MARKUS 2:2 - WUKE SUSI WATTI'U AL᷊AL᷊USASSA

² See manambo taumata nirumanta. I mangitou uaṛṛimpulunna poiaroddi na'oman sara niasueannu tampa. Su ngara taumata mangke lai uasaseppe'a. See Mawu Yesus namasingkattu watti'a wuassu Ruata si mangitou.

MARKUS 2:2 Iomraidhean Croise

DARALO 40:9

I ya'u mal᷊uassa tuttuṛṛuta apulu-Nu, oh Ruata, tita-Nu ta'u sinahipunna sulal᷊ummu naungnga.”

MATIUS 5:2

see i Tou nanattakke mangngaṛṛa'a si mangitou:

MARKUS 1:14

Napawe i Yohanes niṛṛuumante, Mawu Yesus inaite su Galilea, wuṛṛu namasingkattu Watti'u Al᷊al᷊uassa wuassu Ruata poiaroddi.

MARKUS 1:33

Anambon lal᷊oṛṛon soa udde uaṛṛimpulunna su passalangannu wal᷊e udde.

MARKUS 1:37

Wuṛṛu napawe i mangitou naasombate si Tou, i mangitou nabbisara, “Manambo taumata maddea'a Iamangnga.”

MARKUS 1:45

Arawe taumata udde inaite, wuṛṛu mangke tawe illol᷊one mabatti'u inolaanna udde su al᷊awo'u tampa, na'oman sara Mawu Yesus tate naasutta su soa ringannu mal᷊uassa. I Tou tumba'u uatana'a su liuddu soa su tampa apan mal᷊annaba. Arawe taumata sidutu lai rudanta ringanni Tou wuassu al᷊awo'u tampa.

MARKUS 2:1

Manga pira allo wua'udde, Mawu Yesus nabelengke su Kapernaum. Ne tinumelengke watti'a manungku i Tou tantal᷊anna su wal᷊e.

MARKUS 2:13

Mawu Yesus nabelengnga apia su winggin Danon Galilea. Manambo taumata nirumanta ringanni Tou, ne i Tou nangaṛṛa'e si mangitou.

MARKUS 6:34

Su tempo Mawu Yesus sinumossokka wuassu saalanna, i Tou naasilo taumata manambo. I Tou inumakkanni mangitou, ana waugu i mangitou naal᷊ihidda domba apan tawe mallal᷊u'adde. Ne i Tou nanattakke mangngaṛṛa'u al᷊awo'u al᷊aṛṛa'a si mangitou.

LUKAS 12:1

Su ṛiwune taumata mangke uasaseppe'a na'oman sara piaddu niaṛṛindanna leddane. Tantal᷊anna manga taumata udde uaṛṛimpulunna, Mawu Yesus nabbisara su manga mallal᷊aṛṛenggen-Ne, “Paatehamma su ragin taumata Farisi, pandumang-Ku, lilangkamal᷊e'i mangitou.

LUKAS 5:17

Su sambau allo, tantal᷊anna Mawu Yesus mangngaṛṛa'a, pia manga pirang katou taumatan Farisi wuṛṛu manga hurun agama ua'ianna isudde. I mangitou nirumanta wuassu Yerusalem, wuṛṛu wuassu manga soa su leta'u Galilea wuṛṛu Yudea. Taṛṛinon Ruata uaṛṛundinganna Mawu Yesus mapaapian taumata marada'a.

LUKAS 8:1

Tawe nal᷊annu wua'udde, Mawu Yesus inaite su manga soa wuṛṛu manga ampungnga, ana mamasingkattu Watti'u Al᷊al᷊uassa manungku Ruata manattakke mamarenta ere sangkatou Ratu. Siri mapul᷊o dua mallal᷊aṛṛenggen-Ne uatantalongnga su sampunna ringanni Tou.

LUKAS 8:11

“Ete indi atappasannu sasumandingnga udde: Wualanna eteudde watti'u Ruata.

WATTI'U MANGA RASUL 11:19

Napawe i Stefanus nipate, manga taumata apan mangngimanna Mawu Yesus, nanattakke a'enggenanna, na'oman sara i mangitou nassal᷊iawukka su al᷊awo'u tampa. Piaddu tinumal᷊angnga su Fenisia, wuṛṛu piaddu lai na'oma su Siprus wuṛṛu Antiokhia. I mangitou mammasingkattu Watti'u Ruata tumba'u su manga taumatan Yahudi sassane.

WATTI'U MANGA RASUL 14:25

Wuṛṛu napawe i mangitou suete namasingkattu watti'u Ruata su Perga, i mangitou inaite watukku Atalia.

WATTI'U MANGA RASUL 16:6

Ghaṛṛahon Ruata tawe namalam Paulus wuṛṛu i Silas mabatti'u wisaran Ruata su leta'u Asia. Nariaddi amamatti tarua nisassukke watukku wageangngu Frigia wuṛṛu Galatia.

WATTI'U MANGA RASUL 8:25

Napawe i mangitou suete nattiala wuṛṛu napaasingkattu wisara Mawu, i Petrus wuṛṛu i Yohanes nabelengke watukku Yerusalem. Wuṛṛu su amatanna lai i mangitou mammasingkattu Watti'u Al᷊al᷊uassa udde su anambo manga ampungnga su Samaria.

ROMA 10:8

Pandumanne arendi, “Watti'a wuassu Ruata udde marani atonna ringanni yamiu; su moṛṛongngu wuṛṛu sulal᷊ummu naungngu.” Eteudde watti'a apan iapaasingkati yami, watti'a manungku taumata ṛinone mangngimanna.

2 TIMOTIUS 4:2

Ṛinone i'o mamasingkatu watti'a wuassu Ruata udde, wuṛṛu sidutu mammata'a tadea'u taumata maddaringikka, apa i mangitou maapulu ara'e maddiri. Ṛinone i'o mapaangimannu taumata, manta'en pasasal᷊a, wuṛṛu mangonggolu sasasa si mangitou. Aṛṛa'ete taumata ringannu anambon asasabbare.