MATIUS 1:20 - WUKE SUSI WATTI'U AL᷊AL᷊USASSA

²⁰ Tantal᷊anna i Yusuf maṛṛingiddu olangnge udde, i tou nabal᷊iawa. Sulal᷊ummu bal᷊iawane udde, i tou naasilo sangkatou mala'ekattu Mawu nabbisara si tou, “i Yusuf, papapulunni Daud, arie pa'ata'utta ma'awingngi i Maria; ana waugu ana'a apan sulal᷊ummu illoṛṛone udde nariaddi wuassu taṛṛinon Ghaṛṛaho Duata.

MATIUS 1:20 Iomraidhean Croise

PANDARIADDI 31:11

Wuṛṛu Ruata ringannu lihiddu mala'ekatta nabbisara si ya'u sulal᷊ummu wal᷊iawa udde, wisarane, ‘I Yakub!’ I ya'u sinumimbakka, ‘Ore’.

PANDARIADDI 46:3

“I Ya'u Ruata, Ruata apan sassubbannu iamangngu,” wisara-Ne. “Arie pa'ata'utta inai watukku Mesir. I Ya'u sarun mandiadi papapulunnu balahanna apan bahewalla poiaroddi.

1 MARARATU 17:13

“Arie passinggawanga, Inangnga!” unni Elia si tou, “Pa'ola'e anna Inangnga hunan Inangnga wuṛṛu ana'u Inangnga. Arawe pa'ola'e asuene sambau roti addio'a wuassu taponna wuṛṛu lana udde, wuṛṛu apira'e inawarendi.

1 MARARATU 3:5

Rabbi udde Mawu naipasilon batangan-Ne si tou sulal᷊ummu waliawa wuṛṛu nabbisara, “Salomo, paddorongke apa apan ipaapulunu, iddi sarun Ta'u ionggila si'o!”

DARALO 119:125

I ya'u allang-Ngu, olaawe i ya'u maasunna, tadea'u i ya'u maasunna parenta-Nu.

DARALO 143:8

Suapan marua allo i ya'u paanaungaawe darangngu-Nu, ana waugu ete Si'o i ya'u uaantimma. Pantingiraawe si ya'u lal᷊anna apan ta'u amatanna, ana waugu ete Si'o i ya'u umal᷊iomanna.

DARALO 94:19

Napawe naungku matta'utta wuṛṛu sussinggawanga, I'o nallimbatta si ya'u wuṛṛu nalluassa si ya'u.

AMSAL 12:5

Taumata matul᷊idda maṛṛingiddu apa mapia; taumata lal᷊eo mangngumpangngu pangangawusu.

YESAYA 26:3

Mawu, I'o nangonggollu paddarame wuṛṛu lal᷊umanna'a su taumata apan naungnge matammudda, ana waugu i tou mangngimanna Si'o.

YESAYA 30:21

Amungkangngu i yamiu sumewadda wuassu lal᷊anna, su liuddu sarun aringiṛṛanna tingik-Ke apan mabbisara, “Eteindi lal᷊anne; amatte su lal᷊anna indi.”

YESAYA 51:7

Paddaringikke si Ya'u, ei pabbawala-Ku, i yamiu masingkattu apa apan naṛṛino; al᷊aṛṛa-U sasahipunanna sulal᷊ummu naungngu. Arie paata'utta amungkangngu i yamiu eetannu taumata, arie passinggawanga amungkangngu i yamiu al᷊uandahanni mangitou.

YESAYA 7:13

Ana see i Nabi Yesaya nabbisara, “Amungkangngu aroddi, paddaringikke ei papapulunni Ratu Daud! Tawe natimu i yamiu mannal᷊u'atta asasabbaren taumata, ma'oman sara i yamiu mannal᷊u'atta lai asasabbaren Duata'u?

YESAYA 7:2

Napawe ratun Yehuda naaringikka manungku tantaran Siria sinumuttate su wageangngu Israel narambauten Israel, i tou wuṛṛu pabbawalage mangke matta'utta, na'oman sara i mangitou mangngiladda naal᷊ihidda punnu alu apan ia'io'u anginna.

YEREMIA 31:22

Maddatingngu tingngera i'o tawe homago'a, ei walahanna apan mal᷊awangnga si Ya'u? I Ya'u buatte nandiaddi manga apa apan wakku su runia, sambau apan maaṛindu'a – ma'atiangnga ere wawine uariaga esakka.”

YEREMIA 33:26

aroddi lai Ya'u sarun sidutu uaaggassa pa'aire-U ringannu papulunni Yakub wuṛṛu ringannu allang-Ku Daud. Sangkatou wuassu papapulunni Daud sarun Ta'u pileanna mamarenta papapulunni Abraham, Ishak, wuṛṛu Yakub. I Ya'u sarun umakkannu uma-U, wuṛṛu ma'ola'a si mangitou su lal᷊umanna'a apia.”

