MARKUS 13:10 - WUKE SUSI WATTI'U AL᷊AL᷊USASSA

¹⁰ Watti'u Al᷊al᷊uassa wuassu Ruata udde sarun iapasingkatta su anambon walahanna.

MARKUS 13:10 Iomraidhean Croise

MATIUS 12:41

Su Allong Kiamatta, lal᷊oṛṛo Niniwe sarun mabangunna su sambau ringannu manga taumatan tempo indi wuṛṛu mapaasal᷊a mangitou. Ana waugu manga taumata Niniwe udde nawal᷊u wuassu rosa mangitou, su tempo Yunus nannase si mangitou. Arawe orassa indi pia maggewal᷊anne wuassi Yunus!

MATIUS 24:14

Wuṛṛu Watti'u Al᷊al᷊uassa su ola'u ereapa Ruata mamarenta sarun iapasingkatta su ahewallu runia, tadea'u anambo n taumata maddaringikka. Wua'udde rumantate kiamatta.”

MARKUS 16:15

See Mawu Yesus nabbisara si mangitou, “Roote su ahewallu runia wuṛṛu wal᷊oa'e Watti'u Al᷊al᷊uassa wuassu Ruata udde su anambon taumata.

ROMA 1:8

Paarorone sulal᷊ummi Yesus Kristus, i ya'u maadiangkamanna su Ruata ana waugu manga tuṛṛangnga sarangkanambone; ana waugu ahewallu runia naaringikke manungku i yamiu mangngimanna atonna su Mawu Yesus Kristus.

ROMA 10:18

Arawe i ya'u maiwal᷊o: Atonnawe i mangitou taambe naaringikka watti'a udde? Atonna buatte! Ana waugu sulal᷊ummu Wuke Susi uawoṛṛetta arendi, “Tingikki mangitou niaringiṛṛante su ahewallu runia, manga wisaran mangitou na'omate sara petakku runia.”

ROMA 15:19

wuṛṛu manga al᷊aṛṛindu'a wuṛṛu manga inolaanna apan wahewalla; sarangkanambone udde wuassu taṛṛinon Ghaṛṛahon Ruata. Watti'u Al᷊al᷊uassa su ola'u Mawu Yesus suete ta'u niapaasingkatta su anambon taumata, nanattaka wuassu Yerusalem na'oman sara watukku Ilirikum.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

KOLOSE 1:6

Watti'a wuassu Ruata udde nassal᷊iawukke su ahewallu runia, wuṛṛu wiakku taumata sidutu aal᷊amatannu watti'a udde, ere lai wiakku nial᷊amatanna ro'en su tempo i yamiu naaringikka ola'u darangngun Duata wuṛṛu atonna-tonna nusippa sulal᷊ummu naungngu.

SONDAPPA 14:6

See i ya'u naasilo sangkatou mala'ekatta waine apan tuttalla'a matanggaka su langitta. Mala'ekatta udde uaapiddu watti'a su ola'u Watti'u Al᷊al᷊uassa apan awasa iapaasingkatta su taumatan runia eteudde su anambon walahanna, ṛuanganna, wahasa wuṛṛu araratuanna.