MARKUS 1:5 - WUKE SUSI WATTI'U AL᷊AL᷊USASSA

⁵ Anambon taumata wuassu wanuan Yudea wuṛṛu soan Yerusalem matudda maddaringikka si Yohanes. I mangitou nanga'u manga rosa mangitou, see i Yohanes nanaṛṛanite si mangitou su Sal᷊ukku Yordan.

MARKUS 1:5 Iomraidhean Croise

DARALO 32:5

Ana see i ya'u nanga'ute rosa'u Si'o, pasasal᷊a'u taweddu ta'u niwuni. I ya'u nakkawessa, sarangkanambone a'uanna Si'o, ne I'o nangampunga rosa'u.

AMSAL 28:13

Isai apan mammunin dosane tawe mauntungnga. Isai manga'u wuṛṛu manantangngu rosa, sarun dangnguannu Mawu.

MATIUS 4:25

Manambo atonna taumata apan tinumantalongnga Mawu Yesus su tempo udde. Piaddu nirumanta wuassu Galilea, pia lai wuassu Mapul᷊o Soa, wuassu Yerusalem, wuassu Yudea, wuṛṛu pia lai wuassu wanua su samba'an Yordan.

MARKUS 1:4

Ere lai uawoṛṛetta udde, aroddi lai Yohanes nirumanta su wadda'a. I tou mannaṛṛani taumata wuṛṛu mammasingkattu watti'a wuassu Ruata. “Awal᷊ute i yamiu wuassu manga rosanu, wuṛṛu ṛinone saṛṛanianna, tadea'u Ruata mangampungnga si yamiu,” aroddi unni Yohanes.

MARKUS 1:6

I Yohanes ualuṛṛen laubba wuassu wambul᷊un unta. Papeṛṛenne wuassu pisim binatangnga, wuṛṛu wiakke al᷊umbati'a wuṛṛu pul᷊an ahuranganna.

YOHANES 1:28

Sarangkanambone udde nariaddi su Betania, samba'an ra'in Sal᷊ukku Yordan, su tampan Yohanes mannaṛṛani.

YOHANES 3:23

Su tempo udde i Yohanes Mananaṛṛani taambe sinumutta su tuttupanna. I tou mannaṛṛani su Ainon, tawe marau wuassu Salim, ana waugu poiaroddi manambo ua'e. Manga taumata nirumanta ringanni tou, ne i tou nanaṛṛanite si mangitou.

YOHANES 5:35

I Yohanes udde naal᷊ihida sol᷊o apan luṛṛenggamma wuṛṛu mannemakka. Tumba'u sangkatempo i yamiu mal᷊uassa mannengkamma semakka udde.

WATTI'U MANGA RASUL 19:18

Manga taumata apan nangngimante Mawu Yesus, nirumanta mangnga'u su tangngan awadaalla manga inolaanni mangitou su tempo nangkal᷊iu.

WATTI'U MANGA RASUL 2:38

I Petrus sinumimbakka, “Awal᷊ute wuassu manga rosanu. Wuṛṛu i yamiu sambau-sambau ṛinone saṛṛanianna su arannu Mawu Yesus Kristus, tadea'u manga rosanu ampunganna. Ne manga tuṛṛangnga sarun manengkamma Ghaṛṛahon Ruata wuassu Ruata.

YAKOBUS 5:16

Ana waugu udde, ṛinone i yamiu uaa'a'u pasasal᷊a wuṛṛu uaa'al᷊iomanna, tadea'u i yamiu iapaapia. Aal᷊iomannu taumata apan tuttuṛṛutta apulun Duata, pia taṛṛino apan wahewalla.

YOSUA 7:19

I Yosua nabbisara si Akhan, “Ana'u, panga'ute wuṛṛu wal᷊oa'e uahahati isindi su saruannu Mawu Ruatan Israel, sarangkanambone apan buatte niolangu. Wal᷊oa'e si ya'u, arie pabbunia'a.”