MARKUS 7:3 - WUKE SUSI WATTI'U AL᷊AL᷊USASSA

³ Manga taumatan Farisi, aroddi lai manga taumatan Yahudi, matuṛṛutta atonna su addatta inanaramannu iupungngu al᷊amona mangitou. I mangitou tawe umanna, amungkangngu taambe nangukkassa lima tumuṛṛuttu atoranna apan suete nitantunna.

MARKUS 7:3 Iomraidhean Croise

MARKUS 7:13

Nariaddi ringannu al᷊aṛṛangngu sassane, apan nianggillu su manga taumata, i yamiu mapaawul᷊im bisara Ruata. Ta'e manambo lai inolaanna ereindi apan a'olaanni yamiu.”

MARKUS 7:5

Ana waugu udde manga taumatan Farisi wuṛṛu manga hurun agama naiwal᷊o Mawu Yesus, “Anio mallal᷊aṛṛenggen-Nu udde u'anna tawe mangukkassa lima? Anio i mangitou tawe tumuṛṛutta addatta inanaramannu iupungngu al᷊amonang kite?”

LUKAS 11:38

Taumatan Farisi udde naherangnga naasilo Mawu Yesus inumanna tawe nangukkassa lima rorone, tumuṛṛuttu atorannu agama.

YOHANES 2:6

Isudde pia annumma wensada apan nissaddia pangangukkasanna tumuṛṛuttu inanaramannu Yahudi. Wensada udde sambau-sambau iraṛṛangngo loṛṛone maṛṛasutta su liteṛṛene.

GALATIA 1:14

Sulal᷊ummu mappaamattu agaman Yahudi, ya'u nangillembo wuassu anambon taumatan Yahudi apan santuwo'u. I ya'u maṛṛimada su ola'u manga inolaannu addatu iupungngu al᷊amonan kami.

KOLOSE 2:8

Ṛinone i yamiu paatehamma, arie ma'oman sara piaddu mamono'a si yamiu ringannu manga al᷊aṛṛa'u taumata apan tawe gunane, ewe'e tumba'u mangngal᷊iwu. Manga al᷊aṛṛa'a udde wal᷊ine wuassi Kristus, ewe'e wuassu ṛingiṛṛannu taumata sassane wuṛṛu wuassu manga ghaṛṛahon tembonannu runia.

1 PETRUS 1:18

I yamiu masingkata apa apan buatte nipamaekka tadea'u ipamallosi yamiu wuassu pabbiaṛṛanna apan tawe gunane apan tinantillu iupungngu al᷊amonanu. Bawaekke wal᷊inewe saranapa apan wotongnge mawulle ere inai sal᷊a'a ara'e wul᷊awanna,