YEREMIA 40:9

I Gedalya nabbisara si mangitou, “I yamiu arie paata'utta massuṛṛubawa su taumatan Babel. Atana'e su wanuan kite indi, wuṛṛu maola'e allangngu ratun Babel. Ia'ute mallu'adda asasal᷊amatti yamiu.

YOEL 2:28

“Wua'udde sal᷊immurine anambon taumata sarun Ta'u onggol᷊annu ghaṛṛaho-U. Ne manga anangngu umbasanna maṛṛuala sarun mamasingkattu manga tanata-U; manga matatimmade suwallannu sarun maasomba wal᷊iawa sodappa sarun ionggolla su manga umbasanna maṛṛuala.

REENGANNA 12:6

wuṛṛu Mawu nabbisara, “Paddaringikke manga wisara-U indi! Amungkangngu suwallati yamiu pia sangkatou nabi, i Ya'u mapal᷊iatta'u watangang-Ku si tou sulal᷊ummu manga aellega, wuṛṛu maggahatton tou sulal᷊ummu wal᷊iawa.

MATIUS 1:18

Ereindi watti'a su ola'u asasungkangngu Mawu Yesus Kristus. Inangnge eteudde i Maria, uatatunangan Yusuf. Arawe su tempo i mangitou taambe naawingnga, niasingkatanna Maria piate illoṛṛo. (I Yusuf ta'e waga manungku Maria piate illoṛṛo ana waugu taṛṛinon Ghaṛṛaho Ruata.)

MATIUS 2:12

Ruata napanaungnga si mangitou sulal᷊ummu wal᷊iawa tadea'u imbaṛṛangnga i mangitou mabelengnga ringanni Herodes. Nariaddi i mangitou napul᷊ete niumamatta su lal᷊anna waine.

MATIUS 2:13

Napawe manga mapapanden anumpitanna udde napul᷊ete, mala'ekattu Mawu naipasilon batangane si Yusuf sulal᷊ummu wal᷊iawa. Mala'ekatta udde nabbisara, “I Herodes pia pandumma madea'a ana'a udde pateanni tou. Ana waugu udde apu'ote, apira'e ana'a udde ringannu inangnge tal᷊anga'e watukku Mesir. Atana'e poiaroddi ma'oman sara i ya'u mabbal᷊o si'o apia.”

MATIUS 2:19

Napawe i Herodes natete, tantal᷊anna i Yusuf ta'e su Mesir sangkatou mala'ekattu Mawu naipasilom batanganne si Yusuf sulal᷊ummu wal᷊iawa.

MATIUS 2:22

Arawe wua'udde i Yusuf naaringikka manungku i Arkelaus, ana'i Herodes nallol᷊ossa iamangnge maola'a ratu su wanua Yudea. Nariaddi i Yusuf matta'utta inai poiaroddi. Napawe i tou suete naasomba tul᷊adda Mawu panginsueanne sulal᷊ummu wal᷊iawa, i tou inaite su wageangngu leta'u Galilea.

MATIUS 27:19

Su tempo i Pilatus tantal᷊anna ua'ianna su wal᷊em pamarikisanna, awingnge nananata si tou ereindi, “Arie i'o lumal᷊o'a su hatton taumata apan tawe sal᷊ane udde, ana waugu ete i Tou, i ya'u niwal᷊iawannu wal᷊iawa apan maata'utta allo indi.”

MATIUS 28:5

Mala'ekatta udde nabbisara manga wawine udde, “Arie pa'ata'utta! I Ya'u masingkatta i yamiu maddea'a Mawu Yesus apan suete niarussa udde.

LUKAS 1:19

Mala'ekatta udde sinumimbakka, “I ya'u indi Gabriel. I ya'u mangngimbe Ruata wuṛṛu ete i Tou nandolo'u mamasingkattu watti'a mapia indi si'o.

LUKAS 2:4

I Yusuf inaite wuassu Nazaret su Galilea, watukku Betlehem su Yudea, su soa inasungkanganni Ratu Daud; ana waugu i Yusuf wuassu papapulunni Daud.

WATTI'U MANGA RASUL 5:19

Arawe ṛabbine, sangkatou mala'ekattu Mawu namu'a manga ngaran tuttupanna, see nangapiddu manga rasul udde sinumabangnga. Mala'ekatta udde nabbisara su manga rasul,

SONDAPPA 19:7

Wette i ite lumala'a wuṛṛu lumuassa; wette i ite maddalo awawantu-Ge! Ana waugu nia'omante allong kawingnga apan uaaggasa arannu Ana'u Domba udde, wuṛṛu pare-Ne nasaddiate iawingnga si Tou.

MAL᷊AṚṚUUNGNGA 13:3

Arawe su allo sambau mala'ekattu Mawu naipasilon batanganne si tou wuṛṛu nabbisara, “Al᷊annunete indi i'o tawe naasomba ana'a, arawe tate mal᷊annu lai i'o sarun piate illoṛo, wuṛṛu maasomba sangkatou ana'a esakka.