MARKUS 4:6 - WUKE SUSI WATTI'U AL᷊AL᷊USASSA

⁶ arawe su tempo matannallo matanggakka, manga tatuwone udde mannattakke tuttolangnga wua'udde naṛṛangu wuṛṛu nate ana waugu ṛamunne tawe nusippa mal᷊al᷊umma.

MARKUS 4:6 Iomraidhean Croise

ANTARI MAWANTUGA 1:6

Arie pa'innunu pisi'u ma'itumma, ana waugu i ya'u nal᷊akkabbu paddissa. Manga iaangku esakka massa'u si ya'u, wuṛṛu nandolo'u mammanara su waillu anggore; i ya'u tawe tempo ipamaddul᷊i watangangku sassane.

YESAYA 25:4

Ana waugu I'o nabbal᷊i tatal᷊angannu taumata lome, tampa apan mal᷊annabba su taumata asiangnga sulal᷊ummu asasusa. Ete I'o pattilindumanna su anginna al᷊isusu, pattillummanna su paddissa masal᷊ihangnga. Ana waugu taumata maṛṛagissa namangalo naal᷊ihidda anginna al᷊isusu sutempo mangnguranna

YUNUS 4:8

Napawe matannallo sinumabbangke, Ruata nandantan anginna mal᷊oso apan nattiuppa wuassu ra'i. Yunus maraniten napinsanna ana waugu niaṛṛinoannu samakku matannallo apan ereola'u mannutungnga puane. I tou tate ṛingidda wuṛṛu mappulute mate. Wisarane, “Mappianne i ya'u mate sul᷊ungnge wiakka!”

MATIUS 13:6

Arawe su orassu matannallo matanggakke, manga tatuwon wualanna udde mannattakke tinumolangnga, ana see naṛṛangu wuṛṛu nate ana waugu ṛamunne tawe nusippa mal᷊al᷊umma.

MARKUS 4:5

Pia lai nanawo su tampa mawatu apan letangnge adio'a, manga wualanna udde lapiddu tinumuwo ana waugu letangnge adio'a,

MARKUS 4:7

Pia lai bualanna apan nanawo su tangngan ahuranganna ṛoaanna. Ahuranganna ṛoaanna udde tinumuwo wuṛṛu namul᷊issa tatuwon bualanna udde na'oman sara tawe nabbua.

EFESUS 3:17

Doronganna ana waugu i yamiu mangngimanna si Kristus, Kristus matana'a sulal᷊ummu naungngu, wuṛṛu wiakku niwantanna wuṛṛu niparentannu darangngu.

KOLOSE 2:7

wuṛṛu maṛṛamutta su lal᷊ummi Tou. Ṛinone i yamiu mapararisikku wiakku ringanni Kristus maola'a rapappake. Ṛinone i yamiu lembon mangngimanna si Kristus, tuttuṛṛutta apa apan suete niaṛṛa'a si yamiu. Wuṛṛu ṛinone naungngi yamiu lulluassa ringannu wisara aadiangkamanna.

2 TESALONIKA 2:10

I tou sarun mappaattu al᷊awo'u awusune apan lal᷊eo ipangal᷊iwu manga taumata apan sarun mate. I mangitou sarun mate ana waugu tawe maddaringikka wuṛṛu maddirin wattia'a apan naṛṛino wuassu Ruata apan wotongnge manal᷊amatta si mangitou.

YAKOBUS 1:11

Su tempo matannallo lumapputa ringannu paddisa apan mal᷊oso, ne ahuranganna udde sarun tumolangnga ma'oman sara manontonga wungane wuṛṛu mawul᷊ite lai araṛṛansange. Aroddi lai taumata ala; i tou sarun maṛṛimunsa'a su tempo i tou mappaamattu manarane.

YUDAS 1:12

Su tempo i yamiu na'ola'a andeangnga, pallal᷊agu manga taumata udde maarantinna su wallatti yamiu. Ana waugu i mangitou u'anna manambo-nambo ringannu tawe masili, wuṛṛu tumba'u maṛṛingiddu watanganne sassane. I mangitou naal᷊ihida winabbawa iattalla'u anginna, arawe tawe manguranna. I mangitou lai ere alu apan tawe mabbua salaiwe su tempon pabbawua; manga alu apan suete niabutta ṛamunne wuṛṛu natete abbi.

SONDAPPA 7:16

I mangitou tate maapendama mal᷊unussa ara'e marou; matannallo ara'e paddisa mapal᷊atta tate maal᷊oso si mangitou,