MARKUS 3:9 - WUKE SUSI WATTI'U AL᷊AL᷊USASSA

⁹ Manga taumata udde tumanite manambo, na'oman sara Mawu Yesus nandolokku manga mallal᷊aṛṛenggen-Ne niapasaddia saalanna sa'ean-Ne, ana waugu aṛṛengenne i Tou iasesse'u taumata nambo udde.

MARKUS 3:9 Iomraidhean Croise

MATIUS 15:39

Wua'udde Mawu Yesus nandolokke manga taumata udde niapapul᷊e. I Tou sassane sinuma'e sangngassa saalanna wuṛṛu inaite watukku wageangngu leta'u Magadan.

MARKUS 4:1

Mawu Yesus mangngaṛṛa'a lai su winggin Ranon Galilea. Manambo atonna taumata uapal᷊iwutta si Tou. Ana waugu udde i tou inaite inuma'ianna sulal᷊ummu saalanna apan ual᷊allatto, wuṛṛu taumata nambo uarisikka su winggin dano.

MARKUS 4:36

Ne Mawu Yesus sinuma'ete su saalanna, wuṛṛu mallal᷊aṛṛenggen-Ne nanantangken taumata nambo su winggin dano, see sinuma'ete su saalanna su sambau. Pia lai manga saalanna waine isudde. Wua'udde Mawu Yesus wuṛṛu mallal᷊aṛṛenggen-Ne nassenggotte.

MARKUS 5:2

Aroddi Mawu Yesus nilumintukka wuassu saalanna, i Tou nirantannu sangkatou esakka apan sinumabangnga wuassu manga loṛṛangngu lal᷊abinganna.

MARKUS 5:30

Su orassa udde lai Mawu Yesus naapendamma manungku pia auatanna apan nasabangnga wuassu wadang-Nge. Ne i Tou nanaile taumata nambo udde wuṛṛu naiwal᷊o, “Isai nangindingnga jubah-U?”

MARKUS 6:32

Ne i mangitou inaite ringannu sinuma'e saalanna nabatukku tampa apan mal᷊annaba udde.

LUKAS 5:1

Su sambau tempo Mawu Yesus uarisikka su winggin Dano Genesaret. Manambo taumata uasaseppe'a maddaringikka watti'u Ruata.

LUKAS 5:3

Mawu Yesus sinuma'e su saalanna sangngassa, eteudde saalanni Simon, see nandolokki Simon manondon saalanne udde marau adio'a wuassu apanne. Mawu Yesus inuma'ianna su saalanna udde wuṛṛu mangngaṛṛa'e taumata nambo.

YOHANES 6:15

Mawu Yesus masingkatte i mangitou nirumanta tuddane mamata'i Tou maola'a ratu mangitou. Ana waugu udde i Tou inaite nassal᷊iu watukku wageangnge pia wuidda.