MARKUS 10:1 - WUKE SUSI WATTI'U AL᷊AL᷊USASSA

¹ Wua'udde Mawu Yesus nanantangken tampa udde, wuṛṛu inaite su wageangngu leta'u Yudea wuṛṛu su wageangngu leta'u samba'an Sal᷊ukku Yordan. Taumata manambonirumanta apia maṛṛimpulunna mammal᷊iwutta Mawu Yesus. Wuṛṛu ere wiasane Mawu Yesus mangngaṛṛa'a si mangitou.

MARKUS 10:1 Iomraidhean Croise

MANNANASE 12:9

Sangkatou Maṛṛaṛingidda udde pande wuṛṛu masingkatta. Ana waugu udde niaṛṛangnge su umatta al᷊awo'u asingkanne. Manambo sasanato'a nisal᷊umanne ana see i tou nanal᷊u'atta apapiane.

YEREMIA 32:33

I mangitou buatte nanantang-Ku salaiwe I Ya'u sidutu mangngenggenna si mangitou, i mangitou maddiri maddaringikka wuṛṛu mangimanna.

MATIUS 26:55

See Mawu Yesus nabbisara su taumata manambo udde, “Apa i Ya'u indi taumata lal᷊eo, na'oman sara i yamiu nirumanta ringannu uaapiddu hal᷊ele wuṛṛu papuulla ipanametta si Ya'u? Miallo-miallo i Ya'u mangngaṛṛa'a su Wal᷊e Mawu, arawe i yamiu tawe manametta si Ya'u.

MATIUS 4:23

Su Galilea, Mawu Yesus namal᷊iwutte ahewallu wanua wuṛṛu mangngaṛṛa'a su anambon bal᷊em pattataṛṛamawuanna. I Tou mabbatti'u Watti'u Al᷊al᷊uassa manungku Ruata sarun mamarenta. Wuṛṛu i Tou lai mapaapian manga taumata apan maradda'a wuṛṛu pia sangkulle.

MARKUS 1:21

Mawu Yesus wuṛṛu manga mallal᷊aṛṛenggen-Ne na'omate su soa Kapernaum. Su allon Sabatta manansunna, Mawu Yesus sinumutta su wal᷊em pattataṛṛamawuanna wuṛṛu nanattakke mangngaṛṛa'a.

MARKUS 10:2

Manga pira taumatan Farisi nirumanta lai mappaasal᷊a Mawu Yesus. I mangitou naiwal᷊o, “Tumuṛṛuttu titan agamang kite, wotongewe taumata manindo awingnge?”

MARKUS 12:35

Tantal᷊anna mangngaṛṛa'a su Wal᷊e Mawu, Mawu Yesus naiwal᷊o, “Ereapa manga hurun agama wotongnge mabbisara manungku Ratum Punnu Sal᷊amatta udde wuassu papapulunni Daud?

MARKUS 14:49

Miallo-miallo I Ya'u mangngaṛṛa'a su Wal᷊e Mawu su saruanni yamiu arawe i yamiu tawe manametta si Ya'u. Arawe atonna sarun maola'a aroddi, tadea'u matipusse apa apan uawoṛṛetta sulal᷊ummu Wuke Susi.”

MARKUS 2:13

Mawu Yesus nabelengnga apia su winggin Danon Galilea. Manambo taumata nirumanta ringanni Tou, ne i Tou nangaṛṛa'e si mangitou.

MARKUS 4:2

See Mawu Yesus nangaṛṛa'u al᷊awo'u inolaanna apan mapia si mangitou ringannu sasumandingnga. Ereindi i Tou mangngaṛṛa'a si mangitou.

MARKUS 6:2

Su allon Sabatta i Tou nanattakke mangngaṛṛa'a su wal᷊em pattataṛṛamawuanna. Manambo taumata isudde. Su tempo manga taumata udde naaringikka al᷊aṛṛa'u Mawu Yesus, i mangitou mangke naherangnga. I mangitou nabbisara, “Wuassuapa taumata indi naasomba sarangkanambone udde? Apande ereapa indi si Tou? Ereapa i Tou wotongnge ma'ola'a al᷊aṛṛindu'a?

MARKUS 6:34

Su tempo Mawu Yesus sinumossokka wuassu saalanna, i Tou naasilo taumata manambo. I Tou inumakkanni mangitou, ana waugu i mangitou naal᷊ihidda domba apan tawe mallal᷊u'adde. Ne i Tou nanattakke mangngaṛṛa'u al᷊awo'u al᷊aṛṛa'a si mangitou.

MARKUS 6:6

I Tou naherangnga i mangitou tawe mangngimanna. Wua'udde Mawu Yesus inaite su manga ampungnga maranine isudde, wuṛṛu mangngaṛṛa'a.

YOHANES 10:40

Mawu Yesus nabelengke watukku samba'an Sal᷊ukku Yordan, su tampan Yohanes dorone mannarani, see natana'e poiaroddi.

YOHANES 11:7

Wua'udde i Tou nabbisara su mallal᷊aṛṛenggen-Ne, “Wette i ite mabelengnga su Yudea.”

YOHANES 18:20

Mawu Yesus sinumimbakka, “I Ya'u sidutu mabbisara ringannu uahahati su saruannu awadaalla. I Ya'u sidutu mangngaṛṛa'a su manga wal᷊em pattataṛṛamawuanna wuṛṛu su Wal᷊e Ruata, su tampan taumatan Yahudi wiasane maammula. Taambe saran paassa i Ya'u mabbisara ringannu itattullampingnga.