MARKUS 13:8 - WUKE SUSI WATTI'U AL᷊AL᷊USASSA

⁸ Walahanna sambau sarun mamangalo walahanna waine. Araratuanna sambau sarun mamangalo araratuanna waine. Su al᷊awo'u tampa sarun mallinukka wuṛṛu pia al᷊al᷊unussa. Sarangkanambone udde wakkute panattaṛṛanne, ere rada'a apan niapendamannu sangkatou wawine apan mangunsiwe.

MARKUS 13:8 Iomraidhean Croise

2 TAWARIKH 15:6

Walahanna sambau mammangalo walahanna waine, wuṛṛu soa sambau mammangalo soa waine, ana waugu Ruata nandantan al᷊iba'ukka apan wahewa si mangitou.

DARALO 48:6

Arawe naasilo wuidda udde, i mangitou niagukke; i mangitou nata'utta wuṛṛu tinumal᷊angnga nial᷊iwune.

YESAYA 19:2

Mawu nabbisara, “i Ya'u sarun mamonsen ara'e mangangkatta pangalon sangka tuṛṛanganna su Mesir: Tuṛṛangnga mando'appa tuṛṛangnga, al᷊indonganna mando'appa al᷊indonganna, soa mando'appa soa wuṛṛu araratuanna mando'appa araratuanna.

YESAYA 29:6

Mawu Apan Lembontaṛṛino sarun mamallossu soa udde ringannu anginna ma'ikkatta wuṛṛu linukka apan masaddata. I Tou sarun mandatan anginna al᷊isusu wuṛṛu putungnga apan mangngepodda.

YESAYA 37:3

Eteindi tanatan Hizkia apan niwal᷊on mangitou si Yesaya, “Allo indi allon lullal᷊o; i ite niṛṛuumanna wuṛṛu nial᷊uandahanna. I ite naal᷊ihidda wawine apan mangunsiwete, arawe niasueannu ikkatta.

YEREMIA 13:21

Apa apan sarun iwisarang kamiu amungkangngu manga taumata apan haggaweanni yamiu namaddo wuṛṛu uataṛṛino si yamiu? I yamiu sarun maapendamma hiadda ere wawine apan tantal᷊anna mangngunsiwe.

YEREMIA 22:23

I yamiu matana'a ringannu mal᷊angnganna papal᷊iwutannu manga diṛṛi cemaran Libanon, arawe sal᷊immurine napawe i yamiu aṛṛiaannu atataddu'a, i yamiu sarun matataṛṛangnga ere wawine apan tantal᷊anna mangngunsiwe.”

YEREMIA 25:32

Mawu Apan Lembontaṛṛino nabbisara, “Wuassu manga pentakku runia anginna ma'ikkatta sussal᷊induṛṛunga; asasilaka naṛṛia'a su manga araratuannu sambau-sambau.”

YEREMIA 4:31

I ya'u naaringikka tingikku sasal᷊iomanna ere wawine apan mangunsiwete; ere wawine wakku mangunsiwen anangnge apan paarorone, etearoddi lal᷊uain Yerusalem apan maappu sasangngone. Limane ia'uawa wuṛṛu i tou sussal᷊ande, “Nasilakate i ya'u – i ya'u pateanten seetta!”

YEREMIA 49:24

Tumana'u Damsyik nallome, wuṛṛu tuttal᷊angngu atata'utta. I mangitou sussal᷊iomanna wuṛṛu uatataṛṛangnga ere wawine apan mangunsiwete.

YEREMIA 50:43

Naaringikka watti'a udde, ratun Babel nabbal᷊i nallome. I tou papal᷊iwutannu atata'utta, wuṛṛu uatataṛṛangnga ere wawine apan mangunsiwete.

YEREMIA 6:24

Naaringikka watti'a udde, tumana'u Yerusalem nabbal᷊i nallome. I mangitou naapendamma atata'utta, wuṛṛu uatataṛṛangnga ere wawine apan mangunsiwete.

HAGAI 2:22

manga araratuanna Ta'u iapaṛṛa'a wuṛṛu taṛṛinon mangitou Ta'u ṛinumsaanna. Manga karetan pangalo ringannu mangangapidde sarun Ta'u iwal᷊insuangnga; anambon awal᷊o sarun nate wuṛṛu manga sumasa'ene sarun mapapate.

ZAKARIA 14:13

Su allo udde Mawu sarun ma'ola'a manga walahanna udde ial᷊iwune wuṛṛu matta'utta ma'oman sara suapan taumata sarun manametta ringanne apan su sandiṛṛanne wuṛṛu mango'a si tou.

MATIUS 24:8

Sarangkanambone udde wakkute panattaṛṛanne, ere radda'a apan niapendamannu sangkatou wawine su tempo mangunsiwe.

MARKUS 13:7

Amungkangngu i yamiu maaringikka manga tingikku pangalo wuṛṛu manga watti'u pasaseetta, arie pa'ata'utta. Sarangkanambone udde sarun mariaddi, arawe sarangkanambone udde tawe papasingkatta manungku temponete kiamatta.

MARKUS 13:9

I yamiu ṛinone paatehamma, ana waugu yamiu sarun sametanna wuṛṛu parikisanna su saruannu mallaṛṛuungnga. I yamiu sarun puul᷊anna su manga wal᷊em pattataṛṛamawuanna. I yamiu sarun parikisanna sumaruanna manga tembonanne wuṛṛu manga ratu ana waugu i yamiu mallal᷊aṛṛenggeng-Ku. Wuṛṛu eteudde temponu manganggillu tatiala su ola'u riri-U si mangitou.

WATTI'U MANGA RASUL 11:28

Su wallatti mangitou pia sangkatou aranne i Agabus. Wuassu piaṛṛa'u Ghaṛṛahon Ruata i tou nabbati'a manungku su ahewallu runia sarun mariaddi tempon al᷊aṛṛutumma apan bahewalla. (Wuṛṛu olangnge udde natipusse su tempo i Klaudius uaparenta.)

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

SONDAPPA 6:4

See awal᷊o waine sinumabanga lai. Awal᷊o udde maṛṛamu wambul᷊une. Sumasa'ene nionggol᷊annu taṛṛino ipammul᷊im paddarame su wowon runia, tadea'u taumata mapapate. Ne i tou nionggol᷊annu hal᷊ele wahewa sammata.