MARKUS 7:5 - WUKE SUSI WATTI'U AL᷊AL᷊USASSA

⁵ Ana waugu udde manga taumatan Farisi wuṛṛu manga hurun agama naiwal᷊o Mawu Yesus, “Anio mallal᷊aṛṛenggen-Nu udde u'anna tawe mangukkassa lima? Anio i mangitou tawe tumuṛṛutta addatta inanaramannu iupungngu al᷊amonang kite?”

MARKUS 7:5 Iomraidhean Croise

MATIUS 15:2

“Anio manga mallal᷊aṛṛenggennu nilumawangnga addatta inanaramannu iupungngu al᷊amonang kite? Su tempo umanna, i mangitou tawe mangukkassa lima rorone ere su atoranna!”

MARKUS 7:13

Nariaddi ringannu al᷊aṛṛangngu sassane, apan nianggillu su manga taumata, i yamiu mapaawul᷊im bisara Ruata. Ta'e manambo lai inolaanna ereindi apan a'olaanni yamiu.”

MARKUS 7:8

Manga parentan Ruata tawe pandumanni yamiu, arawe manga atorannu taumata aagasanni yamiu matoha-tohassa.”

MARKUS 7:9

See Mawu Yesus nabbisara apia, “Yamiu pande atonna manol᷊a'u parentan Ruata tadea'u wotongnge mannohassa al᷊aṛṛa'i yamiu sassane.

WATTI'U MANGA RASUL 21:21

Wuṛṛu orassa indi i mangitou naaringikke manungku tuṛṛangnga mangngaṛṛa'a anambon taumatan Yahudi apan uatana'a su wallattu walahanna waine, tadea'u mamallossu Titan Musa. Tuṛṛangnga mannantiro si mangitou tadea'u i mangitou tawe mapassunattu al᷊aṛṛana'i mangitou, ara'e tumuṛṛutta inanaramannu Yahudi.

WATTI'U MANGA RASUL 21:24

Ne ṛinone tuṛṛangnga inai mallaghu pangangukkassa wadangnga su adio'a ringanni mangitou wuṛṛu waeṛṛete sasannane tadea'u i mangitou wotongngete lungguṛṛanna. Ringannu aroddi sarun lumiatta'a su anambon taumata manungku apa apan niaringiṛṛanni mangitou su ola'u tuṛṛangnga udde awusu, ana waugu tuṛṛangnga sassane lai mappaamattu Titan Musa.

ROMA 4:12

Abraham lai iamangngu manga taumata mangngimanna apan tuttuṛṛutta atorannu sunatta. I tou lai iamangngu manga taumata mangngimanna wal᷊ine tumba'u ana waugu i mangitou tuttuṛṛutta atorannu sunatta, arawe i mangitou lai apan mabbiakka ringannu mangngimanna Ruata, ere lai Abraham su tempo i tou taambe tinumuṛṛutta atorannu sunatta.

GALATIA 1:14

Sulal᷊ummu mappaamattu agaman Yahudi, ya'u nangillembo wuassu anambon taumatan Yahudi apan santuwo'u. I ya'u maṛṛimada su ola'u manga inolaannu addatu iupungngu al᷊amonan kami.

2 TESALONIKA 3:11

I yami nabbisara arendi ana waugu i yami naaringikka manungku pia manga taumata su wallatti yamiu apan mabbiakka su amamalassa. I mangitou tawe mammanara, tumba'u ma'ilal᷊o'a su hatton taumata waine.

2 TESALONIKA 3:6

Manga tuṛṛangnga, wuassu taṛṛinon Mawu Yesus Kristus, i yami nandolokka tadea'u i yamiu mangindau manga tuṛṛanga, apan mabbiakka wolo'a, wuṛṛu maddiri tumuṛṛutta manga al᷊aṛṛa'a apan niapaasingkati yami si mangitou.