MATIUS 1:1 - WUKE SUSI WATTI'U AL᷊AL᷊USASSA

¹ Ete indi arannu iupungngu al᷊amona Mawu Yesus Kristus, papapulunni Daud, papapulunni Abraham. Wuassi Abraham na'oman sara i Daud, arannu manga iupungngu al᷊amona Mawu Yesus Kristus ereindi:

MATIUS 1:1 Iomraidhean Croise

PANDARIADDI 12:3

I ya'u sarun mangal᷊amatta manga taumata apan mangngal᷊amatta si'o wuṛṛu mamontoga manga taumata apan mammontoga si'o. Wuṛṛu ana waugu i'o I ya'u sarun mangal᷊amatta anambon balahanna su runia.”

PANDARIADDI 2:4

Eteudde watti'u pandariaddi ul᷊il᷊im pati'uppa. Su tempo Ruata na'ola'a ul᷊il᷊in pati'uppa,

PANDARIADDI 22:18

Anambon balahanna su runia sarun sumal᷊ande si Ya'u tadea'u i Ya'u mangal᷊amatta si mangitou su ereapa i Ya'u nangal᷊amatta papapulunnu – ana waugu i'o buatte tinumuṛṛutta parenta-U.”

PANDARIADDI 5:1

Ete indi manga arannu papapulunni Adam. (Su tempo Ruata nandiaddi taumata, i Tou na'ola'a si mangitou ere lihiddu Ruata sassane.

DARALO 132:11

Mawu buatte nassalu si Daud; i Tou tawe massinaaddu paaire-Ne. Wisara-Ne, “Sangkatou anangngu sarun Ta'u itenega ratu iapaparenta mallol᷊ossa si'o.

DARALO 89:3

Ana waugu i ya'u masingkatta darangngu-Nu tawe panginsueanne, apapia-Nu matohassa ere langitta.

DARALO 89:36

Paassa saran mal᷊annu-l᷊annu i Ya'u massalu ringannu arang-Ku apan susi; i Ya'u tawe mamahia si Daud.

YESAYA 11:1

Pallaṛṛiten Ratu Daud ere alu apan buatte nituwangnga. Arawe su ereapa wuassu tuidde tinumuwo solla wakku, aroddi lai wuassu pallaṛṛiten Daud sarun sumabbangnga sangkatou ratu.

YESAYA 53:8

I tou nitaṛṛanganna wuṛṛu niparikisanna, ana see niapidda wuṛṛu niṛṛuumanna pateanna. Taweddu na'ellega nasimme; i tou nate ana waugu rosan walahanni ite.

YEREMIA 23:5

Mawu nabbisara, “Sarun a'omanna tempone, i Ya'u sarun manenegu sangkatou ratu apan matul᷊idda wuassu papapulunni Daud. Ratu udde sarun mamarenta ringannu masiṛṛongnga, wuṛṛu mapaamattu atatul᷊idda wuṛṛu atonna su ahewallu wanua.

YEREMIA 33:26

aroddi lai Ya'u sarun sidutu uaaggassa pa'aire-U ringannu papulunni Yakub wuṛṛu ringannu allang-Ku Daud. Sangkatou wuassu papapulunni Daud sarun Ta'u pileanna mamarenta papapulunni Abraham, Ishak, wuṛṛu Yakub. I Ya'u sarun umakkannu uma-U, wuṛṛu ma'ola'a si mangitou su lal᷊umanna'a apia.”

AMOS 9:11

Mawu nabbisara, “Sarun a'omanna tempone i Ya'u manul᷊en araratuanni Daud. Orassa indi araratuanna udde nabbal᷊ite ere wal᷊en apan naṛṛa'a. Arawe manga darandungnge sarun Ta'u apianna wuṛṛu iapararisikka apia ma'oman sara mabbal᷊i ere paarorone.

ZAKARIA 12:8

Su allo udde i Ya'u sarun mallu'adda tumana'u Yerusalem; wuṛṛu iapa al᷊omeanne lai suwallatti mangitou sarun maola'a ere atohassi Daud. I mangitou sarun ehetannu papapulunni Daud ere lai mala'eka-U, ewe'e lai ere i Ya'u sassane.

MATIUS 1:18

Ereindi watti'a su ola'u asasungkangngu Mawu Yesus Kristus. Inangnge eteudde i Maria, uatatunangan Yusuf. Arawe su tempo i mangitou taambe naawingnga, niasingkatanna Maria piate illoṛṛo. (I Yusuf ta'e waga manungku Maria piate illoṛṛo ana waugu taṛṛinon Ghaṛṛaho Ruata.)

