arannu ana'a udde Yesus, ana waugu I tou sarun manal᷊amatta al᷊aṛṛanang-Nge wuassu rosa mangitou.”

MATIUS 1:24

Napawe i Yusuf napu'ote, i tou tinumuṛṛutte su ereapa apan suete niwatti'u mala'ekattu Mawu si tou. I tou naawingke Maria.

LUKAS 1:31

I'o sarun pia illoṛṛo wuṛṛu mangunsiwen sangkatou ana'a apan sarun isagonu aranne i Yesus.

LUKAS 2:21

Napawe uukke ual᷊ute allo, ana'a udde nissunatte. Wuṛṛu aranne nissagote mangitou Yesus, aranna apan suete nionggolu mala'ekatta si Tou tantal᷊anna i Tou ta'e su illoṛṛon inangnge-Ne.

LUKAS 2:7

I tou nangunsiweten sangkatou ana'a esakka, anangnge pahul᷊u. Ana'a udde nioosannu laṛṛeme, see niapaatiilla su tampan aananannu winatangnga niampaṛṛannu laṛṛami; ana waugu i mangitou niasueannu tampa pattindahoanna.

ROMA 8:29

I mangitou lai suete nipilen Duata, wuṛṛu buatte nitantuna lai wuassu paarorone maola'a massul᷊ungngu Anang-Nge, eteudde Yesus Kristus. Ringannu aroddi Anang-Nge naola'a paarorone su wallattu anambon manga tuṛṛangnga.