MATIUS 1:19 - WUKE SUSI WATTI'U AL᷊AL᷊USASSA

¹⁹ I Yusuf, tunangane udde, eteudde sangkatou apan sidutu tuttuṛṛutta titan agama. Nariaddi i tou mappulute mamassutta patatunangan tarua, arawe ringannu mal᷊anna-l᷊annaba, tadea'u i Maria tawe masili su saruannu awadaalla.

MATIUS 1:19 Iomraidhean Croise

PANDARIADDI 38:24

Iraṛṛangngo tallu wul᷊ana wua'udde i Yehuda naaringikka watti'a manungku i Tamar mananambone buatte nail᷊al᷊ihidda wawine masandaga wuṛṛu piate illoṛṛo. Ana see i Yehuda mamarenta, “Al᷊appe i tou wuṛṛu tambuna'e ma'oman sara mate!”

PANDARIADDI 6:9

Ete indi watti'u pinabbiaṛṛanni Nuh. I tou pia ana'a esakka siri tallu, eteudde i Sem, i Yafet wuṛṛu i Ham. I Nuh tawe na'ola'a pasasal᷊a, wuṛṛu ete i tou sangkatou su wallatu taumata apan ma'ola'a apapia su tempo udde. I tou mabbiakka uaaukka ringannu Ruata.

IMAMATTA 19:20

Amungkangngu pia sangkatou esakka naddiandi sarun mabbal᷊u'u allangnge wawine udde su esakka waine maola'a sawane aruane, wuṛṛu taumata apan ma'apulu mamalli allangnga udde taambe namaekka, ana see tatahuanne apan paarorone natatamba allangnga udde, itarua ṛinone iṛṛuumanna, arawe tawe wotongnge pateanna, ana waugu salaiwe ereapa wawine udde ta'e allangnge.

IMAMATTA 20:10

Amungkangngu sangkatou Israel sinumandaga ringannu awingngu taumata sambalahanne, i tou wuṛṛu wawine udde ṛinone iṛṛuumanna pateanna.

MARKUS 10:4

“I Musa namalan taumata manindo awingnge, sambal᷊iate mamoṛṛettu surattu sindo rorone,” sasimbakki mangitou.

MARKUS 6:20

Ana waugu i Herodes suete nandolokku taumata niapariaga mapia-pia asasal᷊amatti Yohanes su tuttupanna, ana waugu i tou matta'utti Yohanes. I tou masingkatta manungku i Yohanes sangkatou taumata mapia apan suete nirolokku Ruata. Wuṛṛu atonna amungkangngu i Yohanes mabbisara, i Herodes mal᷊utu madaringikka si tou, salaiwe i tou sussinggawangnga atonna ana waugu Yohanes.

LUKAS 2:25

Tempo udde su Yerusalem pia sangkatou taumata aranne Simeon. I tou taumata mapia, apan matta'uttu Ruata wuṛṛu tantal᷊anna uaraṛṛaddo tempone Ruata manal᷊amatta Israel. Ghaṛṛahon Ruata uaṛṛundinganna si tou,

WATTI'U MANGA RASUL 10:22

I mangitou sinumimbakka, “Apitenna Kornelius nandolokki yami isindi. I tou sangkatou taumata mapia wuṛṛu matta'uttu Ruata, wuṛṛu lembon aaddatannu anambon taumatan Yahudi. Sangkatou mala'ekattu Ruata nandolokki tou madorongnga i Tuangnga rumanta su wal᷊ene, ana waugu maola'a ere sambau sasimbakku aal᷊iomanne, i tou nirolokka madaringikka apa apan iapaasingkatti Tuangnga si tou.”

WATTI'U MANGA RASUL 27:39

Napawe allote, mammamanaranna apalla naasilote ammaranne, arawe i mangitou wagga ammarannu apa udde. I mangitou naasilo sambau tongokke ringannu apanne. Nariaddi i mangitou mappandumma amungkangngu wotongnge i mangitou mabal᷊ango isudde.

2 KORINTUS 1:15

Ana waugu ete pangangimanna udde i ya'u paarorone maapulu mattembo si yamiu tadea'u i yamiu maasomba al᷊amatta paarua anambone.

TAHIUL᷊E 22:20

Arawe unnu wisara aansilla udde atonna wuṛṛu tawe tatialane manungku awingnge udde ta'e perawanna su tempo na'awingnga,