MATIUS 1:2

i Abraham, i Ishak, i Yakub, i Yehuda wuṛṛu manga tuṛṛangnge, i Peres wuṛṛu i Zerah (inangngi mangitou aranne i Tamar), i Hezron, i Ram, i Aminadab, i Nahason, i Salmon, i Boas (inangnge i Rahab), i Obed (inangnge eteudde i Rut), i Isai, wuṛṛu i Ratu Daud.

MATIUS 15:22

Sangkatou wawinen Kanaan wuassu wageangngu leta'a udde, nirumanta ringannu Mawu Yesus, lapiddu u'ui, “Ana'i Daud, akkana'a i ya'u! Ana'u wawine, niasuttannu ghaṛṛaho lal᷊eo. Raddangnge masadatta atonna.”

MATIUS 3:16

Napawe suete nissaṛṛani, Mawu Yesus mal᷊iha-l᷊ihakka sinumapputta wuassu ua'en sal᷊ukka udde. Inaṛṛombanganne langitta nawu'a wuṛṛu Mawu Yesus naasilo Ghaṛṛahon Ruata niumonto'a ere manu'a merpati niumarunna si Tou.

MATIUS 9:27

Mawu Yesus nanantangken tampa udde wuṛṛu su tangngan dal᷊anna pia ruang katou wuta uatantalongnga si Tou. Itarua mangngintul᷊i, “Ana'i Daud, akkanaawe i yami!”

LUKAS 1:33

Wuṛṛu i Tou sarun mamarenta ere sangkatou ratu wuassu papapulunni Yakub saran mal᷊annu-l᷊annu. Araratuan-Ne tawe panginsueanne.”

YOHANES 7:42

Sulal᷊ummu Wuke Susi uawoṛṛetta manungku Ratum Punnu Sal᷊amatta udde sinossoṛṛanne wuassi Daud wuṛṛu sarun dumanta wuassu Betlehem, eteudde soa atatanaanni Daud.”

WATTI'U MANGA RASUL 2:30

Ruata suete na'ire si Daud, ringannu sasalu, manungku sangkatou wuassu wallattu papapulunne sarun itenegu Ruata maola'a ratu. Ana waugu Daud masingkattu paaire udde wuṛṛu ana waugu i tou lai sangkatou nabi,

ROMA 1:3

Watti'u Al᷊al᷊uassa udde mabbatti'u Ana'u Ruata, eteudde Mawun kite Yesus Kristus. Su ola'u saṛṛene ere taumata, i Tou walahanni Daud,

ROMA 4:13

Ruata na'ire si Abraham wuṛṛu walahanne manungku runia indi sarun maola'a pussa'an Abraham. Ruata na'ire aroddi wal᷊ine ana waugu Abraham matuṛṛutta titan agama Yahudi, arawe ana waugu i tou mangngimanna Ruata na'oman sara i tou tinarimmattu Ruata maola'a sangkatou taumata apan maal᷊uassa naung-Nge.

ROMA 9:5

Ete i mangitou udde papapulunna wuassu iupungngu al᷊amonan kite. Kristus su olangnge ere sangkatou taumata wuassu walahanni mangitou. I Tou lembon atanggaṛṛanne wuassu sarangkanambone. Paddalote Ruata sarangkal᷊o'engnge! Amin.

GALATIA 3:16

Manga paaire Ruata niola'u Ruata si Abraham wuṛṛu lai hunane su taumata papapulunni Abraham. Sulal᷊ummu Wuke Susi tawe uawoṛṛetta “wuṛṛu su manga taumata pappapulunni Abraham”, atappasanne eteudde anambon taumata. Apan uawoṛṛetta isudde eteudde “wuṛṛu hunane su taumata papapulunnu”, atappasanne tumba'u sangkatou, eteudde Kristus.

1 TIMOTIUS 2:5

Ana waugu, tumba'u pia sambau Ruata, wuṛṛu tumba'u sangkatou mananangngan Duata wuṛṛu taumata, eteudde Kristus Yesus.

2 TIMOTIUS 2:8

Naungete indi: Watti'u Al᷊al᷊uassa apan ta'u niapaasingkata udde, eteudde watti'a su ola'i Yesus Kristus, papapulunni Daud; ete i Tou Kristus apan nabbiakka apia wuassu papate.

SONDAPPA 22:16

“I Ya'u, Mawu Yesus, suete nandolokku malaeka-U si yamiu tadea'u i tou mamasingkatu manga olangnge indi su manga jamaatta. I Ya'u indi papapulunni Daud; ete i Ya'u aṛṛusuallo apan masemakka udde.”