MARKUS 8:11 - WUKE SUSI WATTI'U AL᷊AL᷊USASSA

¹¹ Siri pira taumatan Farisi nirumanta ringannu Mawu Yesus, wuṛṛu nanattakke uasasimbakka ringanni Tou ana maddea'a mapaasal᷊an i Tou. I mangitou madorongnga Mawu Yesus ma'ola'a al᷊aṛṛindu'a, maola'a sambau tatiala manungku i Tou nirumanta wuassu Ruata.

MARKUS 8:11 Iomraidhean Croise

SASABANGNGA 17:2

Ana see i mangitou sussawutulle si Musa wuṛṛu nabbisara, “Yami onggol᷊ewen ua'e pa'inumanna.” I Musa sinumimbakka, “Anio i yamiu sussawutulla wuṛṛu mannal᷊u'atta Mawu?”

SASABANGNGA 17:7

Tampa udde nisaggo Masa ana waugu ete su tampa udde taumatan Israel nanal᷊u'atta Mawu su tempo i mangitou naiwal᷊o, “Tanne Mawu uarundinganna si ite ara'e tawe?” Tampa udde lai isassago Meriba ana waugu su tampa udde taumatan Israel sussawutulla.

MALEAKHI 3:15

I ite maasilo sassane manungku manga taumata mawunga su lal᷊umanna'a. Taumata lal᷊eo tawe tumba'u mabbiakka su al᷊al᷊uassa, arawe amungkangngu i mangitou manal᷊u'atta asasabaren Duata ringannu ma'ola'a al᷊al᷊eo, i mangitou nal᷊iu lai.’ ”

MATIUS 12:38

Wua'udde manga pira hurun agama wuṛṛu manga taumatan Farisi nabbisara, “Iamangnga Huru, i yami ma'apulu ma'ellega Iamangnga Huru ma'ola'a al᷊aṛṛindu'a.”

MATIUS 19:3

See manga taumatan Farisi nirumanta madea'a sal᷊a-Ne. I mangitou naiwal᷊o, “Tumuṛṛuttu titan agamang kite, wotongnge taumata masasindon awingnge ringannu tawe pinangiananne?”

MATIUS 21:23

Wua'udde Mawu Yesus nabelengke su Wal᷊e Mawu see sinumuttate wuṛṛu mangngaṛṛa'e isudde. Su tempo i Tou mangngaṛṛa'a, manga imam tembonanne wuṛṛu manga piaṛṛa'u Yahudi nirumanta ringanni Tou wuṛṛu naiwal᷊o, “Apa pinangiananne na'oman sara I'o ma'ola'a sarangkanambone indi? Isai nangonggolu taṛṛino udde Si'o?”

MATIUS 22:15

Wua'udde manga taumatan Farisi inaite ma'ire su sampunna su ola'u ereapa i mangitou wotongnge mapaasal᷊a Mawu Yesus ringannu manga aiwal᷊o.

MATIUS 22:18

Mawu Yesus masingkattu pandumanni mangitou apan dal᷊eo udde, aroddi i Tou nabbisara, “Ei, manga taumata lilangkamal᷊e'a! Anio i yamiu maapulu madea'a sal᷊a'u?

MATIUS 22:23

Su allo udde lai, manga pira taumatan Saduki nirumanta ringannu Mawu Yesus. I mangitou udde wageangngu taumata apan pia adapanne manungku taumata nate tawe mabiakka apia.

MARKUS 12:15

Mawu Yesus naasingkatta lilangkamal᷊e'i mangitou. I tou sinumimbakka, “Anio i yamiu maddea'a mappaasal᷊a-U? Annama'a paelleha'a si Ya'u sambau roitta sal᷊a'a.”

MARKUS 2:16

Sire pira hurun agama wuassu wallattu taumatan Farisi naasilo Mawu Yesus u'anna su sampunna ringannu manga madarorongnga wose wuṛṛu manga taumata lal᷊eo. Nariaddi i mangitou na'iwal᷊o su mallal᷊aṛṛenggennu Mawu Yesus, “Anio hurunu u'anna su sampunna ringannu madarorongnga wose wuṛṛu manga taumata apan lal᷊eo udde?”

MARKUS 9:16

“Apa ipattatiakki yamiu ringannu manga hurun agama udde?” aiwal᷊o Mawu Yesus su mallal᷊aṛṛenggen-Ne.

LUKAS 10:25

Wua'udde sangkatou hurun agama nirumanta maddea'a mapaasal᷊a Mawu Yesus. I tou naiwal᷊o, “Iamangnga Huru, apa sarun ta'u manaranna tadea'u wotongnge maasengkamma wiakka tutune wuṛṛu mal᷊annu-l᷊annu?”

LUKAS 11:16

Piaddu lai manga sire pira taumata waine maddea'a mapaasal᷊a Mawu Yesus, aroddi i mangitou madorongnga i Tou ma'ola'a sambau al᷊aṛṛindu'a maola'a sambau tatiala manungku i Tou atonna-tonna nirumanta wuassu Ruata.

YOHANES 4:48

Mawu Yesus nabbisara su mammamanaran tembonanne udde, “Amungkangngu i yamiu tawe maasilo manga al᷊aṛṛindu'a, i yamiu tawe mangngimanna.”

YOHANES 6:30

“Amungkangngu aroddi,” unni mangitou, “tatiala apa apan ionggolli Iamangnga tadea'u i yami maasilo wuṛṛu mangngimanna Iamangnga? Apa apan sarun olaannu Iamangnga?

YOHANES 7:48

“Apa wuassu manga tembonanni ite wuṛṛu manga taumatan Farisi piaddu mangngimanna si Tou?

YOHANES 8:6

I mangitou naiwal᷊o aroddi maddea'a pasasal᷊a-Ne, tadea'u i mangitou wotongnge mapaasal᷊an Tou. Arawe Mawu Yesus inumaruutta wuṛṛu mamoṛṛettu tal᷊imado-Ne su leta'a.

WATTI'U MANGA RASUL 5:9

See i Petrus nabbisara si tou, “Anio i'o wuṛṛu awingngu na'ire mannal᷊u'atta Ghaṛṛahon Ruata? Padaringika! Manga taumata apan nallabingngu awingngu nabelengke. I mangitou sarun mangapiddu lai su liudde.”

1 KORINTUS 10:9

I ite tawe wotongnge maannamma Mawu ere buatte niola'u sangkawageanganna wuassi mangitou rorone, na'oman sara i mangitou nate nipul᷊issu atoana mawisa.

TAHIUL᷊E 6:16

Imbaṛṛangnga manal᷊u'atta Mawu Ruatanu ere buatte niola'i yamiu su Masa.